Read Dhundari लूका 11 Bible Online

लूका 11 - Dhundari bible

लूका 11

¹फेर अस्यान हियो क ईसु कोई ठार परातना करर्यो छो। जद्‍या वो परातना करलियो तो बीको एक चेलो बिन्अ खियो, “ह परबु, म्हान्अ सका क मे परातना कस्यान करां। जस्यान यूहन्‍ना खुदका चेला न्अ सखायो छ।”

²जद्‍या वो बान्अ खियो, “थे परातना करो तो खेवो; ‘ह पिता, थारो नांऊ पवितर मान्यो जावे। थारो राज आव्अ,

³म्हाका सारा दन की रोटी रोजीना म्हान्अ देब्अ कर।

⁴म्हाका पापा न्अ छमा कर, क्युं क में बी म्हाका सबळा अपराध्या न्अ छमा करां छा, अर म्हान्अ परक्ष्या मं मत ल्याव्अ।’”

⁵फेर वो बान्अ खियो, “थां मंसुं कुण छ क बीक्अ एक'ई भायलो छ अर वो आधी रयात मं बी कन्अ आर बिन्अ खेव्अ क, ‘ह भायला मन्अ तीन रोठ्‍या द।

⁶क्युं क म्हारो एक भायलो अबार-अबार यात्रा सुं म्हारअ कन्अ आयो छ अर म्हारअ कन्अ बिन्अ खुवाबा बेई कांई कोन्अ।’

⁷अर बच्यार करो वो मनख मेईन्अ सुंई खेदियो, ‘मन्अ आकतो मत करअ, कुवाड़ जुड़ग्या, बछावणा मं म्हारअ कन्अ म्हारा छोरा-छोरी छ जिसुं म थन्अ कांई बी देबा बेई उबो कोन्अ हे सकु।’

⁸म थान्अ बताऊ छु वो कतेई कोन्अ उठ्अलो अर थान्अ कांई बी कोन्अ देव्अलो, पण फेरबी क्युं क वो थांको भायलो छ तो थारअ लगतमार मांगबा सुं वो उबो हेवलो अर थारी जुरत सारो थन्अ देव्अलो।

⁹“अर जिसुं मं थान्अ खेऊ छु क मांगो, तो थान्अ दियो जावलो। हेरअ तो थान्अ लाद्अलो। खटखटाव्अ तो थांक्अ बेई खोल्या जावला।

¹⁰क्युं क ज्यो कोई बी मांग्अ छ बिन्अ मल्अ छ अर ज्यो हेरअ छ बिन्अ लाद्अ छ अर ज्यो खटखटाव्अ छ बी बेई खोल्यो जावलो।

¹¹थाम्अ सुं अस्यो बाप कुण हेलो ज्यो बीको छोरो मच्छी मांग्अ तो मच्छी की एवज बीन्अ सांप पकड़ा दे

¹²अर ज्यो वो अण्डा मांग्अ तो बीन्अ बिच्छु देदे।

¹³तो बरा हेता हिया बी थे जाणो छो क खुदका छोरा न्अ चोखी चीजा कस्यान दी जाव्अ छ, तो सरग मं बेठ्‍यो परम-पिता बान्अ पवितर-आत्मा कतरो सावटो देव्अलो ज्यो बीसुं मांग्अ छ।”

¹⁴फेर जद्‍या ईसु एक गुंगा बणाबाळी दुष्टात्मा न्अ नखाळर्यो छो अस्यान हियो क जस्यानई बा दुष्टात्मा बारे नखळी तो वो गूंगो बोलबा लागग्यो। जळा का मनखा न्अ घणो अचम्बो हियो।

¹⁵पण वामे सुं कोई खिया, “यो दुष्टात्मा का सरदार बेल्जाबुल की सायता सुं दुष्टात्मा न्अ नखाळ्अ छ।”

¹⁶पण दूसरा बीन्अ परखबा बेई सरग की नसाणी मांग्या।

¹⁷पण ईसु जाणग्यो क बाका मना मं कांई छ। तो वो बान्अ खियो, “वो राज जिक्अ मेईन्अ फूट पड़ जावे, नास हे जाव्अ छ अर अस्यान'ई कोई घर मं फूट पड़जाव्अ तो बीको नास हे जाव्अ छ।

¹⁸अर ज्यो सेतान खुदका ई बिरोध मं फूट पटक्अ तो बीको राज कस्यान रूक सक्अ छ? या म थासुं जिसुं बुज्यो छु क थे खेवो छो क म दुष्टात्मा का सरदार बेल्जाबुल की सायता सुं दुष्टात्मा न्अ नखाळु छु।

