Read Dimasa John 15 Bible Online

John 15 - Dimasa bible

John 15

¹Gibiyaba grep biding ang se. Ode ani Abai bari khe naisoyaba se.

²aniha dong phayaba bedep ha bathai thaiya kha de bokhe bo dainphai khla du, ode bathai thaiyaba bedep khe bo bosophai re, odese bangdao hi thai ma.

³Nisi niha ang grao khe sainthi bani khlai hi duha ni phrang nisi gathar ja kha.

⁴Aniha dongpha, angbo nisi niha dongpha nang. Bedep buphangma ha dongphaya thikhade, jar jang de bathai thai phuya. Olei ning nisibo aniha dongphaya thikhade bathai thaiphu nang niya.

⁵Grep biding de ang se, nisi bedep se. Sere aniha dongpha du, angbo boni ha dongpha du. Odese bo gabang bathai thai ma, bede thikhala ani phrang degao hi dongkha de nisi musibo khlaiphu nang niya.

⁶Jodi sere aniha dongphaya thikhade bo bedep lai dangkhlaima se, ode rain ma, ode bokhe khonthim hi wai ha dangsing hi saokhrip re.

⁷Jodi aniha nisi dongpha la, ode ani grao nisi niha dong ma, odese snadi khe nangjao ba sain lah, ode bo nisi ni khlai hi ja ma.

⁸Ani Abai ni muima ebo jang se ja ba, ning gabang bathai thai ri lah, odese ning ani rikphayasa ja ma.

⁹Bedehe Abai ang khe hamjao ba, olei ning angbo nisi khe hamjao ma. Odebani ani hamjaoma ha dong lah.

¹⁰Bede thikhade ning ani hukhum khe mani kha de, ani hamjaoma ha dong lah, bedehe ang jarni Bupha ni hukhum khe maniba ar boni hamjaoma ha ang dong ba lai jasosi.

¹¹Ang ebo khe nisi ne thiba de nisi niha ani khajathai phura jamane, ar nisi ni khajathai phura jamane khlai hi.

¹²Ani hukhum ebo se, ang nisi khe hamjao ba lai jasosi, nisibo saosi jang saosi khe hamjao lah.

¹³Hamjaoma tha dedao hi de musibo giri. Odebani bo jarni luguni khlai hi jarni hang khebo riphu du.

¹⁴Snadi khe ang ningthane hukhum ri du, bokhe ning dang re thikhade, ning ani lugu jama se.

¹⁵Du ni phrang ang nisi khe leng thiya kha, bede thikhala boni bubra snadi khe dang ba, leng de tharmaiya. Thikhabo ang nisi khe lugu thihi thi du, bede thikhala snadi grao khe ang jarni Bupha ni phrang khna ba, bo khrip khe ang nisi niha thiri kha.

¹⁶Ning ang khe saikhoya, thikhabo ang se ning khe saikho ba, ode yaopha ba, ning thanghi bathai thai ma, bo bathai suiyaba ja ma. Odese snadi khe nisi ani bumu jang sain du, bokhe nisi ne Abai ri nang.

¹⁷Ani hukhum ebo se, saosi jang saosi khe hamjao lah.

¹⁸Habsao nisi khe naisle du thikhade, nisi khe naisle mani sagang ha ang khebo naisle ba.

¹⁹Jodi ning habsao ni se thikhade, habsao jarni lai bo nisi khe hamjao ma se. Eboni khlai hi nisi habsao ni niya kha, bede thikhala ang nisi khe habsao ni phrang saikho la kha. Odebani se habsao nisi khe naisle ba.

²⁰Snadi grao khe ang nisi niha thi ri ba, Leng jarni bubra tha dedaoya, ebo khe wainso lah. Jodi bonsi jing khe dukhu rikha de nisi khebo dukhu ri ma se. Ode bonsi ani slingrithai khe mani du thikhade nisi khebo mani ma se.

²¹Ebo buthu khrip ani bumu ni khlai hi nisi jang bonsi elei dangma se. Bede thikhala bonsi ang khe haihayaba khe tharmaiya.

²²Ang se phaiyahi ode bonsi niha sainthi riya kha de, bonsi phap ha galaiya, thikhabo duha bonsi ni jarni phap ni khlai hi de musibo map giri.

²³Sere angkhe naisle re, bode Bupha khebo naisle ba se.

²⁴Jodi ang bonsi ni bising ha saosibo dang ba giriyaba khusi khe dangya thikhade bonsi phap ha galaiya mu. Thikhabo, bo buthu gmang thao sisiyaba sin khe bonsi nuhibo duha bonsi angkhe ode ani Bupha ar ang khebo siji du.

²⁵Thikhabo snadi bonsini Dara ha reb langyaba dong ba, ebo jathar mani se ja ba. Musibo gajai giri hi bonsi ang khe naisle ba.

²⁶Jekhali bo juruya phai ma, snadi khe ang Bupha ni phrang nisi niha haiha ma, gibi ni Bese, Bupha ni phrang baigoyaba, bo ani balam ha grao khe jo ma.

²⁷Bede thikhala, jenba ni phrang nisi ang jang dongpha bani, nisi bo ani balam ha jo ma se.