Read Dhundari मत्ती 26 Bible Online

मत्ती 26 - Dhundari bible

मत्ती 26

¹ये सबळी बाता खिया पाछ्अ ईसु खुदका चेला न्अ खियो,

²“थे लोग जाणो छो क दो दन पाछ्अ फसह को तुंवार छ। अर मनख को छोरो बेरया का हाथा सुळी प चढाबा बेई पकड़ायो जाव्अलो।”

³ज्दया महायाजक अर बढ़ा-बुढ़ा यहूदी नेता कैफा नांऊ का परमुख याजक का आंगणा मं भेळा होया।

⁴अर वे ईसु न्अ छान्असीक पकड़र मारबा बेई जुगत बठाण्या।

⁵फेरबी वे खेर्या छा, “आपान्अ यो तुंवार का दना मं कोन्अ करणी चायजे नई तो हो सक्अ छ लोगबाग कोई दंगो-फसाद करदे।”

⁶ज्दया ईसु बैतनिय्याह का समौन कोढ़ी क घरा छो

⁷तो उण्डअ एक बेरबानी धोळा-पिळा चलकणा मारमल की एक बण्णी म जटामांसी[18] को सुध्द अन्तर लेर आयी। अर ज्दया ईसु रोटी खाबा बेठ्‍यो तो वा अन्तर न्अ ईसु का माथा प उंदा दी।

⁸ज्दया उंका चेला या देख्या तो घणा रोषा होर खिया, “अन्तर न्अ अस्यान क्युं नास करी छ?

⁹यो अन्तर चोखा मोल मं बेच्यो जा सक्अ छो अर फेर वा रप्या न्अ कंगला मं बाटयो जा सक्अ छो।”

¹⁰ईसु जाणग्यो क वे कांई खेर्या छ। जिसुं वान्अ खियो, “उन्अ क्युं आकती करर्या छो? वा तो म्हारअ बेई एक चोखो काम करी छ।

¹¹क्युं क कंगला तो सदा ई थां कन्अ रेवला थे ज्दया छाव्अ वांकी सायता कर सको छो, पण म थांकी लार सदा कोन्अ रेऊलो।

¹²या बेरबानी गाड़बा बेई, म्हारा डील प खुसबु छड़कर उन्अ तियार करी छ।

¹³म थान्अ सांची खेऊ छु संसार मं जण्ढ्अ बी चोखा समचार को परचार कर्यो जाव्अलो, उण्डअ या ज्यो करी छ उंकी बी बतळ्यावण होव्अली।”

¹⁴फेर यहूदो इस्करियोती ज्यो उंका बारा चेला मंसुं एक छो, प्रधान याजका कन्अ गियो अर वान्अ खियो,

¹⁵“ज्यो म ईसु न्अ थांका हाथा मं पकड़ा द्‍यु तो थे मन्अ कांई देव्अला?” वे यहूदा न्अ चांदी का तीस कल्दार गणर देदिया।

¹⁶उं बगत सुंई यहूदो ईसु न्अ पकड़ाबा की ताक मं रेबा लागग्यो।

¹⁷बना खमीर की रोटी का तुंवार का सरूवात क दन चेला ईसु कन्अ आर बुज्या, “तु कांई छाव्अ छ क थारा खाबा बेई फसह का जीम्बा की तियारी कढ्अ करां?”

¹⁸वो खियो, “नगर मं फलाणा मनख कन्अ जार उन्अ खेवो, क ‘गरू खियो छ क म्हारी बगत सांकड्अ आगी अर म म्हारा चेला की लार थारअ घरा फसह को तुंवार मनाऊलो।’”

¹⁹फेर चेला वस्यान ई कर्या जस्यान ईसु खियो छो अर फसह का तुंवार की तियारी कर्या।

²⁰दनात्या की ईसु खुदका बारा चेला की लार जीम्बा बेई बेठ्‍यो छो।

²¹रोटी खाती बगत ईसु वान्अ खियो, “म सांची खेऊ छु, थाम्अ सुं एक मन्अ छळ सुं पकड़ावलो।”

²²या सुणर चेला घणा दुखी होगा अर एक-एक कर उन्अ बुज्बा लाग्या, “परबु, वो म तो कोन्अ न्अ! बता कांई मं छु?”

