Read Dimasa 1 TIMOTHE 5 Bible Online

1 TIMOTHE 5 - Dimasa bible

1 TIMOTHE 5

¹Miyah radaoyarao khe da jo bai, jar ni bupha lai mani lah, ansarao khede buphlungthu lai nai lah,

²masainjik radaoyarao khede buma lai nai lah, matlarao khede gathar jadao thaoyaba jang bahandaothu lai nai lah.

³Banjik gibi gibiyarao khe man khlai lah.

⁴Thikhabo, asaba banjik ni basa ja thing, busuthai ja thing boni ha dongkha de, sagang ha jar ni nokhor ni bising ha Madai khe mani mani dara ode bonsi khe naiso nuso khlaiyarao ni basao ha hamthai khe sling da la thing; bokhe se Madai de khaja ba.

⁵Sao jang dongyaba banjik gibiyaba de, boni asa de Madai niha se ning bo asa deng hi, sain hor nalaibo bi dada sain hi bo dong re.

⁶Thikhabo, banjik jar suk ja mani se ning rikha de, bo thang hi dongba habo githi se.

⁷Gajai giri hi bonsi dongphu mani khlai hi, yaowai mani dara ni grao buthu khe hukhum riba lai sainthi lah.

⁸Asaba subungbo, jar ni apnarao, bo gibi jang jar ni nokhor ni subung khe ning kharangma bo nangjaoya khade, lonma ni phrang bo degaoba se, lonyayaba subung thanebo bo hamyadao.

⁹Banjik maithai jang bisatham sosi boni bakhla ni niyayaba subung saosi ni bihih jakha de banjik ha bokhe reb la phu du.

¹⁰Bode hamba khusi dangyaba ni balam ha, malai jang bakhan rijao kha: basathu khe naiso kha, naorai ni basao ha hambi, subung gatharrao ni igah bo su kha, subung dukhisarao khebo juru kha, ode khrip hamba khusi dangyaba ni balam ha khah muh ri kha.

¹¹Thikhabo, banjik ansa jadaoyarao khe de banjik ha bumu da reb; bede thikhade saomang ni libima jang Krista ni phrang dikhaolang hi, basai lama nangjao du.

¹²olei ning, bonsi sagang grao hanggaiyaba khe hamya khlai bani bonsi gajai ja re.

¹³Ode niyakhabo, noh magain hi daobai hi seleyaba khe bonsi sling du; sele jaba se ning niya kho, malai khe siji baiyaba ode daobaiba raoyaba, grao thima niyayaba khe bonsi thi re.

¹⁴Odebani, banjik ansa jadaoyarao de noh japhin hi basai mai dada nokhong si khe naiso la hi, sotrurao musi thima maiya mane ang nangjao du.

¹⁵Duhabo subung gejesi de soithan ni yaohon rikpha lang hi degao lang la kha.

¹⁶Lonyaba haingajik jar ni apnarao banjik khe dengpha khade, bonsi khebo kharangma nang du, longjom de banjik gibi khe se ning bo naiso phu mani khlai hi, longjom ni bubain risi riyaba da ja thing.

¹⁷Longjom ni khrao subung langsmai ba ringyaba, ode grao thiba ar slingri bani gede khah riyarao khe bakhan khlaima nang du.

¹⁸Madai ni laisi ha ede thi du, Musu jla mai naoba ha boni bukhuh khe da khah, thidu, ode khusi dangyaba de tholop bo mai ma nang du.

¹⁹Sakhi riyaba gini ja thing, gatham ja thing, sakhi giri thikhade, longjom ni khrao ni basao ha gajai riyaba grao khe da mani lah.

²⁰Phap khusi dangyaba buthu khe, khrip subung ni sagang ha jo hi bujai lah, gibin khripbo khinma maiphu mani khlai hi.

²¹Madai jang Krista Jisu ode degla saikhoyarao ni sagang ha nisi ne ang grao ri du, ebo slingriyaba grao buthu khe khah khuru hi mani ri hi, ode gibin khlai hi musi khebo khusi da dang lah.

²²Asaba ni basao habo yao dengba khe da gebre, malai ni phap buthu ha phantha da ja lah; jar khe jar gathar khlai hi ning dong lah.

²³Dih khe se ning lingyaba subung da ja si, nini bohoh ne khlai hi, ode jar alang alang bohoh sabani dara jang, grep bidih ni ju khe khaisa khaisa ling lah.

²⁴Subung sereba sereba ni phap buthu de srap nujao du, bonsi thane bonsi ni phap de bisar ha soda du, thikhabo, sereba sereba phap de yaohon ha se nujao phai ba.

²⁵Olei jasosi ning hamba khusi dang hi dongyarao de bonsi ragao sisi nujao re, ragaosi bonsi nujaoyayaba buthubo, hui hi budu galao dongphuya.