Read Dimasa GALATIA 1 Bible Online

GALATIA 1 - Dimasa bible

GALATIA 1

¹Paul, haijaoyasa (Subung buthu haiyaba niya hi subung buthuni dara jang bo niya, Jisu Krista ar githi ni gejer ni phrang bo mathangyaba, bupha Madai ni dara jang se haijaoyasa jaba) ode,

²aniha daphlung dongyaba khrip buthubo, Galatia raji ni longjom sarao khe:

³Bupha Madai jang jini Gabra Jisu Krista ni phrang khasaoma ode nisi niha shanti dongpha thing.

⁴Bo ning jini Madai ode jini bupha nangjao ba lai duha ni habsao hamya ni phrang bo jing khe sogophu mane khlai hi, jini phap ni baslai habo jar khe ri ba.

⁵Madai niha ning muima thaoglao jang dong thing! Amen.

⁶Krista ni khasaoma ni dara jang nisi khe bo long ba, olei duha gibin hamba graojma gede nisi ajaoba khe hamsi ning ang gmang du.

⁷Bo la hamba graojma niya thi, nisi khe gdang sdang khlai hi, Krista ni hamba graojma khe gibin khlai ma baoyarao nisi ni bising ha dong.

⁸Thikhabo, jingbo ja thing, sorgo ni phrang akhai buyaba deglabo ja thing, hamba graojma jing nisi niha thiyaba khe garhi, gibin hamba graojma nisi niha thikhade, bo sot mai thing.

⁹Sagang ha jing thiba lai, duhabo ang thiphin du: hamba graojma nisi maniyayaba khe gibin hamba graojma nisi niha thikhade bo sot mai thing.

¹⁰Dei thikhala, duha subung khe khaja rima ang baoba na Madai khe? Niyakhala, subung ni bising ha manijao hi se ning ang dongma bao ba? Olei ang jakha de, Krista ni leng ang ja phuya.

¹¹Odebani daphlungrao, ang hamba graojma sainthiyaba de subung ni gede ni phrang niya thi hi nisi khe khna ri du.

¹²Subung ni phrang ang maiyaba bo niya, malai ang khe slingriyaba bo niya, Jisu Krista nujao bani se ang mai ba.

¹³Judarao dormo manithai ni dara ha sagang ni ani dongthai khe nisi mithi du thi, olei Madai ni longjomrao khe gabang dukhu rihi hamya khlai ba khe;

¹⁴Ode, ani phagararao grao muilo gnang dengyaba ni basao ha ang khah ridao bani Judarao ni dormo maniyaba dara ni balam ha, ani greng buthu ni bising ha ani lugurao gabang buthu khe ang lailang kha.

¹⁵Ani buma ni sao ni phrang ang khe gibin khlaiyaba, ode jarni khasaoma jang ang khe longyaba Madai khah jang muh jang,

¹⁶Jentailrao ni bising ha hamba graojma ang sainthi phuma ni, boni basa khe ani ha phnu ri khali, saomang jang thijao khe ang singya.

¹⁷Ang haijaoyasa ja mani sagang ha haijaoyasa jayarao niha Jerusalem ha thangya hi, Arabia raji ha ning ang thang la kha, ode Damaska ha ang phaiphin la kha.

¹⁸Odehe, nokha maithai tham ni yaohon ha Kipha jang goron lai mane Jerusalem ha ang gakhu lang ba, ode boni ha nokha sain jra ang dongthao ba.

¹⁹Thikhabo, gibin haijaoyasa de Gabra ni daphlung Jakob khe garhi de saosi khebo ang nuya.

²⁰Nisi ne ang grao rebyaba buthu khe Madai ni muh habo mosol niya!

²¹Boni yaohonha de Suria jang Kiliki raji buthu ha ang phai la kha.

²²Thikhabo, Judai raji ni longjom, Krista ha dongyarao de ang khe basao ning mithiya.

²³Sagang habo jing khe dukhu riyaba ning sagang ha lonyaba grao khe hamya khlaiyaba subung duha meser hi bo sainthi du thihi malai ang khe thiyaba khe se ning ang khna ba.

²⁴Ode ani khlai hi Madai khe bonsi bakhan khlai kha.