²³ज्दया ईसु खियो, “ज्यो म्हारी लार पियाला मं डबोव्अ छ वोई मन्अ छळ सुं पकड़ावलो।

²⁴मनख का छोरा न्अ तो मरणीई छ जस्यान उंका बारा मं सास्तरा मं मण्ढरी छ। पण उं मनख बेई हाई जिकी बजेसुं मनख को छोरो पकड़ायो जावलो। उं मनख बेई कतरो चोखो होतो क वो पैदाई कोन्अ होतो।”

²⁵ज्दया बस्वासघात करबाळो यहूदो खियो, “गरूजी, कढ्अ वो मं तो कोन छु?” ईसु उन्अ खियो, “हां अस्यान'ई छ जस्यान तु खियो छ।”

²⁶ज्दया वे रोटी खाईर्या छा, ईसु रोटी लियो, उन्अ आसीर्वाद दियो अर फेर तोड़यो। फेर उन्अ चेला न्अ देर खियो, “ल्यो ईन्अ खावो, या म्हारी काया छ।”

²⁷फेर पियालो उठा'र धन्यवाद की लार वान्अ देर खियो, “थे सबळा इम्अ सुं थोड़ो-थोड़ो पिवो।”

²⁸क्युं क ई पियाला को अंगूरा को रस म्हारा लोई को करार छ ज्यो घणा मनखा का पाप छमा करबा बेई बुवायो जार्यो छ।

²⁹म थान्अ खेऊ छु, आज पाछ्अ म उं दन ताणी यो अंगूरा को रस कोन्अ पीऊलो ज्दया ताणी परम-पिता का राज मं थांकी लार नयो दाख को रस कोन्अ पीऊ।

³⁰फेर वे फसह को भजन गार जैतून का डुंगर प चलग्या।

³¹फेर ईसु वान्अ खियो, “आज रयात थां सबळा को म्हारअ उपरअ सुं बस्वास उठ जावलो। क्युं क सास्तर मं मण्ढरी छ क ‘म गुवाळ न्अ मारुलो अर रेवड़ की लळ्डया कण-कण की हो जाव्अली।’

³²पण पाछो जीवतो होर म थासुं पेली गलील मं चल जाऊलो।”

³³पतरस खियो, “छाव्अ सबळाई थारअ उपरअ सुं बस्वास हटा ले पण म कद्‍या बी कोन्अ छोडुलो।”

³⁴ईसु उन्अ खियो, “म थन्अ सांची खेऊ छु आज रयात ई मुरगो बोलबा सुं पेली तु तीन बार म्हारअ बेई नट जावलो।”

³⁵जद्‍या पतरस खियो, “अर ज्यो मन्अ थारी लार मरणो बी पड़अ तोबी म पाछ्अ कोन्अ हठू।” बाकी सबळा चेला बी याई बात खिया।

³⁶फेर ईसु वांकी लार उं ठार प आयो ज्यो गतसमने खुवाव छी। अर वो चेला न्अ खियो, “म उण्डअ जार परातना करू ज्दया ताणी थे अण्डअ'ई बेठो।”

³⁷फेर ईसु पतरस अर जब्दी का दोनी छोरा याकूब अर यूहन्‍ना न्अ लार लेग्यो। अर उदास अर घबराबा लागग्यो

³⁸अर फेर ईसु चेला न्अ खियो, “म्हारो मन घणो दुखी होर्यो जाण्अ म्हारो जीव नखळ जावलो। थे म्हारी लार अण्डअ'ई डठो अर म्हारी लार जागता रेवो।”

³⁹फेर थोड़सोक आग्अ जार जमी प लळर परातना करबा लागग्यो। वो खियो, “ह म्हारा बाप हो सक्अ तो दुखा को यो पियालो म्हारअ कन्अ सुं हट जाव्अ। पण फेरबी जस्यान तु छाव्अ छ वस्यान ई कर।”

