Read Dimasa Matthew 1 Bible Online

Matthew 1 - Dimasa bible

Matthew 1

¹Jisu Krista ni phagararao ni greng: bo David ni basa, ar David, Abraham ni basa.

²Abraham ni basa Isak, Isak ni basa Jakob, Jakob ni basa Juda ar boni khaphlungthu.

³Juda ni basa Perez ar Zera. Bonsi de Tamar jang hajaiyaba, Perez ni basa Hezron, Hezron ni basa Aram.

⁴Aram ni basa Amminadab, Amminadab ni basa Nashon, Nashon ni basa Salmon.

⁵Salmon ni basa Boaz, Rahab jang hajaiyaba, Boaz ni basa Obed, Ruth jang hajaiyaba, Obed ni basa Jesai.

⁶Jesai ni basa Raja David, David ni basa Solomon, Uriah ni bihih jang hajaiyaba.

⁷Solomon ni basa Rehoboam, Rehoboam ni basa Abijah, Abijah ni basa Asa.

⁸Asa ni basa Jehosaphat, Jehosaphat ni basa Jehoram, Jehoram ni basa Uzzia.

⁹Uzzia ni basa Jotham, Jotham ni basa Ahaz, Ahaz ni basa Hezekia.

¹⁰Hezekia ni basa Manasse, Manasse ni basa Ammon, Ammon ni basa Josia.

¹¹Babulon gede leng ne khahi langjao hi dongba ha, Josia ni basa Jekonia ode boni buphlungthu hajai ba.

¹²Odehe, Babulon gede bonsi khahi langjao bani yaohon ha, Jekonia ni basa Selathiel ode Selathiel ni basa Jerubbabel oraha hajai ba.

¹³Jerubbabel ni basa Abiud, Abiud ni basa Eliakim, Eliakim ni basa Azor.

¹⁴Azor ni basa Zadok, Zadok ni basa Akhim, Akhim ni basa Eliud.

¹⁵Eliud ni basa Eleazar, Eleazar ni basa Matthan, Matthan ni basa Jakob.

¹⁶Jakob ni basa Josef, Mari ni basai; ebo Mari ni sao ha Jisu hajai ba, bo khe ning Krista thi ba.

¹⁷Elei Abraham ni phrang David sosi jug jhibri, David ni phrang Babulon ha leng jaba sosibo jug jhibri, Babulon ha leng jahi Messia sosibo jug jhibri.

¹⁸Jisu Krista hajaiba de edehe: Boni buma Mari, Josef jang dising jaoma ni sain hi deng ba. Thikhabo, bonsi yamsi-risi dongma ni sagang ha ning Bese Gathar jang sao khonggin jaba khe Mari tharmai la kha.

¹⁹Josef dormo subung jaba ni malai ni sagang ha bo grao khe lahi Mari khe sijima nangjaoya, odehe, phirik phirik negar ma bao ba.

²⁰Ebo grao buthu khe bao hi dongba ha, Gabra ni saosi degla saomi ha nujao phai hi thi ba, Josef, ning Mari jang noh jaba khe da khin. Bo sao khonggin jayaba de Bese Gathar jang se ja ba thi hi tharmai lah.

²¹Bo nana miyah hajai ri ma, ode boni bumu khe Jisu deng lah. Bode jar ni subung buthu khe phap ni phrang sogo ginyaba se.

²²Gabra ni gorasali ni khuh jang thilang ba,

²³Nai lah, mathla gathar sao khonggin ja ma, nana miyah mai ma; ode boni bumu khe Immanuel thi hi nisi deng ma thi hi sainthiyaba grao gibi japhai phu mane khlai hi khrip olei japhai ba se (Immanuel-ni ortho de jini ha Madai dong pha du thiyaba se).

²⁴Odehe, Josef thuhi dongyaba baija hi Gabra ni degla boni ha grao riba lai bo dang la kha; ode Mari khe bo noh ja kha.

²⁵Thikhabo, nana miyah maiyasi de bonsi yamsi-risi jaya; ode boni bumu khe Jisu deng kha.