Read Dimasa 2 KORINTH 3 Bible Online

2 KORINTH 3 - Dimasa bible

2 KORINTH 3

¹Jing jar khe majang ri hi thilayaba japhin kha na? Niyakha la gejesi subung ne dangba lai, jar khe majang rilayaba laisi khe jing labuba ja thing, nisi ni phrang jinthane bo nang ma se na?

²Nisi de jar khe jar thiba majang ri layaba laisi se, jini khah buthu ha reb da kha, khrip subung tharmai mane ode pori mane de nisi ning ja kha.

³Krista ni phrang laijma, khali jang rebyayaba, jing ning riyaba, Madai gathang ni bese ha rebyaba, longthai bakhlap ha reb ba niya hi subung ni khah buthu ha nisi reb ba thihi ragao sisi nisi nujao du.

⁴Olei ning Krista ni khlai hi Madai ni basao ha ang asa deng du.

⁵Jing jar jang se ning de soya, jing jar jang dang ba lai thi mani musibo giri. Jing soyaba de Madai ni phrang se ja ba.

⁶Bo ning khayaba grao gadain ni dangyasarao jayayaba ha bo ang khe slam ba; aikhor jang rebyaba ni dangyasa niya hi, bese dangyasa se bo ja ba; laisi se ning reb kha de bo sthai du; thikhabo bese de hayu se bo ri ba.

⁷Moses ni mukhang ni muima, jamlang ginyaba ning Israel sarao naipha raoya si boni muima; longthai ha aikhor reb ba, thihyaba khe so riyaba ni dangyasa ning olei sosi bo muima ja kha la,

⁸Bese ni dangyasa la boni muima jadao nang niya na somo?

⁹Nisi gajai ja riyaba dangyasa ning boni muima ja kha la, gajai giriyaba dangyaba de muima ha judaothao ja ma se.

¹⁰Bo balam ha de, dedao thaoyaba, bonthanebo dedaoyaba dong phai kha bani, botha dedaoyaba musibo giri kha.

¹¹Rain phin ginyaba ning, olei sosi muima ja kha la, dongsong ginyaba la bislei sosi muima ja nang!

¹²Odebani, olei asama khe jing mai bani, jing hamsi ning khitha rao du.

¹³Moses dangba lai ang dangya, bode siri siri jamthaoyaba khe Israel ni basathu nai hi dong songyama ni khlai hi, boni mukhang khe phungyaba jang bonsi phung ba.

¹⁴Thikhabo, bonsini khah buthu khe rao rijao hi dong ba. Dini sosibo, grao khayaba gajam bonsi pori kha de, bo bonsi ni khah phungjao hi dong kho, Krista ha se ning, bo phungyaba khe khuh khla phu ba.

¹⁵Jadu, dini sosibo Moses ni laisi khe bonsi pori kha ning bokhe phungyaba jang, bonsi ni khah buthu bonsi phung re.

¹⁶Thikhabo, subung Gabra ni gede sagang kha ning bo phungyaba khe khuh khla re.

¹⁷Gabra de Bese se, Gabra ni Bese dongyaba ha de sadin jang dong re.

¹⁸Odebani, khrip jini mukhang phungyayarao ning Gabra ni muima khe jing phnu rihi muima ni phrang muima jadao pha lang mani khlai hi, bo jang baosi dong mani jing gibin slamjaoyaba se, bokhe Gabra ni se dang ba, bo de Bese se.