⁴⁰फेर वो चेला कन्अ गियो अर वान्अ सुता देख्यो। तो वो पतरस न्अ खियो, “थे म्हारी लार एक घड़ी बी कोन्अ जाग सक्या।

⁴¹जागतार्यो अर परातना करतार्यो क थे परक्ष्या मं कोन्अ पड़ो। थांको मन तो वोई करबो छाव्अ छ ज्यो चोखो छ पण थांकी काया दूबळी छ।”

⁴²वो फेर दुबारा गियो अर अस्यान परातना कर्यो, “ह म्हारा परम-पिता, अर दुखा को यो कटोरो म्हारा पिया बना कोन्अ टळ्अ तो थारी मनसा पूरी हेव्अ।”

⁴³वो फेरू पाछो आयो अर वान्अ सुता देख्यो। नींद की बजेसुं वांकी आंख्या बी कोन्अ खुलरी छी।

⁴⁴ईसु वान्अ छोड़र फेर पाछो गियो अर वाई बाता न्अ बोलर तीसरी बार परातना कर्यो।

⁴⁵ईसु फेर चेला कन्अ आयो अर वान्अ बुज्यो, “थे हालताणी बी सुता छो कांई? देखो! वा बगत सांकड्अ आगी, ज्दया मनख को छोरो पाप्या का हाथा पकड़ायो जाबाळो छ।

⁴⁶उठो, आवो चाला। अर देखो मन्अ पकड़ाबाळो योर्यो।”

⁴⁷ईसु ज्दया बोल'ई रयो छो क यहूदो ज्यो बारा चेला मंसुं एक छो, आयो अर उंकी लार परमुख याजक अर यहूदी नेता की खन्दायी घणीसारी जळा छी ज्यां कन्अ तलवारां अर लखड़या छी।

⁴⁸पकड़ाबाळो यहूदो वान्अ या नसाणी बतायो छो क, “म जिसुं मलु वोई ईसु छ अर उन्अ पकड़ लिज्यो।”

⁴⁹फेर वो ईसु क सांकड्अ गियो अर खियो, “गरूजी! प्रणाम!” अर ईसु सुं मल्यो।

⁵⁰ईसु उन्अ खियो, “ज्यो काम करबा तु आयो छ उन्अ कर।” ज्दया उं जळा का मनख आग्अ आया अर उन्अ पकड़र बंदी बणालिया।

⁵¹ज्दया ईसु का चेला मं सुं एक जणो तलवार नखाळर महायाजक का एक नोकर को कान काट दियो।

⁵²तो ईसु उन्अ खियो, “थारी तलवार न्अ मियान मं धरल्अ। ज्यो तलवार चलावला वे तलवार सुंई मारया जावला।

⁵³थे कोन्अ जाणो कांई म म्हारा परम-पिता न्अ सायता करबा बला सकु छु अर वो सरगदूता की बारा सेना सुं बी साऊटी सेना अबार म्हारअ कन्अ खन्दा देलो?

⁵⁴पण ज्यो म अस्यान करू तो सास्तर मं मण्ढी या कस्यान पूरी होवली? सब अस्यान'ई होणी छ?”

⁵⁵उं बगत ईसु उं जळा न्अ खियो, “म कोई डाकु छु ज्यो थे अस्यान तलवारां अर लखड़या लेर मन्अ पकड़बा आया छो? म तो रोजीना मन्दर मं बेठर सक्ष्या देव्अ छो फेरबी थे मन्अ कोन्अ पकड़या।

⁵⁶यो सब जिसुं होयो क परमेसर की ओड़ी सुं बोलबाळा का सास्तरा मं मण्ढर्यो छ ज्यो पूरो होजाव्अ।” फेर सबळा चेला ईसु न्अ छोड़र भागछुट्‍या।

⁵⁷ज्यो ईसु न्अ पकड़या छा वे उन्अ केफा नांऊ का महायाजक कन्अ लेग्या। उण्डअ यहूदी धरम सखाबाळा अर बुढ़ा यहूदी नेता बी भेळा होया।

