Read Dhundari 1 पतरस 3 Bible Online

1 पतरस 3 - Dhundari bible

1 पतरस 3

¹ह लुगायांओ, थे बी खूदका मोट्‍यारां को खियो मानो। जिसुं क याम्अ सुं कोई अस्यान का होव्अ ज्यो बचन कोन्अ मान्अ, तोबी थांका भय की लार पवितर चाल-चलण सुं, बना बचन ही खुदकी लुगायां का चाल-चलण सुं खची आजाव्अ।

³थांको सणगार दखावटी कोन होणी चायजे मतबल बाळा न्अ गूंथबो, सोना का गेणा अर तरा-तरा का लत्ता पेरबो।

⁴पण थांको लुखेड़ो मनखपणो, नम्रता अर मन का बोदापणा की कोन मटबाळी सजावट सुं संणगर'र रेव्अ, क्युं क परमेसर की नजर मं ईको मोल बड़ो छ।

⁵पेल्यां का जमाना मं पवितर लुगाया बी ज्यो परमेसर माळ्अ आस राख्अ छी, अर खुदन्अ अस्यान ही सणगार'र खुदका मोट्‍यारां का खिया मं रेव्अ छी।

⁶सारा बी अबराम का खिया मं रेव्अ छी अर बीन्अ धणी खेव्अ छी। अस्यान थे कस्या बी ड़र सुं डरप्या बना भलाई करो तो सारा की बेट्‍या खुवाव्अली।

⁷अस्यान ही ह मोट्‍यारओ, थे बी समझदारी सुं लुगायां की लार जन्दगी जीवो, अर लुगाई न्अ कमजोर बरतन जाणर बीको मान रांखो, या समझर'र क आपा दोनी जन्दगी का बरदान का बारिस छा, जिसुं थांकी परातना कोन रूक्अ।

⁸अस्यान सबळा एक मन, दीयाभाव, भाईचारा को परेम रांखबाळा, सहानुभुती देबाळा अर नमर बणो।

⁹बराई का बदला मं बराई मत करो अर गाळी का बदला मं गाळी मतद्‍यो, पण ईका बदला मं आसीर्वाद ही देवो, क्युं क थे आसीर्वाद का वारीस होबा क ताणी बलायेड़ा छो।

¹⁰जस्यान सास्तर खेव्अ छ, “अर ज्यो थे जन्दगी को आण्द लेबो चावो छो, अर चोखा दन देखबो छाव्अ छ, वो खुदकी जीभ न्अ बराई सुं, अर खुदका होठां न्अ छळ की बात करबा सुं रोक्यां रेव्अ।

¹¹वो बुराई को साथ छोड़्अ, अर भलाई ही करअ, वो मेलमिलाप न्अ हेरअ, अर बीकी कोसिस करअ।

¹²क्युं क परबु की आंख्या धरम्या माळ्अ लागी रेव्अ छ, अर बीका कान बांकी परातना की ओर लाग्या रेव्अ छ, पण परबु बराई करबाळा सुं मूंडो फेरर रेव्अ छ।”

¹³थे भलाई करबा क ताणी फुर्तीला रेवो तो थांकी बराई करबाळो कुण छ?

¹⁴पण ज्यो थे धरम की बजेसुं दुख बी उठाओ, तो धनै छो, पण मनखा का डरपाबा सुं मत डरपो, अर घबरावो मत।

¹⁵पण मसी न्अ परबु जाणर खुदका हीया मं पवितर समझो। कोई थासुं थांकी आस का बारा मं पूछ्अ तो, थे बीन्अ नम्रता अर भय की लार जुवाब देबा क ताणी सदाई त्यार रेवो,

¹⁶अर सोच-बच्यार बी पवितर रांखो, क्युं क ज्यां बाता का बारा मं थांकी बदनामी होव्अ छ, बाका बारा मं ज्यो मसी मं थांका चोखा चाल-चलण की बेजती करअ छ, ब सरमिन्दा होव्अ।

¹⁷अर ज्यो परमेसर की मनसा याई होव्अ क थे भलाई करबा क कारण दुख उठावो, तो यो चोखो छ क थे बराई करबा की बेई दुख उठाल्यो।

¹⁸क्युं क मसी बी मतबल अधर्मया क ताणी धरमी पापा की बजेसुं एकबार दुख उठायो, जिसुं क आपान्अ परमेसर क सांकड़्अ पुंचाव्अ। वो काया का रूप मं तो मार्यो गियो, पण आत्मा का रूप मं जिन्दा कर्यो गियो।

¹⁹अर आत्मा का रूप मं ही पाताळ मं जार वो केदी आत्मा न्अ बी चोखा समचार को परचार कर्यो।

²⁰ये बा मनखा की आत्मा छ ज्योबी पेल्यां की बगत मं परमेसर को खियो कोन मान्या छा, जद नूहा जाज बणार्यो छो अर परमेसर थावस रांखर बाठनाळर्यो छो। अर जिम्अ बेठर थोड़ाई मनख मतबल आठ मनख पाणी सुं बचग्या छा।

²¹यो पाणी उं बतिस्मा की न्याई छ, ज्यो ईसु मसी का जी उठबा सुं, अब थान्अ बचाव्अ छ। इम्अ काया को मेल आंतरअ करबो कोन, पण चोखी समझ सुं परमेसर का बसम्अ हबो छ।

²²वो सरग मं जार परमेसर की जीवणी ओड़ी बेठग्यो, अर सरगदूत अर अधिकारयां अर सबळी राज करबाळी दुष्टात्मा बीका बसम्अ कर्या गिया छ।