¹⁹अर ज्यो म दुष्टात्मा का सरदार बेल्जाबुल की सायता सुं दुष्टात्मा न्अ भगाऊ छु तो थारा चेला बान्अ कुणकी सायता सुं भगाव्अ छ? तो थन्अ थारा मनख ई झूंटो साबित करअला।

²⁰पण अर ज्यो म दुष्टात्मा न्अ परमेसर की सक्‍ति सुं नखाळु छु तो यो स्याप छ क परमेसर को राज थांक्अ सांकड्अ आ पुच्यो छ।

²¹“जद्‍या एक तागतहाळो मनख हथियार लेर एकधम तियार हेर खुदका घर की रुखाळी करअ छ तो उंकी सबळी माया-पुंजी बची रेव छ।

²²पण जद्‍या कोई बीसुं सावटो तागतहाळो आर बीन्अ हरादे तो वो बा सबळा ओजारा न्अ ज्यां प बीन्अ भरोसो छो कुस्का लेव्अ छ अर लूट का सामान न्अ वे आमा-सामा बांट लेव्अ छ।

²³“ज्यो म्हारी लार कोन्अ वो म्हारा बिरोध मं छ अर वो ज्यो म्हारी लार भेळो कोन्अ करअ वो बखेरे छ।

²⁴“जद्‍या कोई दुष्टात्मा कोई मनख मंसुं बारे नखळ्अ छ तो बा सूकी ठार मं आराम हेरब्अ करअ छ अर जद्‍या बीन्अ आराम कोन्अ मल्अ तो बा खेव छ, ‘म म्हारा उंई घर मं पाछी जाऊली जण्ढ्अ सुं नखळी छी।’

²⁵अर पाछी जार बीन्अ साफ-सुथर्यो अर बेवस्तित देख्अ छ।

²⁶फेर बा जार खुदसुं बी सांवटी बरी दूसरी सात आत्मा न्अ उण्डअ लेर आव्अ छ। फेर वे बीम्अ रेबा लागजाव्अ छ। अस्यान बी मनख की दसा पेल्या की दसा सुं बी बरी हे जाव्अ छ!”

²⁷फेर अस्यान हियो क जस्यानई ईसु ये बाता खियो, जळा मंसुं एक बेरबानी उबी होइ अर जोरसुं खेई, “भागहाळी छ वा माई ज्यो तन्अ जणर दूध पाई छ।”

²⁸जद्‍या वो खियो, “धनै तो वे छ ज्यो परमेसर को बचन सुण्अ छ अर उप्अ चाल्अ छ!”

²⁹जस्यान-जस्यान जळा सांवटी भेळी हेरी छी, वो खेबा लाग्यो, “या एक दुष्ट पीढ़ी छ। या कोई नसाण देखबो छाव छ। पण यान्अ योना का नसाण क अलावा ओर कोई नसाण कोन्अ दियो जावलो।

³⁰क्युं क जस्यान निनवे का मनखा बेई योना नसाण बण्यो, वस्यानई ई पीढ़ी बेई मनख को छोरो बी नसाण बण्अलो।

³¹लंकाडी की राणी न्याई क दन प्रगट हेर ई पीढ़ी का मनखा प लाछण लगावली अर बान्अ दोषी ठेरावली क्युं क बा धरती का दूसरा छोर सुं सुलेमान को न्याऊ सुणबा आई अर अब देखो अण्डअ तो कोई सुलेमान सुं बी लूंठो छ।

³²निनवे का मनख न्याऊ क दन ई पीढ़ी का मनखा का बिरोध मं उबा हेर वाक्अ उपरअ दोष लगावला क्युं क वे योना का उपदेसा न्अ सुणर मन फराया छा। अर देखो अब तो योना सुं बी महान कोई अण्डअ छ!

³³“दिया न्अ जोर कोई बी बीन्अ लुखार या कोई बरतन क मेईन्अ कोन्अ मेल्अ, पण वे बीन्अ डोळी क उपरअ मेल्अ छ क ज्यो मेईन्अ आव्अ वे उजाळो देख सक्अ।

³⁴थांका डील का दिया थांकी आंख्या छ, तो अर ज्यो आंख्या साफ छ तो सबळा डील म उजाळो भर्यो रेवलो पण ये बरी छ तो थांको डील अन्धेरा भर्यो हे जावलो।

³⁵तो ध्यान रखाणो क थांक्अ मेईन्अ को उजाळो अन्धेरो कोन्अ।

³⁶तो अर ज्यो थांको सबळो डील उजाळा सुं भर्यो छ अर बीका कस्या बी अंग म अंधेरो कोन्अ तो वो पूरो अस्यान चलक्अ छ जाण्अ कोई दियो थान्अ अपणी किरणा सुं उजाळो देव्अ छ।”

