Read Dimasa EPHESI 2 Bible Online

EPHESI 2 - Dimasa bible

EPHESI 2

¹Nisi bo nisi ni gajai ode phap ni khlai hi githi jahi dongba ha, bo nisi khe mathang ba.

²Bo bubli ha sagang ha, ebo habsao ni dara lai nisi dong ba, bar ni hukhum bubra, duha lonyayaba basathu ni basao ha khusi dang hi ning dongyaba bese ni dara ha lai.

³Bo lonyayaba basathu ni bising ha, jingbo sagang ha saomang jang khah nangjaoma ha dang hi, jini saomang ni mijingma buthu lai thamsi ni basa ha jing hajaiyaba se.

⁴Thikhabo, Madai de khasaoma bangba ni, bo jing khe hamsi ning khasao bani khlai hi,

⁵jini gajai ni khlai hi jing thima ja lakha bo, Krista jang baosi bo jing khe mathang kha, Madai ni khasaoma ha nisi sogojao kha.

⁶Krista Jisu ha bo jang baosi jing khe baija rihi, sorgo thani buthu habo jarni ha ning jing khe kham ri kha.

⁷Odebani, bubli sophai ginyaba buthu ha Krista Jisu ha de jini basao ha khah gasain jang, boni khasaoma bangthai khe thiso phuya si bo nisi ne phnu nang.

⁸Lonma ni khlai hi khasaoma ha nisi sogo jaoyaba se, ebobo nisi ni phrang baigoyaba niya, Madai riyaba se.

⁹Khusi dang bani niya, ode niya khade, jar khe jar sangga ma se.

¹⁰Hamba khusi dang mani khlai hi Jisu Krista ha ning slam hi dong, jing boni yao ni phrang ning baigoyaba se, bo hamba khusi khe danghi jing dong mani khlai hi Madai ning sagang ha salai da kha.

¹¹Nisi Jentailsa jahi hajaiyarao, nisi khe Judarao bujuh rasoyayarao thi hi, jar khe bujuh rasoyarao thi du, ebo de subung jarni saomang ha khlaiyaba se, mnang ha nisi sumjadi jaba nisi baophin lah.

¹²Bo bubli ha, Krista khe mithiya hi, Krista jadi jang gibin nisi dong ba, odehe Madai grao hanggaiyaba grao ni baji ha nisi dong ba, ode ebo habsao ha, musi asa maiya hi, Madai khebo maiya hi dong ba khe nisi wainso song lah.

¹³Thikhabo, duha de nisi boni sagang ha gajain dongyarao bo Krista thijao ni dara jang Krista Jisu ha gabasi ja kha.

¹⁴Bo jini milima se. Bo jarni saomang jang ning Judarao jang Jentailrao khe saomang masi slam hi, gejer ni badim khe bo sbai kha.

¹⁵Bo de miliyayaba (dara disa ni jinis buthu ha grao riyaba Dara dongyaba khe) boni saomang ha sjam hi, boni ha ning magin jayaba buthu khe gadain subung saomang masi slam hi, milima slamphu mane khlai hi, ode

¹⁶kross ni khlai hi saomang masi ha magin jayaba buthu khe Madai jang mili riphu mani khlai hi: bo kross ning miliyayaba khe sjam kha.

¹⁷Bo phai hi nisi gajain dongyarao ode gabasi dongyarao nihabo mili mani hamba graojma khe khna ri ba.

¹⁸Boni khlai hi Bese masi jahi, Bupha niha hap phuyaba khe maipha lai kha.

¹⁹Odebani, duha de naorai jahi nohma thaoyaba nisi niya kha, subung gatharrao jang baosi ja kha, ode Madai ni nokhorrao se nisi ja ba.

²⁰Jisu Krista ning nogrong ni longthai nangdaothao jahi, haijaoyasarao ode gorasalirao longthai gaiyaba ni basao ha dangyaba nisi ja kha.

²¹Krista ha longthai gibin gibin renyaba buthu mili dada jomsi ja hi, Gabra ha bikhoh gathar ja pha lang re.

²²Nisibo boni ha ning Bese ha Madai dong mani ren hi nisi bojom khlaijaoyaba se.