Read Dimasa 1 THESSALONIKA 1 Bible Online

1 THESSALONIKA 1 - Dimasa bible

1 THESSALONIKA 1

¹Paul jang Sila ode Timothe de, bupha Madai jang Gabra Jisu Krista ni subung Thessalonika ni longjom niha: Khasaoma jang shanti nisi niha dongpha thing.

²Jing biyaba buthu ha nalaibo nisi ni bumu lahi, nisi khrip ne khlai hi Madai niha khajama ni grao khe jing sainthi re.

³Jini bupha Madai khe lonba ni khlai hi khusi dangyaba, hamjaoma ni khlai hi dukhu khlaiyaba, ode jini Gabra Jisu Krista ha nisi asa rao hi dongyaba buthu khe jing wainso ha du.

⁴Madai khe hamjaoyaba daphlungrao, nisi khe saikhoyaba de Madai se thihi jing tharmai du.

⁵Nisi ne hamba graojma khe jing labu ri khali, grao khe se ning jing nisi ne labu riya, Bese Gathar ni raothai ode hamsi ning lonma ha asa khlai hi se labu ba; nisi ni bising ha jing dongba ha, jing sum bedeyaba subung thi hi nisi tharmai du.

⁶Ode, grao de nisi dukhu jaba ha, Bese Gathar ni khajama jang baosi mani hi, jini Gabra ni dongthai khe slingyaba nisi ja kha.

⁷Odebani, Makedonia raji ode Akaia raji buthu ni lonyarao khrip jang nai hi sling jaoyaba nisi ja kha.

⁸Nisi ni phrang Gabra ni grao gublungyaba khe Makedonia ode Akaia raji buthu ha se ning niya hi, gibin gibin hathan habo nisi ni lonthai khe khna thar lai kha, odebani nisi ni lonthai khe jing thima nangya kha.

⁹Nisi ni bising ha lamjaoma jing maiyaba grao ode, Madai thang hi dongyaba ode Madai gibi gibiyaba ni khusi dang mane, saokhuli buthu khe dangkhlai hi,

¹⁰githi ni bising ni phrang bo mathangyaba ni thamsi sophai ginyaba ni phrang jing khe sogoyahba, boni basa Jisu khe, sorgo ni phrang phaiginyaba jon ba Madai ni gede nisi asa dengyaba khe bonsi jar ning thiphlung thar ba se.