Read De Bibel JHF Rechta 12 Bible Online

Rechta 12 - De Bibel JHF bible

Rechta 12

¹Un de Mana von Efraim vesaumelden sikj un jinjen äwa nom Nuaden, un see säden to Jefta: Wuarom best du jäajen de Kjinja Amon em Kaumf jegonen, un hast ons nich jeroopt, daut wie met die gonen? Wie woaren dien Hus met die met Fia vebrennen!

²Un Jefta säd to an: Eenen schwoaren Kaumf ha wie jehaut, ekj un mien Volkj, met de Kjinja Amon; un ekj roopt junt, oba jie ha mie nich ut äare Haunt jerat.

³Un aus ekj sach, daut du nich halpen wust, doa sad ekj mien Läwen opp Späl un jinkj jäajen de Kjinja Amon han; un de Har jeef an en miene Haunt. Wuarom sent jie dan aun disem Dach jäajen mie noppjekomen, om jäajen mie too kjamfen?

⁴Un Jefta vesaumeld aule Mana von Gilead un kjamft met Efraim; un de Mana von Gilead schluagen Efraim, wiels see jesajcht hauden: Jie sent Efraim siene Flichtlinja, jie Gileadita, enne Medd von Efraim un enne Medd von Manasse!

⁵Un Gilead neem Efraim däm Äwagank vom Jordan. Un daut passieed, wan een Flichtlinkj von Efraim säd: Lot mie äwagonen! Soo säden de Mana von Gilead to am: Best du een Efraimita?

⁶Un säd hee: Ne! Soo säden see to am: Saj doch: Schibboleth! Un säd hee: Sibboleth, un brocht daut nich foadich, rechtich too sajen, dan jreepen see am un brochten am om aum Äwagank vom Jordan. Un daut follen en jane Tiet 42 000 von Efraim.

⁷Un Jefta recht Israel sas Joa; un Jefta, de Gileadita, storf un wort en eene de Städa Gilead begroft.

⁸Un no am recht Israel Ibzan von Betlehem.

⁹Un hee haud 30 Säns; un 30 Dajchta entleet hee ut sienem Hus, un 30 Dajchta brocht hee von buten fa siene Säns nenn. Un hee recht Israel säwen Joa.

¹⁰Un Ibzan storf un wort en Betlehem begroft.

¹¹Un no am recht Israel Elon, de Sebulonita; un hee recht Israel 10 Joa.

¹²Un Elon, de Sebulonita, storf un wort en Ajjalon em Launt Sebulon begroft.

¹³Un no am recht Israel Abdon, Hillel sien Sän, de Pirhatonita.

¹⁴Un hee haud 40 Säns un 30 Grootkjinja, dee opp 70 Äsel reeden. Un hee recht Israel acht Joa.

¹⁵Un Abdon, Hillel sien Sän, de Pirhatonita, storf un wort en de Pirhaton em Launt Efraim begroft, enne Boaj de Amalekita.