Read Dimasa PHILIPPI 3 Bible Online

PHILIPPI 3 - Dimasa bible

PHILIPPI 3

¹Daphlungrao, jamthaoba ha de, Gabra ni ha ning khaja lah. Nisi niha ebo grao khe ning ang alang alang reb ba ang dukhu jadaoya, nisi ni khlai hibo dimkhaoyaba se.

²Sisa buthu ni bising ha girik lah, hamya khusi dangyarao ni bising ha girik lah, bujuh rasoyarao ni bising ha girik lah.

³Madai ni Bese jang, Madai biyarao, Krista Jisu ha sanggayarao, saomang ni jinis ha asa dengyayarao se bujuh rasoyarao gibi gibi khlaiyaba de jing se.

⁴Nangjao khade ang bo saomang ni basao ha asa dengphu du thihi nisi mithiya. Asaba subung bo saomang gede ni jinis ha sanggama maiphu du bao khade, ang bo tha bangdao hi maiphu du.

⁵Basain sainjai ha bujuh rasoyaba, Israel greng ni subung, Benjamin sengphong ni subung, Hebrai ni bising ha Hebrai jadi ha hajaiya ba; Dara ni gede ang Pharisai se;

⁶Khah-muh jang dongyaba ni balam ha thima thikhade, longjom khe ang dukhu riyaba se; Dara disa ni balam ha ang thima thikhade, ani musibo gajai giri.

⁷Thikhabo, khrip grao ha ang lab maiyaba khe, Krista ni khlai hi luskan se thihi ang bao la kha.

⁸Ebo buthu khe garhibo, ani Gabra Jisu Krista ni muilo ni balam ha tharmai bani khlai hi, khrip jinis khe ang luskan bao la kha; Krista khe ang maiphu mane ode, boni ha ang dongphu mani khlai hi, boni khlai hi khrip jinis khe ang luskan khlaithar hi, bo buthu khe haglai se ang bao kha.

⁹Odebani, jarni dormo jang se ning niya hi, Krista khe lon bani khlai hi dormo, lonma ha dengyaba khe laha ba.

¹⁰Ang tharmai ma nangjaoyaba ede se, Krista khe tharmaiyaba bo baija phinyaba ode khusi dang phuyaba raothai, boni dukhu ha dukhu khlai phayaba, bo thiyaba ha bo jang baosi japhu mani,

¹¹angbo asaba dara jang githi ni phrang thang hi baija phinyaba lama sosi sohi mani ang asa khlai du.

¹²Ang maiblai kha thi hi dongya, phura maithar kha thi hibo ang baoya, Krista ang khe rem bani balam ha ang bo rem phu nang thihi khai dada ang riksai phalang du.

¹³Daphlungrao, duhabo ang remjao kha baoya. Thikhabo ebo khusi masi khe ang dang re. Yaohon gede jinis dongyaba buthu khe blao hi, sagang gede jinis dongyaba buthu khe blaiya si riksai hi,

¹⁴Krista Jisu ha basao gede Madai longyaba ni yaosandi khe mai mani khlai hi suikhlai dada blaiya si ang thang du.

¹⁵Odebani, jing subung khrao jayarao de, olei khah khe rao rihi, jing donglai nang, ode asaba balam habo nisi baothai gibin jahi dong lakha bo, bo khebo Madai ning nisi khe tharmai ri nang.

¹⁶Asaba bo ja thing, braha sosi jing so kha, bokhe jing phura gibi khlai lai nang.

¹⁷Daphlungrao, nisi khrip mili hi ani dongthai buthu khe slingyaba ja lah; daogari nai mane ang khe nisi mai kha; jini dongthai lai dongyaba khe nisi nai lah.

¹⁸Bonsi ni yaowaithai ni dara ha Krista ni kross ha gabang ning sotru dong thihi sagang ha ning nisi khe alang alang ang thi kha, duha bo mudi galai hi ang nisi khe thi du.

¹⁹Bonsi ni jamthan de norok ha se, bonsi ni Madai de bonsi ni bohoh se, bonsi ni muima de laji nuyaba se; phirthi ni jinis buthu ha ning bonsi ni baothai buthu khe bonsi asa deng re.

²⁰Thikhabo, jini raji de sorgo ha dong, era ni phrang ning sogoyahba Gabra Jisu Krista khe jing jon du.

²¹Khrip jadi jinis boni hukhum bakhla ha dong riphuyaba ning, jini saomang raoyayaba buthu khe bo jarni saomang muima lai dong mani khlai hi, boni raothai jang bo gibin khlai ma se.