Read Dimasa 2 THESSALONIKA 2 Bible Online

2 THESSALONIKA 2 - Dimasa bible

2 THESSALONIKA 2

¹Daphlungrao, duha jini Gabra Jisu Krista phaiphin mani ode boni ha jing bojom khlaijao hi jing dong mani balam hade,

²Gabra ni basain sophai kha thi dada bese jang sainthiyaba ja thing, grao thiba ja thing, na laijma ni gede thikhabo ja thing, nisi ni khah ha srap maoya mani ode khin dada grao joba lai jaya mani khlai hi jing nisi khe khainsu du.

³Saosi jangbo asaba ni balam habo nisi da thokhi jao thing; bede thikhade galaiyaba sophai da hi, Dara sbaiyaba, Jamyaba ni Basa nujao phaiya side bo basain de sophai nang niya.

⁴Bode jar khe khrip tha dedaothao thi la ma, odehe Madai ni phrang baigoyaba khrip jinis khebo bo jajaoya ja ma, ode Madai ni bikhoh habo kham hi, jar khe jar Madai thi la ma se.

⁵Ebo grao khe nisi niha ang dongba ha ang nisi khe thiyaba grao khe nisi blao kha na?

⁶Bo jar ni bubli ha nujao phaiphu mani khlai hi snadi gibin thi hi duha nisi tharmai kha.

⁷Dara sbaiyaba grao makhao de duhabo khusi dangsai hi ning dong; thikhabo duha mathaoyaba khe disaiya side bo nujao phai nang niya.

⁸Bokhe disai kha ning Dara sbaiyaba de nujao phai nang. Ode, Gabra Jisu jar ni hang jang bokhe sthai nang, bo nujao phaiyaba muima khebo sjam ma se.

⁹Dara sbaiyaba de boha soithan khusi dang ba lai dang hi boni raothai khrip jang baosi bo phai nang, ode sin jang gmang thaosiyaba mosol khusi dangma se.

¹⁰Ode, boha jam didih ja hi dongyarao de thokhima hamya jadao thaoyaba jang bonsi thokhi jaoma se, bede thikhade sogo jao hi dongphu mani grao gibi khe bonsi manima nangjaoya.

¹¹Odebani, mosol khe bonsi lonphu mani khlai hi, phap bao gajai ni jathai khe hamsi ning Madai haiha hi,

¹²gibi grao khe lonya hi gibi niyayaba khe khah jayarao khripbo bonsi gajai ha galai mani khlai hi jajaoya ja ma.

¹³Gabra nangjaoyaba daphlungrao, Bese Gathar khlaiyaba ha ode grao gibi lonma ni khlai hi sogoma mai mane bathai thai dayarao jama ni, Madai jang nisi saikho jao bani, Madai niha nalaibo nisi ne khajama ni grao sainthi ma ning nang du.

¹⁴Olei ne khlai hi se, jini Gabra Jisu Krista ni muima mai mane khlai hi, jini hamba graojma thiyaba khe yaowai hi bo nisi khe long ba.

¹⁵Odebani, daphlungrao, raothe the song hi dong lah, grao huikhao hi dengyaba khe khuh jang ja thing, laijma jang ja thing, nisi ne jing slingriyaba khe mani lah.

¹⁶Odese, jini Gabra Jisu Krista jar ning ode jini bupha Madai, bo jing khe hamjao ma ode khasao mani balam jang thaoglao shanti ni hamba asa riyaba jang,

¹⁷nisi ni khah buthu ha shanti ri la hi, nisi khrip jadi hamba khusi dang hi jadi jadi hamba grao thi hi nisi ni khah buthu khe rao ri la thing.