³⁷ईसु जद्‍या खुदकी बात पूरी कर्यो तो एक फरीसी बीन्अ खुदकी लार रोटी खाबा बेई खियो। तो वो मेईन्अ जार रोटी खाबा बेठग्यो।

³⁸पण जद्‍या वो फरीसी या देख्यो क रोटी खाबा सुं पेली वो खुदका हाथ कोन्अ धोयो तो बीन्अ घणो अचम्बो हियो।

³⁹जद्‍या ईसु बीन्अ खियो, “अब देखो थे फरीसी मनख थाळी कटोर्या न्अ तो बस बारे सुं मांजो छो पण मेईन्अ थे लोगबाग लालच अर दोगलाई सुं भरया छो।

⁴⁰अरअ बावळ्या मनखवो! कांई ज्यो बारे सुं बणायो छ वो मेईन्अ सुं कोन्अ बणायो?

⁴¹जिसुं ज्योबी मेईन्अ छ वो कंगाला न्अ देद्‍यो। फेर थारबेई सब पवितर हे जावलो।

⁴²“अरअ फरीसीओ थान्अ धिक्‍कार छ क्युं क थे पोदीनो अर सुदाब बुटी अर सबळी जड़ी-बुट्‍या को दसवो भागतो दान देवो छो पण न्याऊ अर परमेसर का परेम न्अ छोड़ मल्या छो। पण थान्अ बा बाता न्अ छोड़या बना यां बाता न्अ करणी चायजे छी।

⁴³“ओ फरीसीओ थान्अ धिक्‍कार छ! क्युं क थे यहूदी परातना-सभा मं लुंठी-लुंठी ठार छावो छो अर बजारां मं आदर सुं नमस्कार करवाबो थान्अ चोखो लाग्अ छ।

⁴⁴थान्अ धिक्‍कार छ क्युं क थे बना नांऊ की बा कबरा की न्याई छो ज्यां प लोग चाल्अ छ।”

⁴⁵जद्‍या एक न्याऊ को सास्तरी ईसु न्अ खियो, “गरू, तु जद्‍या अस्यान की बाता करअ छ तो म्हाको बी मान मारअ छ।”

⁴⁶जद्‍या ईसु खियो, “अरअ न्याऊ सास्तरीओ! थान्अ धिक्‍कार छ। क्युं क थे लोगा प अस्यानको बोझ ओढावो छो क जिन्अ उठाबो कळ्डो छ। अर थे खुद बा बोझा क एक आंगळी बी कोन्अ अड़ाबो छावो।

⁴⁷थान्अ धिक्‍कार छ क्युं क थे परमेसर की ओड़ी सुं बोलबाळा बेई कबरा बणावो छो ज्यांन्अ थांका आग्लाबड़ा मारया छा।

⁴⁸तो थे गुवा छो अर थांका बाप-दादा का कामा सुं राजी छो। क्युं क वे तो बान्अ मारया छा अर थे बा बेई कबरा बणाया छो।

⁴⁹जिसुं परमेसर को ज्ञान खियो, ‘म परमेसर की ओड़ी सुं बोलबाळा न्अ अर थरपेड़ा न्अ बा कन्अ खन्दाऊलो, फेर कोई न्अ तो वे मार देव्अला अर कोई न्अ सताव्अला।’

⁵⁰जिसुं जगत की सरूवात सुं जतरा बी परमेसर की ओड़ी सुं बोलबाळा को लोई बुवायो गियो छ, बीको सयाप ई पीढ़ी का मनखा सुं चुकतो कर्यो जावलो।

⁵¹मतबल हाबील सुं लेर जकर्याह की हत्या ताणी को सयाप, ज्यो परमेसर का मन्दर अर यज्ञ कुण्ड का बीच मं कर्या छा। हां, म थान्अ खेऊ छु ई पीढ़ी का मनखा न्अ बीको स्याप देणोई पड़ेलो।

⁵²“ह न्याऊ सास्तरीओ, थांको कतरो बरो होव्अलो, क्युं क थे ज्ञान की कुंची लेतो लिया। पण बीम्अ न्अ तो थे खुद उळ्या अर ज्यो बीम्अ उळबा की जोरी करर्या छा थे बान्अ बी रोक दिया ज्यो जाबो छाव्अ छा।”

⁵³अर फेर जद्‍या ईसु उण्डअ सुं चलग्यो तो वे धरम-सास्तरी अर फरीसी बीसुं बेर रखाणबा लागग्या। घणीसारी बाता बेई वे बीन्अ सुवाल बुज्बा लागग्या।

⁵⁴क्युं क वे बीन्अ उंकी खेई बाता मं फसाबा बेई ताकता रेव्अ छा।