Read Dhundari 1 थिस्सलुनीकियों 3 Bible Online

1 थिस्सलुनीकियों 3 - Dhundari bible

1 थिस्सलुनीकियों 3

¹क्युं क म्हे थांका हालचाल जाणबा बेई ओर साऊटी बाठ कोन न्हाळ सक्या जिसुं म्हे एथेंस नगर मं ऐकला ही रुकबा को नरणो कर्या,

²अर म्हे आपणा भाई तीमुथियुस न्अ थान्अ बस्वास मं गाढ़ा करबा अर बढ़ाबा बेई खन्दा दिया, ज्यो परमेसर बेई मसी का चोखा समचार का परचार मं आपणी लारा काम करबाळो छ।

³जिसुं अबार का यां दुखा म कोई भटक्अ कोन्अ। क्युं क थे जाणो छो क आपण्अ बेई दुख मं डट्‍या रेबो परमेसर की मरजी को एक भाग छ।

⁴सांच्याई जद्‍या म्हे थां कन्अ छा, थान्अ पेलीसुंई खेव्अ छा क म्हाप्अ दुख आबाळा छ, थे तो या जाणोई छो अर एकधम वस्यानई होयो बी छ।

⁵जिसुं म्हे ओर साऊटी बाठ कोन न्हाळ सक्अ छा तो थांका बस्वास न्अ जाणबा तीमुथियुस न्अ खन्दा दिया। क्युं क मन्अ ड़र छो क लालच देबाळो कढी थान्अ लोभ देर म्हाकी कळ्डी मेनत न्अ बेकार कोन कर दियो छ।

⁶थां कन्अ सुं तीमुथियुस अबार-अबार म्हाखन्अ पाछो आयो छ अर वो म्हान्अ थांका बस्वास अर परेम को समचार दियो छ। वो म्हान्अ बतायो छ क थे म्हान्अ खूब चोखां याद करो छो अर थे म्हासुं मलबा बेई वस्यान ई उत्यावळा छो जस्यान म्हे थासुं मलबा बेई छा।

⁷जिसुं ह भाई-बेणो, म्हाकी सबळी पिड़ा अर दुखा मं थांका बस्वास की बजेसुं म्हाको जोस बढ़यो छ।

⁸अर हां! अब म्हाकी सांस मं सांस आई छ क्युं क म्हे जाणग्या क परबु म थे अटल छो।

⁹थांकी बजेसुं म्हान्अ ज्यो आण्द मल्यो छ, उं बेई म्हे आपणा परमेसर को घणु धन्यवाद करां छा।

¹⁰अर म्हे रात-दन उसुं घणी परातना करां छा क म्हे थान्अ फेरू देखल्या अर थांका बस्वास मं ज्योबी कमी छ उन्अ पूरी करां।

¹¹आपणो परमेसर बाप अर परबु ईसु थां कन्अ आबा बेई म्हान्अ गेल्‍लो दखाव्अ।

¹²अर परबु अस्यान करअ क जस्यान म्हे थासुं परेम करां छा वस्यान ई थे आमा-सामा अर सबळा बेई थाम्अ ज्यो हेत छ परबु उन्अ ओर बढ़ाव्अ। वस्यान ई जस्यान थांक्अ बेई म्हाको परेम उफण्अ छ।

¹³अस्यान वो थांका हीया न्अ गाढ़ा करअ अर वान्अ आपणा परम बाप परमेसर क साम्अ खुदका सबळा पवितर सरगदूता[3] की लारा आपणा परबु ईसु क आया सुं पवितर अर बना दोषहाळा बणा देव्अ।