Read De Bibel JHF 2. Johanes 1 Bible Online

2. Johanes 1 - De Bibel JHF bible

2. Johanes 1

¹De Eltesta aun dee uterwälde Fru (Harin) un äare Kjinja, dee ekj en Woarheit leew; un nich ekj auleen, sonda uk aule, dee de Woarheit erkjant ha,

²om de Woarheit haulwen, dee en ons blift un met ons sennen woat en Eewichkjeit.

³Daut woat met junt sennen Jnod, Erboarmen, Fräd von Gott, däm Voda, un von däm Harn Jesus Christus, däm Sän vom Voda, en Woarheit un Leew.

⁴Ekj freid mie sea, daut ekj eenje von diene Kjinja enne Woarheit waundlen jefungen ha, aus wie von däm Voda een Jeboot emfangen ha.

⁵Un nu bedd ekj die, Fru, nich aus wan ekj een nieet Jeboot die schriew, sonda daut, waut wie von Aunfank jehaut ha; daut wie eenaunda leewen sellen.

⁶Un dit es de Leew, daut wie no siene Jebooten waundlen. Dit es daut Jeboot, aus jie vom Aunfank jehieet ha, daut jie doarenn waundlen sellen.

⁷Dan väl Vefiera sent enne Welt utjegonen, dee nich Jesus Christus em Fleesch jekomen bekjanen; dit es de Vefiera un de Auntikjrist.

⁸Kjikjt opp junt selfst, daut wie (jie) nich velieren, waut wie bewirkjt (jeschaufen) ha, sonda vollen Loon emfangen.

⁹Jiedra, dee wieda jeit un nich blift en de Lia Christi, haft Gott nich; wäa en de Lia blift, disa haft soo aus däm Voda aus uk däm Sän.

¹⁰Wan wäa no junt kjemt un dise Lia nich brinjt, soo nämt am nich en junem Hus opp un jreest am nich.

¹¹Dan wäa am jreest, nemt deel aun siene beese Woakjen.

¹²Doa ekj junt välet to schriewen ha, ekj wull daut nich met Papia un Tint doonen, sonda ekj hop, no junt to komen un mintlich met junt to räden, doamet onse Freid vollkomen es.

¹³Daut jreessen die de Kjinja von diene uterwälde Sesta.