Read Dimasa 2 KORINTH 4 Bible Online

2 KORINTH 4 - Dimasa bible

2 KORINTH 4

¹Odebani, Madai khasao bani dara jang ebo dangyaba khusi de jini phantha jakha bani, jini khah khe jing raoya ja riya.

²Jinis lasisiyaba bo makhao khusi dangyaba buthu khe, jing haiger kha; jing phuslaima yaowai ma nangjaoya kha, Madai ni grao khe jaya hi jing sainthiya. Grao gibi khe phnu hi, Madai ni muh ha, khrip subung hamba hamya tharmaiyaba muthai ha so ri mani jing bao du.

³Odehe, jini hamba graojma khe phungkhlip hi deng kha de, jamsaiyarao se phungkhlip jao hi dongyaba se.

⁴Krista de Madai lai ning. Thikhabo, Krista ni muima, hamba graojma ni gyan khe phungya mani khlai hi duha ni habsao madai ning, lonyayarao ni khah ni muthai khe gana khlai kha.

⁵Jing jarni kharmu khe thi laya; Jisu Krista de Gabra gibi ni grao ode jing de Jisu ni dara jang nisi ni dangyasa ja bani grao buthu khe se jing de baipha lang ba.

⁶Jisu Krista ni mukhang ha Madai ni muima nujao phaiyaba khe, jing hamsisi mithi phu mani khlai hi, Andar ha jna phai thing, thiyaba Madai ning jini khah buthu khebo jna ri ma se.

⁷Thikhabo, ebo raothai bara hi maiyaba de jini phrang baigoyaba niya hi, Madai ning thihi hamsisi ar phnu phuma ni khlai hi, bo don khe hah ni mudik buthu ha jing deng du.

⁸Khrip gede gaso suso khlaijao hi jing dong ba, thikhabo nekhlai jaoba de jing nekhlai jaoya; khah waimu jang dong ba, thikhabo, jing gmang giji jadaoya;

⁹dukhu rijao hi jing dong ba, baojo hi jing dongya; sujao hi jing dong ba, thikhabo jing sthaijaoya.

¹⁰Jini saomang buthu ha de Jisu ni hayu khe bonsi nuphu mani khlai hi, bo thiyaba habo jini saomang ha jing lahi ning dongsong du.

¹¹Jini saomang thih phuyaba ha Jisu ni hayu phnu phu mani khlai hi, jing hamhi dongyarao bo ebo Jisu ni khlai hi thih mani yaopha hi jing dong re.

¹²Olei jasosi ning, jini ha thihyaba jang bo khusi dang re, thikhabo nisi niha de hayu jang khusi dang re.

¹³Laisi ni grao khe, Ang lon du, odebani, ang thi du, odehe bo thi ba. Olei lonma khe jingbo mai kha bani, jing lon hi, jing thih ba se.

¹⁴Gabra Jisu khe baija riyaba ning jing khebo Jisu jang baosi baijaphin rihi, boni sagang ha nisi jang jing khebo bojom khlai ma se thihi jing tharmai du.

¹⁵Ebo khrip khe nisi ham mani khlai hi se; odebani, gabang subung ni gejer ha Madai ni khasaoma khe bara nang, Madai ni muima ni khlai hi khajama ni grao thiyababo hamsi ning bara phalang ma se.

¹⁶Odebani, jing gmang giji jaya. Jini baji gede ni subung de blama ja la khabo, jini bising gede ni subung de nalaibo gadain slam hi dongpha lang du.

¹⁷Bede thikhade, ebo muphrip gasi ha jini basasa dukhu ha, thaoglao ni muima, susa phuya si bo jinthane slam ri kha.

¹⁸Nuphuyaba jinis buthu khe naiya hi, nuphuyayaba jinis buthu khe se jing nai ba, nuphuyaba jinis de jamginyaba se, thikhabo nuphuyayaba jinis buthu de thaoglao ni khlai hi se.