⁵⁸पतरस चन्योक आंतरअ होर ईसु क पाछ्अ-पाछ्अ महायाजक का आंगणा क मेईन्अ ताणी चलग्यो। अर फेर या देखबा नोकरा की लार बेठग्यो क कांई होव्अ छ।

⁵⁹महायाजक सबळी यहूदी महासभा समेत ईसु न्अ मोत की सज्या देबा बेई उंका बिरोध मं कोई झूंटा गुवाई हेररया छा।

⁶⁰पण वान्अ अस्यो कोई कोन्अ मल्यो। घणा झूंटा गुवा साम्अ आया। अर आखरी मं दो गुवा आर खिया,

⁶¹“यो खियो छो क म परमेसर का मन्दर न्अ तोड़ सकु छु अर तीन दन मं उन्अ फेरू बणा सकुं छु।”

⁶²फेर महायाजक उबो होर ईसु न्अ बुज्यो, “जुवाब द्अ ये लोग थारा बिरोध मं या कांई गुवाई देर्या छ?”

⁶³पण ईसु छानो रियो। फेर महायाजक उन्अ बुज्यो, “थन्अ जीवता परमेसर की सोगन छ! म्हान्अ बता तु परमेसर को छोरो मसी छ कांई?”

⁶⁴ईसु खियो, “थे खुदई खेर्या छो, पण म थान्अ बताऊ छु क थे मनख का छोरा न्अ उं सर्वसक्‍तिमान परमेसर की जीवणी-बगल मं बेठ्‍यो अर सरग सुं बादळा मं आतो बेगाई देख्अला।”

⁶⁵या सुणर महायाजक खुदका लत्ता फाड़र खियो, “यो ज्यो बाता खियो छ वे परमेसर की बराई मं जाव्अ छ। अब आपान्अ ओर गुवाई कोन्अ चायजे, थे सब ईन्अ परमेसर का बिरोध मं बोलतो सुण्या छो।

⁶⁶थां लोगा को कांई बच्यार छ?” वे जुवाब दिया, “यो मारबा जस्यान को छ।”

⁶⁷फेर वे उंका मुण्ढा प थुंक्या अर उंक्अ गुल्‍लका दिया। अर खिया,

⁶⁸“अरअ मसी! भविष्यवाणी कर क थारअ कुण दियो छ?”

⁶⁹पतरस हालताणी बारला आंगणा म नीच्अ बेठ्‍यो छो क एक नोकराणी उंक्अ सांकड्अ आर खेई, “तु बी तो उं गलीली ईसु की लार छो।”

⁷⁰पण सबळा क साम्अ पतरस नटग्यो। वो खियो, “मन्अ तोल कोन्अ तु कांई खेरी छ।”

⁷¹उंक्अ पाछ्अ पतरस बारअ देळ ताणी चलग्यो, पण एक दूसरी नोकराणी उन्अ देखर ज्यो मनख उण्डअ छा वान्अ खेई, “यो मनख ईसु नासरी की लारां छो।”

⁷²पतरस फेरू नटग्यो अर सोगन खार खियो, “म उन्अ कोन्अ जाणु।”

⁷³चनसीक बेर पाछ्अ उण्डअ उबा मनख पतरस कन्अ जार खिया, “सांच्याई तु बी वाम्अ सुंई एक छ, थारी बोली साफ बतारी छ क तु गलील को छ।”

⁷⁴तो पतरस सोगन खार खेबा लागग्यो क, “म उं मनख न्अ कोन्अ जाणु अर ज्यो म उन्अ जाणु तो परमेसर मन्अ सजा दे।” अतरा मेई मुर्गो बोलग्यो।

⁷⁵अतरा मं ई पतरस न्अ वा बात याद आई ज्यो ईसु उन्अ खियो छो, “मुर्गा क बोलबा सुं पेली तु तीन बार म्हारअ बेई नट जावलो।” पतरस झटदाणी बाण्अ चलग्यो अर ढिंढाड़ा पाड़-पाड़र रोबा लागग्यो।