Read Dimasa 1 THESSALONIKA 3 Bible Online

1 THESSALONIKA 3 - Dimasa bible

1 THESSALONIKA 3

¹Odebani, jing dukhu suiphuya kha ba jang jing khe se ning Atheni nogor ha dongma ni khlai hi jing grao saso lai kha.

²Odebani se, jini daphlung Timothe, Krista ni hamba graojma khusi, Madai ni khusi jing dangpha laiyaba khe, lonma ha nisi khe rao ri mane ode nisi khe sibring mane jing haiha ba se.

³Elei dukhu riba ni khlai hi, saosibo nisi maoya hi dong mani khlai hi, ebo jinis khe nisi ni basao ha mai mane khlai hi ning nisi khe saikhoba se thi hi nisi ning tharmai la du.

⁴Bede thikhade, nisi jang baosi jing dongba ha, jing dukhu khlaima nang mani grao khe nisi ne jing sagang ha ning sainthi da kha. Nisi khnaba lai jasosi ning, sophai kha.

⁵Odebani, dara jang se jing dukhu suiphuyaba jang, lonma ha nisi ni songthan khe tharmai mani khlai hi se, ang haiha ba, naigrik jang nisi galai hi, jing dukhu khlaiyaba haglai jama se thi hi jing khin bani khlai hi.

⁶Timothe de nisi ni phrang duha jini ha sophai hi, nisi ni lonma ode hamjaoma, ode khajama ni graojma khe labu hi jinthane khna riba. Nisi mani hi jing khe wainsoyaba ode nisi jang jing goron laima nangjaoba lai ning, nisibo jing jang goron laima nangjaoyaba grao buthu khebo jini ha bo sainthi ba.

⁷Odebani se, daphlungrao, jini khah waimu ha ode jini dukhu hadi khrip ha, nisi ni lonma ni khlai hi nisi ni balam ni grao ha shanti jang jing dongba se.

⁸Bede thikhade, duha nisi Gabra jang rao hi dongkha de, nisi thang hi dongba se.

⁹Nisi ni khlai hi jini Madai ni rogong ha khrip khajama maiyarao kham mani khlai hi Madai niha bedehe jing khajama ni grao khe thi ma?

¹⁰Nisi ni mukhang khe nu hi, nisi ni lonma gede baojoyaba buthu khe phura khlaiphu mane khlai hibo sain hor khah muh ri hi jing Madai bi ri du.

¹¹Duha jini Madai ode bupha ning ode jini Gabra Jisu, jini eraha phai mane jing khe sagang gede langsmai thing.

¹²Nisi khe jing hamjaoba lai jasosi ning nisi hamjao phu mani khlai hi ode nisi ni hamjaoma khe Gabra ning nisi khe dedao phalang ri thing.

¹³Odese, jini Gabra Jisu, khrip boni subung gatharrao jang baosi bo phaiba ha, jini Madai ode bupha ni sagang ha, nisi gathar jayaba ni balam ha nisi ni khasu buthu khe gajai giri hi nisi khebo rao ridao ma.