Read Dimasa Marka 13 Bible Online

Marka 13 - Dimasa bible

Marka 13

¹Jisu Madaikhoh ni phrang baigo bani yaohon ha boni yaohon rikphayarao ni bising ha saosi bokhe thi ba, Nai lah, slingriyah, ebo noh ode longthai buthu de bisi majang du.

²Jisu thiphin ba, Ebo noh gedeba khe nisi nu du? Longthai masi mang mang bo grungya hi dong nang niya; khrip longthai buthu grungya hi dong nang niya.

³Jisu Madaikhoh gede sagang hi Oliv hading ha khamhi dong ba. Peter, Jakob ar Andria boniha phirik phirik phaihi sing ba,

⁴Ebo buthu la bakhali ja nang, ning jinthane sainthi lah. Ode, bo buthu sophaima kha thihi phnu mani sin snadi japhai nang?

⁵Jisu bonsi khe thi ba, Saosi bo nisi khe thokhiya mane girik lah.

⁶Gabang subung Krista ang ning thihi ani bumu lahi phaima se, ar gabang subung khe thokhi nang.

⁷Ode, jbah jang jbah ni grao gublungyaba khe nisi khna hi nisi da gmang. Bo buthu de sophaima ning, thikhabo jamma nede niya kho.

⁸Jadi gibin jang jadi gibin jbah ja nang, raji gibin jang raji gibin jbah ja nang, hathan gibin gibin ha banglama phai nang, asari galai nang. Bo buthu de sao go mane saba lai se ja ma se.

⁹“Odebani, nisi mirik hi dong lah. Nisi khe remhi bisardar niha lang nang. Hamba graojma khe sainthi mane nisi ani bumu ni khlai hi hojarao ar Rajarao ni sagang ha song nang.

¹⁰Thikhabo, yaohonthao ni basain sophaiya sani sagang ha, hamba graojma khe sainthi ma nang ma.

¹¹Ar nisi remjao hi nisi khe bisar khoh ha lang khabo, snadi grao khe thi ma thihi nisi waimu da nang. Bo bubli sophai baha, snadi grao khe ning thi ba, bo nisini grao niyahi, Bese Gathar ni phrang phaiyaba grao ja ma.

¹²Subungrao jarni bada-buphlung khe rem ri nang, odelei ning bupha jarni ansarao khe rem ri nang, ansarao bo jarni bupha khe sthai nang.

¹³Ani khlai hi khrip bo nisi khe naisle nang. Thikhabo, yaohonthao sosi sere khah lao nang, bo se ning sogo jao ma se.”

¹⁴Khinthaosiyaba boni songthan niyayaba hathan ha songba khe nisi nu nang. Sere phuri re ebo khe mithi thing. Boha de Judai rajiha dongyarao, bonsi hading gede khai la thing.

¹⁵Sere noh khim saoha dong, musi jinis khe bo la mane da nakhai thing.

¹⁶Ode, phadain ha dongyarao bo jarni rih khe laphai mane noh ha da phaiphin thing.

¹⁷Sao khonggin jayarao ar nana gnangrao ni khlai hi bo basain buthu hade gabang dukhu ja ma.

¹⁸Odebani, maisingha jaya mane Madai niha bi lah.

¹⁹Bede thikhade, bo basain ni dukhu de Madai sangsai jenba ni phrang duha sosi musi khali bo jaya kho, ar jabo ja nang niya kha.

²⁰Bo basain buthu khe Gabra songthe daoriya thikhade subung saosibo thanghi dong nang niya. Bo jarne saikhoyarao ni khlai hi bo basain buthu khede songthe ri ma se.

²¹Okhali ha asababo nisi khe thi nang, Nai lah, Messiah eraha dong ode oraha dong thi re thikhade bokhe da lon lah.

²²Bede thikhade Krista mosolrao ode gorasali mosolrao baigo nang, bonsi gmang thaosisi sin phnu hi khusi dang nang. Blai khade saikho jaoyarao khebo thokhiphu mani khlai hi khusi dang ma se.

²³Nisi de girik hi dong lah, bo basain phaiya sani sagang ha nisi ne khrip khe bo sainthi kha.

²⁴Bo dukhu ni basain ni yaohon hade sainbo andar ja lang la nang; ar dainbo jna nang niya kha.

²⁵Nokhasao ni phrang sathrai buthu garai nang ar nokhasao ha raothai buthu smao nang.

²⁶Okhali ni basain hade Marsini Basa, raothai gedeba ar muima jang jimi ha phaihi nujao nang.

²⁷Boni yaohonha mulug grongbri ha habsao thaothan sosi, boni deglarao khe haihahi bo jar saikhoyarao khe bojom khlai ma se.

²⁸“Thaikhrao phang ni phrang daogari nai hi nisi sling lah. Boni boso ridim hi balai gili baigo phai kha ning jalang japhai kha thihi nisi tharmai du

²⁹Odelai ning, nisi bo buthu sophaiba khe nu kha ning, bo phaima ni bubli sampha kha ar derga kholei ha songphai kha thihi tharmai lah.

³⁰Ebo buthu sophaiya side duha thanghi dongyarao khripde thihthar nang niya thihi wainso lah.

³¹Habsao ar nokhasao jam lang nang, thikhabo ani graothai de jam nang niya.”

³²Thikhabo, bo basain ar bubli khede Bupha khe garhide sorgoni deglaraobo, ar Basabo, saosibo mithiya.

³³Nalaibo girikhi salaihi bi dada dong lah, bede thikhade bo basain ar bubli khe nisi mithiya.

³⁴Subung saosi jarni lengrao niha khusi dang mane nephahi ar derga naisoyaba khe bo girikhi dong mane sani dada, jarni noh khe garlang hi hah gajain ha thang la ba lai se.

³⁵Odebani, nisi grik hi dong lah, noh bubra bakhali sophai phin ma, sainbli habo ja la phu re, hor habo ja la phu re, daono gisi habo ja la phu re, phorong habo ja la phu re, nisi mithiya.

³⁶Ode niyakha la srap phaiphin khade, nisi thuhi dongba khe bo nu nang.

³⁷Snadi grao khe ang nisi niha sainthi ba, khrip niha ang sainthi ba se, girik hi dong lah.