Read Dimasa 1 TIMOTHE 2 Bible Online

1 TIMOTHE 2 - Dimasa bible

1 TIMOTHE 2

¹Odebani, bo sagangthao ha, Madai bi hi sainyaba ja thing, Madai biba ha ja thing, Madai bi riyaba ha ja thing, ode khajama ni grao thiyaba ha ja thing, khrip subung ne yaopha mani khlai hi nisi khe ang khainsu du.

²Rajarao ode hukhum gnangrao khrip nebo Madai bi lah, asaba balam ha Madai khe mani hi, man jang dong dada, mili mani shanti jang jing yaowai hi dongphu mani khlai hi.

³Ebo khe se jini sogoyah Madai ni muh habo hamba ar khajabo khaja ba.

⁴Bode, khrip subungbo sogojao hi dong mani ode grao gibi khe mithi mane khlai hi nangjao du.

⁵Bede thikhade, Madai saosi se ning dong ba, Madai jang subung ni gejer ha graodiyahsa bo saosi se ning dong ba, bode Marsi Krista Jisu ning ja kha.

⁶Bo ning khrip subung khe kho mani khlai hi jar khe yaopha hi, ode boni sakhi khe bo bubli ha ning ri langba se.

⁷Ebo khusi khe dang mani khlai hi, grao sainthiyaba ode haijaoyasa ne ang saikho jao hi (grao gibi khe ang thi kha, grao mosol khe ang thiya), lonma jang gibi ha Jentailrao khe slingri manebo ang khe saikho jao kha.

⁸Odebani se, khrip hathan ni miyahrao ni yao gathar buthu khe sugu hi, thamsi jang nam khormu buthu giri hi bi mane ang nangjao du.

⁹Olei jasosi ning masainjikraobo majang sisi gainsari jang sal khlai thing, lele phale khnai sab hi ja thing, gajao jang sal khlai hi ja thing, niyakha la guphu luphayaba jang sal khlaiyaba ja thing, gainsari dam bangyaba ja thing, sal khlaima niya.

¹⁰Madai khe maniyaba masainjikrao dangma ning nang du, olei ning khusi hamba dangyaba jang gainsari khe sal khlai la thing.

¹¹Masainjikrao de khrip jadi ha phirik phirik gonggalai hi sling la thing.

¹²Masainjik ja hi malai khe slingriyaba ode miyahrao ni basao ha hukhum yaowaiba khe ang nangjaoya; phirik phirik dong la thing.

¹³Adam khe sagangthao subung slam jen ba, boni yaohon ha se Evi khe slam ba.

¹⁴Boha, Adam de thokhijaoya, masainjik se thokhijao hi gajai khlaiyaba ja kha.

¹⁵Thikhabo, lonma ha ja thing, hamjaoma ha ja thing, gathar jayaba ha ja thing, bo dongsong khade, nana mai bani dara jangbo sogo jao ma se.