Read Dimasa 2 KORINTH 7 Bible Online

2 KORINTH 7 - Dimasa bible

2 KORINTH 7

¹Odebani, hamdao thaoyarao, bo grao hanggaiyaba buthu khe jing mai bani khlai hi, saomang jang bese gede ha jadi jadi rege rege khlaiyaba ni phrang jing ragao ri lai hi, Madai khe khinyaba ha ning gathar khlaiyaba khe jing phura khlai lai nang.

²Nisi ni khah buthu ha anthanebo hathan deng lah. Saosi ni gajai habo jing dophaya, saosi khebo jing hamya khlaiya, jarni phantha ham mani khlai hi saosi khebo jing yaowaiya.

³Ebo khe gajai ja ri mani nisi khe ang thiba niya; sagang ha nisi khe ang thiba lai ning, jini khah buthu ha nisi khe waimu nang du; nisi jang baosi thih khabo thang khabo jing salai kha.

⁴Nisi khe jing hamsi ning lonsing du; nisi khe ang sanggabo hamsi ning sangga du. Santi jang ang gablai hi, ani khrip dukhu habo khajama jang ang gablai kha.

⁵Makedonia raji ha sohi ba ha jini saomang buthubo lengma goya, khrip hathan ha jing sajao hi dong ba, baji gede ha nanglaiyarao dong, bising gede ha khinyarao bo dong.

⁶Thikhabo, subung waimu dukhu buthu khe santi riyaba Madai ning Tita sophai hi bo santi riphai kha.

⁷Bo sophai bani khlai hi se ning bo jadaoya; nisi ni khlai hi boni santi gibi jang ning, bo jing khe santibo ri du; nisi jing khe wainsoya ba ja thing, nisi jar khe gajai baolayaba ja thing, ani khlai hi nisi khah muh riyaba khe jini ha bo sainthi ba. Odebani ang ar khajadao du.

⁸Ani laisi ha nisi ni khah khe sari kha thihi ang tharmai hi jini gajai ja kha; thikhabo ani laisi ha khaisa bubli ni khlai hi se ning nisi khe bo dukhu ri ba thihi srap ang tharmai phin hi ang waimu nangya kha.

⁹Duha de ang khaja du, bede thikhade nisi khah waimu nang rihi deng bani niya hi, nisi khah phin mane waimu nang bani khlai hi se. Olei dukhu jayaba de Madai ni nangjaoma se; jini khlai hi musibo nisi luskanbo jaya.

¹⁰Madai ni nangjaoma ha khah waimu nangyaba de sogo mani khah phinyaba gajao giriyaba ha so rijao re, thikhabo habsao ni waimu de thihlam ha so rijao re.

¹¹Nai lah, Madai ni nangjaoma ha nisi waimu nangyaba de hamsi ning khah muh rihi nisi khe khna ri du! Nisi ni gibi khe phnu ma nangjaoyaba, phap khe nangjaoyayaba, odehe phap khusi dangba khinyaba khe nisi mai kha; subung khe wainsoba ringyaba, subung phaphi khe saja rima nangjaoyaba khe nisi gadain mai kha! Ebo jinis buthu hade, khrip jadi gede nisi gathar ja kha thihi nisi jar ning ragao sisi phnu kha.

¹²Odebani, nisi niha ang laisi haihayaba de, jinis gajai dang bani khlai hi ang reb ba niya, bo dang gajai ni khlai hi ang reb haba bo niya; Madai ni muh ha jinthane khlai hi nisi ni hamba baothai khe nisi jar ning nu la phu mane se ang reb ha ba.

¹³Odebani, jing santi ja kha. Odehe, jini ebo santi jang baosi, nisi khrip ha Tita ni khah khe nisi smao ri bani boni lonma ni khlai hi ar jing khaja dao ba.

¹⁴Bede thikhade, ang ning boni rogong ha nisi ni balam ha khaisa sangga du, thikhabo lajiya, thikhabo bede ang ning nini ha khrip grao gibi khe thi ri kha, olei ning jini sangga phnuyaba Tita ni sagang ha gibi ja kha.

¹⁵Ode, nisi khripbo boni grao manithai, jang the the mao hi nisi ni khajathai khe bo khna hi, nisi khe bo ar wainso dao du.

¹⁶Khrip balam ha ang nisi khe lonso kha bani ang khaja du.