Read Dimasa Dangyasarao 3 Bible Online

Dangyasarao 3 - Dimasa bible

Dangyasarao 3

¹Sainsi khali Peter jang Johan de sainbli ha, bima ni bubli jakha bani, Madaikhoh ha thang ba.

²Oraha ni, Derga Majang thiyaba ha, sereba subung saosi, hajaiba ni phrang igah khora dong ba. Bokhe bainbu hi oraha thu ri ba, ar bo hapyarao niha yao ajao jihi dong ba.

³Peter jang Johan, Madaikhoh ha hapma jaba khe bo nuba jang, bo yao ajao ba.

⁴Bonsi bokhe naihi ba, ar Peter bokhe thi ba, Jini gede nai ha sang,

⁵Bo de bonsi ni phrang smaba mungsi mai ma asa jahi, bo naiha ba.

⁶Thikhabo, Peter bokhe thi ba, Rang jang gajao musibo ani ha giri; thikhabo, ani ha bo se ning dong ba, bokhe ning ang ninthane ri nang, Nazareth Jisu Krista ni bumu lahi igah jang hemlang lah,

⁷Boni yaoda ni yao khe remhi, bokhe sik khu kha; ode, boha ning boni igah buthu ode yamutho begreng buthu de bol rao lang la kha.

⁸Ode, bo baijlom khuhi, bo song kha, boha ning bo igah jang baijlom khu hi, Madai khe bakhan khlai hi bikhoh ha bo hap pha kha.

⁹Oraha subung buthu, igah jang hemhi ode Madai khe bakhan khlaiyaba khe nu kha.

¹⁰Bikhoh ni derga majang ha yao ajao hi khamyaba se thihi bonsi tharmai hi, boni basao ha jinis sophaiyaba khe bonsi hamsi ning gmang hi, bonsi phirik phirik thao ba.

¹¹Ode, bo Peter jang Johan khe rem hi Solomon ni mandu thiyaba ha dongba ha, khrip subung buthu hamsi ning gmang ba, ar bonsi niha bonsi khaipha buhi bojom japhai ba.

¹²Peter bonsi khe nuba jang bonsi khe sing ba, Nisi Israel subung buthu, ebo buthu khe snadi jabani nisi gmang ba? Jini raothai jang, jing Madai khe mani bani bokhe jing ham ri ba lai nisi ang khe naihi dong ba?

¹³Abraham, Isak ar Jakob ni Madai, jini greng thuni Madai, jarni dangyasa Jisu khe muima khlai du. Nisi la bokhe rem rihi, Pilat haigerma bao lakha bo, boni sagang ha nisi nangjaoya ja ba.

¹⁴Subung gathar ar dormo khe nisi la nangjaoya hi sthaibaiyaba khe se ri mane nisi khainsu ba.

¹⁵Haiyu riyaba khe nisi sthai kha, thikhabo Madai ning bokhe githi ni phrang baija ri phin kha, bokhe jing sakhi ri du.

¹⁶Ode boni bumu jang lon bani, boni bumu de ebo subung khe nuba jang nisi tharmaiyaba khe bo rao ri du. Jadu, boni khlai hi lonma dong phaiyaba ha nisi khrip ni muh ha bo ham rithar kha.

¹⁷Thikhabo, O daphlungrao, nisini hojarao bo sida se bani bonsi dangba lai ning, nisini sida jabani se ebo khe nisi dangba thihi ang tharmai du.

¹⁸Thikhabo, Madai ning khrip gorasalirao ni khuh ha, Krista de dukhu jamani grao khe sagang ha ning bo thida kha; olei jasosi ning, gibi jang sophai riba se.

¹⁹Odebani, nisini phap buthu khe sajam phu mane khlai hi, khah phinhi phai lah, ode da naiphin si;

²⁰Odebani, Gabra ni phrang smao mani bubli buthu sophai phuma, Krista Jisu, nisine khlai hi bo salaiyaba khebo, bo haiha phuma.

²¹Bede thikhade, khrip slam slammani bubli sophaiya si de sorgo ha bokhe dengma se; bokhe slam slammani grao khe de Madai ning phirthi sangsai jenba ni phrang jarni gorasali gathar dongyarao ni khuh jang sainthi kha.

²²Moses jar ning thi ba, Gabra Madai ning ang subung slam ba lai ning, nisi ni basathu ni bising ha saosi gorasali slam ri ma se. Bo ning nisi khrip niha grao sainthi nang, bokhe nisi khna lah.

²³Ode, subung asaba bo, bo gorasali ni grao khnama nangjaoyayaba de, subung ni bising ni phrang bonsi sjam jaoma se, ode bo thi kha.

²⁴Samuel dong ba sosi ni phrang bislei gorasali bonsi ni yaohon ni subung buthu jang phai hi, grao sainthiyaba de duha ni grao khe bonsi sainthi da re.

²⁵Nisi de gorasalirao jang grao khayaba ni basathu se. Madai ning, Abraham niha, Nini sarik surik buthu jahi habsao ni khrip jadi hamthai maima se thihi nisi ni greng buthu niha bo hanggai kha.

²⁶Madai ning jarni dangyasa khe salai hi, nisi ni phap buthu khe dangkhlai rihi nisi khe hamthai ri mane khlai hi, nisi niha bo sagang thao haihayaba se, ode bo thi ba.