Read Dimasa Dangyasarao 11 Bible Online

Dangyasarao 11 - Dimasa bible

Dangyasarao 11

¹Apostolrao ar Judai raji ni yaohon rikphayarao, Jentailrao bo Madai ni grao khe mani kha thihi bonsi khna ba.

²Peter, Jerusalem ha sohiba jang jogai bujuh rasoba khlaiyarao bo jang grao banglai hi,

³boni ha thi ba, Jogai bujuh rasoyayarao ni noh ha hap hi, bonsi jang baosi ning jipha lai ba, thihi bokhe jo ba.

⁴Odebani Peter jenba ni phrang singyaba si khe bo thiphla ri ba;

⁵Joppa nolei ha, ang Madai bihi dongba ha, ang mereijao hi dong ba; saomi lai masi rih bubim gedeba lai, bo grong grongbri khahi, nokhasao ni phrang dik khlaiba khe ang nu ba; ani rogong gabasi ha ning phai ba.

⁶Bokhe ang naihi ning, phirthi ni igah gongbri, hagrani mih buthu, hang gnang jinis, ode basao ni dao buthu khe ang nu ba.

⁷Odehe, ede khurangbo khna ba, Hoi Peter, baija hi sthai dada ji lah! thihi ang khe thi ba.

⁸Thikhabo, ang thi du, Gabra, ang jiya dou! Gathar jang gusu ani khuh ha musi khali bo hapya!

⁹Nokhasao ni phrang khurang phintham ha, Madai ning gathar khlaiyaba khe ning gathar niya da thi, thihi bo ang khe thiphin ba.

¹⁰Olei jasosi ning phintham japhai ba; ode khrip jadi nokhasao ha sugu langphin jao kha.

¹¹Okhali ha, subung gatham, Kaisari nolei ni phrang ani ha bonsi haiha hi, ani dongthan hakhli ha bonsi song ba.

¹²Bese jang jajaoya jaya hi bonsi ni yaohon rikpha mani khlai hi ang khe thi ba, ode, ebo daphlung dobo ang jang baosi phaipha hi Korneli ni noh ha jing hap ba.

¹³Bo jini ha thi ba, Jarni noh ha sorgo ni degla songhi dong ba nuyaba khe, ode, sere sorgo degla jang thijaoba, Joppa nolei ha subung haiha hi, bonsi Simon Peter thiyaba khe labu lah;

¹⁴bo nisi khe grao thi nang, boni grao ni dara jang ning ode nini nokhor buthu bo goma mai ma se, thiyaba grao khebo bo sainthi ba.

¹⁵Odehe, ang thanghi grao thijen ba ha, jini basao ha Bese Gathar phaiba lai bonsi ni basao ha bo sophai ba.

¹⁶Boha Gabra grao thiyaba khe ang wainso ba, Johan dih jang baptisma ri ba, thikhabo, nisi Bese Gathar jang baptisma mai ma se.

¹⁷Madai jing khe yaosandi riba lai Jentailrao khe bo goma nangjao du thihi ang tharmai ba. Odebani, ang sere, Madai khe mathao phuma? thihi ang tharmai ba.

¹⁸Bo grao khe khna ba jang, bonsi phirik phirik thao ba, Ode thikhade, Madai ning Jentailrao khebo khah phin hi haiyu mai mane nangjao du, thihi bonsi Madai khe bakhan khlai kha.

¹⁹Stephan khe dukhu riba ha khaidrayarao de daopha lang hi daopha lang hi Phoiniki raji, Kupra hahgojo ha, ode Antiokei thiyaba sosi bonsi thang hi, Judarao niha garhi de saosi nihabo bonsi grao thiya kha.

²⁰Thikhabo, bonsi ni bising ha gejesi de Kupra hahgojo ode Kurini ni subung buthu se, bo buthu ning Antiokei ha bonsi sohi ba jang Greekrao nihabo Jisu ni hamba graojma khe bonsi khna ri ba.

²¹Gabra ni yao jang bonsi khe juru dada, gabang subung lon hi, Gabra ni gede sagang tharlai kha.

²²Bonsi ni grao de Jerusalem ha longjom dongyarao ni khmao ha khna kha; odebani, Barnaba khe Antiokei sosi bonsi haiha kha.

²³Bo oraha sohi ba jang Madai ni khasaoma khe bo nuhi hamsi ning khaja hi, khah jang muh jang Gabra khe remsong hi dong mane bonsi khrip khebo bo sibring kha.

²⁴Barnaba hamba subung, Bese Gathar ar lonma jang gablaiyaba se bani, gabang subung bo Gabra ni gede phai kha.

²⁵Odehe, Barnaba Saul khe smai mane khlai hi Tarsa nolei ha thang ba, ode, bokhe bo nuba jang Antiokei ha bokhe labu ba.

²⁶Maithaisi phura longjomrao bojom jayaba ha bonsi jang baosi dongpha hi, gabang subung khe sling ri ba. Antiokei ha ning bo se khrip tha sagangthao Kristian thijao jenyaba de.

²⁷Bo bubli ha ning sereba gorasali Jerusalem ni phrang Antiokei ha thang ba.

²⁸Bonsi ni bising ha subung saosi, boni bumu Agaba thiyaba, songhi habsao khrip ha asari phai ma thihi Bese jang thijaoyaba khe bonsi ne khna riba. Bo asari de Klaudi thiyaba Raja jahi dongba ha sophai kha.

²⁹Odebani, lonyarao ning, blai ba lai lai, khrip Juda raji ha daphlung dongyarao ne khlai hi rang khrang hi, bonsi haiha ma bao ba.

³⁰Bokhe bonsi olei ning dang kha. Barnaba jang Saul ni yao ha, bo raji ni khrao niha bonsi ri kha.