Read Dimasa Luka 3 Bible Online

Luka 3 - Dimasa bible

Luka 3

¹Kaisar Tiberius raja jaba ni phrang maithai jra ha Pontia Pilat de Judai raji ni latsap, Herod de Galili raji ni raja ar boni buphlung Philip de Ituria jang Trakonitis raji ni raja, Lusia de Abilene raji ni raja,

²Anna jang Kaiapha Jonthaima jahi dong ba. Bo bubli ha hajengling ha Zakaria ni basa Johan niha Madai ni grao sophai ba.

³Odehe, Johan Jordan dihbu dergong, khrip haphai buthu ha daopha lang hi, jar jarni phap map jama ne khah phin hi baptisma jama ne grao khe sainthi phalang ba.

⁴Gorasali Isai grao sainthiyaba laisi ha rebba lai: Hajengling ha subung saosi ni khurang jirik khaobaiyaba, Gabra ni lama khe slam hi deng lah, Boni lama khe beleng ri lah.

⁵Khrip hakkole khe smai ri lah, Hading harang khe hidao ri lah. Lama gugui khe beleng ri lah, ode Lama brayaba khe mili ri lah.

⁶Odehe, khrip subung buthu Madai ni goma khe nu nang! thi hi rebba lai.

⁷Baptisma jama ne subung buthu phaiyarao niha Johan thi ba, Jbu ni sarik surik rao, thamsi sophai ginyaba ni phrang khailang mane nisi khe sere sibring ba?

⁸Nisi jarni phap ni phrang khah phin dada phnu mane hamba bathai thai lah. Ode, nisi jing Abraham ni sarik surik thihi khah ha da bao. Bede thikhade Madai ebo longthai buthu khe Abraham ni sarik surik slamphu du.

⁹Odebani, duhabo khrip bongphang khitha ha rowa khe deng kha. Sereba bongphang ha hamba bathai thaiya kha de, bo khe bokhla hi waikhor ha dangsing ma.

¹⁰Niya khala, jing sumjadi khlaima kho? thihi Johan khe subung buthu sing ba.

¹¹Bo bonsi khe thiphin ba, Sere niha sola magin dong, giriyaba ne ron la thing, ode sere niha jimu dong, bobo olei ning dang la thing.

¹²Khajana khrangyarao bo baptisma jama ne boni ha phai hi sing ba, Slingriyah, jing la sumjadi khlaima kho?

¹³Bo bonsi khe thiphin ba, Nisi ne rimane hanggaiba lai nisi la lah. Nisini mainphai ha khaja lah.

¹⁴Gejesi siphaiyarao baptisma jamane boni ha phai hi bo khe sing ba, Jing la bede jama kho? Bo bonsi khe thiphin ba, Saosi ni rang khe bol jang da lah, ar mosol grao jang bo malai khe bisar da ri. Nisi ni maiphain ha khajahi dong lah.

¹⁵Subung buthu ni khah ha, Johan khe asa deng ba; Ebo ning Krista janai du? thihi baosai ba.

¹⁶Odebani, bonsi khrip niha Johan thi ba, Ang de nisi khe dih jang baptisma ri du, thikhabo ang tha dedaoyaba phai du. Ang de boni yaphadap ni wadu khruma bo gathaya. Bo de nisi khe Bese Gathar ar wai jang baptisma ri nang.

¹⁷Boni yao ha mai jaomane sangkhon dong. Maigrik khe boni maikhoh ha lusing ma, ode maijubu khe thih thaoyayaba waikhor ha saokhrip ma.

¹⁸Odehe, bo subung buthu khe gibin gibin graothai jang sibbring ba, ar subung buthu niha hamba graojma khe sainthi ba.

¹⁹Raja Herod, jarni buphlung Philip ni bihih Herodi khe noh jaba, ode gibin gibin hamya khusi dangbani balam ha Johan jo ba.

²⁰Johan khe Herod phatho ha jeb ba ar hamyadao hi khusi dangphin kha.

²¹Subung buthu khrip baptisma ja blai hi, Jisubo baptisma ja ba, ar bo Madai bisaiba ha nokhasao khru ba.

²²Ode, Bese Gathar, saomang jahi, daothu lai birkhlai bu dada, boni basao ha baphai ba. Ode, nokhasao ni phrang khurang masi biring dada, Ning ani Basa khasao daothaoyaba, nini basaoha ang khaja du, thihi khnaphai kha.

²³Jisu khusi dangjenba ha maithai thimjhi lai ja kha. Subung buthu ni baothai ha de, bo de Josep ni basa, Josep Heli ni basa.

²⁴Heli de Mathat ni basa, Mathat de Levi ni basa, Levi de Janai ni basa, Janai de Josep ni basa.

²⁵Josep de Mattathias ni basa, Mattathias de Amos ni basa, Amos de Nahum ni basa, Nahum de Esli ni basa, Esli de Naggai ni basa,

²⁶Naggai de Maath ni basa, Maath de Mattathias ni basa, Mattathias de Semion ni basa, Semion de Joda ni basa,

²⁷Joda de Joanan ni basa, Joanan de Rhesa ni basa, Rhesa de Zerubbabel ni basa, Zerubbabel de Shealtiel ni basa,

²⁸Shealtiel de Neri ni basa, Neri de Melchi ni basa, Melchi de Addi ni basa, Addi de Cosam ni basa, Cosam de Elmadam ni basa, Elmadam de Er ni basa,

²⁹Er de Joshua ni basa, Joshua de Eliazar ni basa, Eliazar de Jorim ni basa, Jorim de Matthat ni basa, Matthat de Levi ni basa,

³⁰Levi de Simeon ni basa, Simeon de Juda ni basa, Juda de Josep ni basa, Josep de Jonam ni basa, Jonam de Eliakim ni basa,

³¹Eliakim de Melea ni basa, Melea de Menna ni basa, Menna de Mattatha ni basa, Mattatha de David ni basa,

³²David de Jesse ni basa, Jesse de Obed ni basa, Obed de Boaz ni basa, Boaz de Salmon ni basa, Salmon de Nashon ni basa,

³³Nashon de Amminadab ni basa, Amminadab de Admin ni basa, Admin de Arni ni basa, Arni de Hezron ni basa, Hezron de Perez ni basa, Perez de Juda ni basa,

³⁴Juda de Jakob ni basa, Jakob de Isak ni basa, Isak de Abraham ni basa, Abraham de Tera ni basa, Tera de Nahor ni basa,

³⁵Nahor de Serug ni basa, Serug de Reu ni basa, Reu de Peleg ni basa, Peleg de Eber ni basa, Eber de Shela ni basa,

³⁶Shela de Kainan ni basa, Kainan de Arphaksad ni basa, Arphaksad de Shem ni basa, Shem de Noah ni basa, Noah de Lamek ni basa,

³⁷Lamek de Methusela ni basa, Methusela de Enok ni basa, Enok de Jered ni basa, Jered de Mahalalel ni basa, Mahalalel de Kainan ni basa,

³⁸Kainan de Enos ni basa, Enos de Seth ni basa, Seth de Adam ni basa, Adam de Madai ni basa se.