Read De Bibel JHF Openboarunk 12 Bible Online

Openboarunk 12 - De Bibel JHF bible

Openboarunk 12

¹Un een grootet Tieekjen wort jeseenen aum Himmel: Eene Fru bekjleet met de Sonn, un de Mon wia unja äare Feet, un opp äa Kopp (Haupt) eene Kroon von (met) 12 Stierns.

²Un see es schwanga un schricht en Jeburtsweeen un en Weedoag de Jeburt.

³Un daut kjeem een aundret Tieekjen em Himmel; un kjikj, een groota, fiarooda Droak (Drachen), dee säwen Kjap un tieen Hieena haud, un opp siene Kjap säwen Kroonen;

⁴un sien Zoagel trakjt daut dredde Poat de Stierns vom Himmel met sikj wajch; un hee schmeet dee oppe Ieed. Un de Droak (Drachen) stunt ver de Fru, dee jebäaren sull, om daut hee, wan see jebuaren haud, äa Kjint veschlinjt.

⁵Un see jebua eenen menlichen Sän, dee aule Velkja weiden sull met ne iesane Wäd (Iesastang); un äa Kjint wort entrekjt no Gott un no sienem Troon.

⁶Un de Fru rant en de Wieste, wua see von Gott eene reedjemoakte Städ haud, doamet maun ar doa selfst 1260 Doag vesorcht.

⁷Un daut jeef een Kaumf em Himmel: Michael un siene Enjel kjamften met däm Droak (Drachen). Un de Droak (Drachen) kjamft un siene Enjel;

⁸un see jewonnen nich, un äa Plauz wort nich mea em Himmel jefungen.

⁹Un daut wort jeschmäten de groote Droak (Drachen), de oole Schlang, de Diewel un Soton jenant woat, dee de gaunz bewonde Ieed veleid, jeschmäten wort hee oppe Ieed, un siene Enjel worden met am rauf jeschmäten.

¹⁰Un ekj hieed eene lude Stemm em Himmel sajen: Nu es daut Heil (Radunk) un de Macht un daut Rikj (de Harschoft) von onsem Gott un de Vollmacht (Jewault) von sienem Christus (Jesaulwden) jekomen; dan rauf jeschmäten es de Vekjläaja de (von onse) Breeda, dee an Dach un Nacht ver onsem Gott vekloagd.

¹¹Un see haben am besiecht derch daut Bloot vom Laum un derch daut Wuat von äa Zeichnis un see ha äa Läwen nich jeleeft bat em Doot.

¹²Doawäajen siet froo, jie Himmels un dee jie en an wonen! Wee de Ieed un daut Mäa! Dan de Diewel es no junt rauf jekomen un haft groote Oaja, doa hee weet, daut hee weinich Tiet haft.

¹³Un aus de Droak (Drachen) sach, daut hee opp de Ieed jeschmäten wia, vefoljd hee de Fru, dee daut menliche Kjint jebuaren haud.

¹⁴Un daut worden de Fru de twee Flichten vom groote Odla jejäft, doamet see en de Wieste flicht, aun äare Städ, wua see jenäat (vesorcht) woat eene Tiet un Tieden un eene haulwe Tiet, wajch von daut Aunjesecht de Schlang.

¹⁵Un de Schlang spieech (schmeet) ut äarem Mul Wota, aus eenen Stroom, hinja de Fru häa, doamet see von dän Stroom wajchjeräten woat.

¹⁶Un de Ieed holp de Fru, un de Ieed muak äa Mul op un veschlukt dän Stroom, dän de Droak ut sien Mul spieech.

¹⁷Un de Droak (Drachen) wia oajalich äwa de Fru un jinkj han, Kjrich to fieren met de äwaje von äaren Somen, dee de Jebooten Gottes hoolen un daut Zeichnis Jesus haben.

¹⁸Un stunt oppem Saunt aum Mäa.