Read Dimasa 2 THESSALONIKA 1 Bible Online

2 THESSALONIKA 1 - Dimasa bible

2 THESSALONIKA 1

¹Paul jang Sila ode Timothe de, jini bupha Madai ar Gabra Jisu Krista ha Thessalonika longjomrao ne:

²bupha Madai ode Gabra Jisu Krista ni phrang khasaoma jang shanti nisi niha dongpha thing.

³Daphlungrao, nisi ni khlai hi Madai niha khajama ni grao khe nalaibo jing thima nang du, ebo khe jing dangma ning nang du. Nisi lonma ha gabang dedao phalang hi, nisi khrip jang maya nang laiyababo gabang bara pha lang du.

⁴Odebani, dukhu rijaoyaba buthu ar gaso suso khlai jaoyaba ha nisi khah lao hi, lonma ha nisi ni raothai ode suiyaba buthu khe, Madai ni longjomrao ni bising ha jing nisi ni khlai hi sangga la re.

⁵Odese, Madai ni raji ni subung japhu mani nisi khe saikho ba, Madai ni bisar de ragao sisi gibiyaba se, bo raji ni khlai hi se nisi dukhu khlai ba.

⁶Madai de gibi gibi se bo khusi dang ba: nisi khe dukhu riyaba dukhu jang ning suphin jao ma se.

⁷Gabra Jisu sorgo ni phrang boni degla ni raothai jang baosi waikhor gejer ha bo nujao phai ba ha, nisi khebo lenggo ri nang, ode jing khrip khebo bo ha lenggo ri ma se.

⁸Bo se Madai khe tharmaiyayarao ode jini Gabra Jisu Krista ni hamba graojma khe manima nangjaoyayarao ni basao habo baslai la ma se.

⁹Bo buthu de Gabra ni sagang ha boni raothai muima gedeba ni phrang, thaoglao jamyaba ni saja ha bonsi dukhu ja ma se.

¹⁰Okhali ni basain ha ede ja ma, boni subung gatharrao bokhe lonyarao ni phrang muima mai mane phai khali bo saja rijao ma se. Thikhabo, nisi niha jing grao sainthiyaba khe lon bani, lonyarao ni bising ha nisi de lapha jao ma se.

¹¹Odebani, Madai ning nisi khe longba lai nisi dongphu mani khlai hi ar, nisi khrip ham ma nangjaoyaba ode lon bani nisi khusi dangyaba buthu khe, boni bol jang nisi khe phura gibi japhu mani thaoyasi nisi ne jing Madai bi ri du.

¹²Odese, jini Madai ar Gabra Jisu Krista khasaoba lai ning jini Gabra Jisu Krista ni bumu nisi niha bakhan ja hi dong nang, nisibo boni ha ning bakhan ja hi dong ma se.