Read De Bibel JHF 1. Samuel 10 Bible Online

1. Samuel 10 - De Bibel JHF bible

1. Samuel 10

¹Un Samuel neem daut Eeljjefäss un goot daut opp sien Haupt ut, un hee kust am un säd: Es daut nich aulsoo, daut de Har die toom Ferscht äwa sien Oawdeel jesaulft haft?

²Wan du vondoag von mie wajchjeist, soo woascht du 2 Mana bie Rahel äa Grauf trafen, aune Jrens von Benjamin, bie Zelzach; un see woaren to die sajen: De Äselinen sent jefungen, dee du sieekjen jinjst; un kjikj, dien Voda haft de Sach de Äselinen oppjejäft, un hee es om junt beorruicht un sajcht: Waut saul ekj wäajen mienem Sän doonen?

³Un wan du von doa wieda jeist un kjeemst no de Terebinten Tabor, soo woaren die doa 3 Mana trafen, dee no Gott no Betel noppgonen; eena drajcht 3 kjliene Bakj, un eena drajcht 3 Bulkjes Broot, un eena drajcht eenen Schlauch Wien.

⁴Un see woaren die no dienem Gootgonen froagen un die 2 Brood jäwen, un du saust dee von äare Haunt nämen.

⁵Nodäm woascht du nom Boajch Gottes komen, woa daut Filista Loaga es; un daut woat passieren, soo woascht du enne Staut komen, woascht du eene Schoa Profeeten bejäajnen, dee von de Hechten raufkomen, un ver an häa Hoapen un Tamburin un Fleeten un Zitta, un see woaren profezeien.

⁶Un de Jeist Gottes woat äwa die komen, un du woascht met an profezeien un woascht en eenem aundren Maun vewaundelt woaren.

⁷Un daut woat passieren, wan die dise Tieekjens enntrafen, soo doo, waut diene Haunt finjen woat; dan Gott es met die.

⁸Un go ver mie no Gilgal rauf; un kjikj, ekj woa no die raufkomen, om Brauntopfa un Dankopfa too schlachten; säwen Doag saust du wachten, bat ekj no die kom, un ekj woa die sajen, waut du doonen saust.

⁹Un daut passieed, aus hee sienen Rigjen dreid, om von Samuel wajchtogonen, doa vewaundeld Gott sien Hoat; un aul dise Tieekjen troffen aun janem Dach en.

¹⁰Un aus see doahan aun dän Boajch kaumen, kjikj, doa kaum am eene Schoa Profeeten entjäajen; un de Jeist Gottes kaum äwa am, un hee profezeid en äare Medd.

¹¹Un daut passieed, aus aula, dee am verhäa kjanen, sagen, un kjikj, hee profezeit met de Profeeten, doa säd daut Volkj eena toom aundren: Waut es däm Kisch sienem Sän passieet? Es uk Saul unja de Profeeten?

¹²Un een Maun von doa auntwuad un säd: Un wäa es äa Voda? Doahäa es daut Sprechwuat jeworden: Es uk Saul unja de Profeeten?

¹³Un aus hee oppjehieet haud too profezeien, kaum hee opp de Hecht.

¹⁴Un de Onkel säd to am un to sienem Jung: Wuahan sent jie jegonen? Un hee säd: De Äselinen too sieekjen; un aus wie sagen, daut dee noanich wieren, jinj wie no Samuel.

¹⁵Un Saul sien Onkel säd: Saj mie doch, waut Samuel to junt jesajcht haft.

¹⁶Un Saul säd to sienem Onkel: Hee säd ons jeneiw, daut de Äselinen jefungen sent. Oba de Sach vom Kjennichtum, wuavon Samuel jerät haud, säd hee am nich.

¹⁷Un Samuel roopt daut Volkj nodäm Harn no Mizpa.

¹⁸Un hee säd to de Kjinja Israel: Soo sajcht de Har, de Gott Israels: Ekj ha Israel ut Ägipten rutjefieet un junt ut de Haunt de Ägipta jerat un ut de Haunt aul de Kjennichrikjs, dee junt bedrenjden.

¹⁹Oba jie ha vondoag junen Gott veschmäten, dee junt ut aul junem Iebel un june Noot jerat haft, un ha to am jesajcht: Eenen Kjennich saust du äwa ons saten! Dan nu, stalt junt ver däm Harn no june Stam opp un no june 1000!

²⁰Un Samuel leet aule Stam Israels nodakomen; un daut wort de Staum Benjamin jetroffen.

²¹Un hee leet däm Staum Benjamin nodakomen; un daut Jeschlajcht Matri wort jetroffen; un Saul wort jetroffen, de Sän Kisch. Un see sochten am, oba hee wort nich jefungen.

²²Un see befruagen wada däm Harn: Woat dee Maun noch hiahäa komen? Un de Har säd: Kjikj, hee haft sikj bie däm Jereetschoft vestoaken.

²³Doa randen see han un holden am von doa; un hee stald sikj medden unja däm Volkj, un hee wia jrata aus aulet Volkj, von siene Schulla aun hecha.

²⁴Un Samuel räd toom gaunzen Volkj: Ha jie jeseenen, wäm de Har erwält haft? Dan kjeena es aus hee em gaunzen Volkj, un see säden: Daut läft de Kjennich!

²⁵Un Samuel vekjindijd daut Kjennichtumsrajcht, un hee schreew daut en een Buak un läd daut ver däm Harn han. Un Samuel leet daut gaunze Volkj gonen, eenen jiedrem no sienem Hus.

²⁶Un uk Saul jinkj no sienem Hus, no Gibea; un met am jinkj daut Schoa, dee äa Hoat Gott jereat haud.

²⁷Oba eenje Säns Belial säden: Woo saul dee ons raden? Un see veachten am un brochten am kjeen Jeschenkj; oba hee deed, aus wan hee daut nich hieed.