Read Dimasa EPHESI 5 Bible Online

EPHESI 5 - Dimasa bible

EPHESI 5

¹Madai ni basa hamdao thaoyarao lai, boni dongthai layarao ja lah.

²Krista nisi khe hamjao bani, bahai midim mani Madai niha jinis yaopha hi bandai ha jini baslai ha bo jar khe riba lai, hamjaoma ha dong lah.

³Subung gatharrao lai jahi, gaori ode, gathar niyayaba khrip, harbaoma jang nisi ni bising ha bumu bo da la thing;

⁴grao gusu ja thing, grao haglai ja thing, terkhu bo ja thing, ebo buthu de majangya; oleiyaba grao khe thiba thane khajama ni grao khe thi lah.

⁵Khah nangbaiyaba ode subung gusu ar subung harbaoyaba de, (subung harbaoyaba de saokhuli khe khlimyaba se) Krista jang Madai ni raji ha bonsi ni musibo phantha giri thihi hamsisi tharmai la du.

⁶Saosi bo grao haglai biglai jang nisi khe da thokhi thing; bo jinis ni khlai hi Madai ni thamsi lonyayaba basathu ni basao ha sophai ma se.

⁷Odebani, oleiyaba subung jang baosi da yaowai phai lai lah.

⁸Sagang ha nisi andar se, thikhabo duha de Gabra niha nisi jnaphai kha, jnayaba ni basathu lai dong lah.

⁹Jnayaba ni bathai de hamba ode dormo ar khrip grao gibi ha nu du.

¹⁰Gabra ni khajathai la snadi thihi jar khe naipha lang lah.

¹¹Andar ha khusi dangyaba, bathai thaiyayaba buthu, musi ha nangyayaba ha gababa thane boni gajai khe tharmai ri lah;

¹²(bede thikhade, bonsi andar ha khusi dangyaba buthu khe thi mane bo lasisiyaba grao se).

¹³Khrip jadi jinis gajai khe nisi tharmai riyaba de jnama khe phnu riyaba se,

¹⁴nujao hi dongyaba si de jnama se, odebani, Ning thuyaba, smao lah, githi ni bising ni phrang baija lah, odese, Krista ni jnama nini basao ha jnaphai ma, ode bo thi du.

¹⁵Odebani, subung buddi giriyarao lai dongya hi, subung buddi gnangrao lai dong dada, nisi ni dongthai ha girik lah.

¹⁶Basain buthu hamya kha bani, hajora buthu khe baraipha lang lah (hajora buthu de gabang muilo gnang se).

¹⁷Odebani, gibir da ja, Gabra ni nangjaothai khe ragao sisi tharmai ma bao lah.

¹⁸Ju baola jahi da dong, ebo hade dongso se ja ba; bese ha gablai hi se dong lah.

¹⁹Bakhan ni rajabthai buthu, Madai ni rajabthai buthu, ode bese gede ni rajabthai buthu ha sainlai hi, khrip khah jang muh jang Madai niha rajab hi khurang majangma ha mili ri lah.

²⁰Jini Gabra Jisu Krista ni bumu jang, asaba bubli habo, khrip jadi ha, Bupha Madai niha khajama ni grao thihi ning dong lah.

²¹Krista khe khin hi saosi jang saosi ni hukhum ha hap lai lah.

²²Bihih jayarao, Gabra ni hukhum ha nisi hapba la, nisi jar jarni basai ni bakhla ha hap lah.

²³Krista de boni saomang longjom ni sogoyahba jahi, longjom ni bokhro jaba lai ning, miyahsa de bihih ni bokhro se.

²⁴Longjom Krista ni hukhum ha hap ba lai ning, bihih jayarao bo jar jarni basaithu ni hukhum ha hap ma nang du.

²⁵Basairao, nisi ni bihihthu khe hamjao lah. Krista longjom khe bede hamjao hi, bonthane jar khe jar rilaba lai ning;

²⁶Longjom khe grao yaowai hi dih ha susa dada bonsi gathar japhu mani khlai hi,

²⁷moryaba giri hi, ragao sisi jahi, mainthi giri hi, gathar jahi ode, mukhang lolo jna hi, jarni ha longjom khe muima ha bonsi yaopha phu mani khlai hi bo ri ba.

²⁸Olei jasosi ning, basairaobo jarni saomang lai jarni bihihthu khe hamjaoma nang du. Sere jarni bihih khe hamjaoyaba de jar khe maya nang ba se.

²⁹Saosi bo jarni saomang khe jajaoya jaya, kharang hi, khasao dada, bo naiso la re. Krista ning longjom ni khlai hi bo dangba lai jasosi;

³⁰jing de boni saomang bedep se.

³¹Odebani, miyahsa boni buma bupha khe haiger lang hi, jarni bihih khe remsong nang, ode, bonsi gini de saomang masi ja lang la ma se, thihi sastro thiba lai ning.

³²Ebo grao makhao de gedeba se, ang de Krista jang longjom ni grao buthu khe thi kha thihi ang bao du.

³³Asaba bo ja thing, nisi ni bising ha asaba subung bo jar khe hamjaoba lai ning jarni bihih khe maya nang la thing, bihih bo jarni basai khe man khlai la thing.