Read Dimasa HEBRAIRAO 1 Bible Online

HEBRAIRAO 1 - Dimasa bible

HEBRAIRAO 1

¹Sagang ni jug ha Madai jar ni greng buthu niha khaisa khaisa khlai hi ode khrip jadi ni balam ha gorasalirao ni jahi grao sainthiyaba de,

²ebo basain jamthaoba ha, boni Basa jahi jini ha bo grao thi kha. Bo de khrip somphothi naiso mane khlai hi bokhe saikho kha. Ode bo ning habsao ni jinis buthu khe sangsaiba se.

³Bo de jar ni Madai ni muima jnama jang, boni gibi jang baosi, bo raothai jang khusi dangyaba ni balam ha slamyaba jahi, phap buthu khe bo gathar khlai bani yaohon ha basao gede ha dedaothao jahi yaoda gede bo kham hi kha.

⁴Sorgo ni deglarao thabo bumu hamdao hi somphothi naisoba lai ning bonsi thabo bo dedao lang la kha.

⁵Sorgo ni deglarao ni gejer ha sere niha ebo grao khe bo thi ba? Ning de ani basa se, dini ha ning khe ang mai kha. thiyaba ar, Bonthane khlai hi ang bupha ja nang, Bo bo anthane khlai hi basa jama se.

⁶Basa sagra khe habsao ha bo labuphin hi, Madai thi du, Madai ni khrip deglaraobo Bokhe khlim la thing.

⁷Ode, sorgo ni deglarao ni balam ni grao hade ede bo thi du: Bode jar ni deglarao khe bonsi bar ja ri re, boni dangyasarao khebo wai ha saoba lai bonsi khe ja rire.

⁸Thikhabo, basa ni grao ni balam hade edehe bo thi du; O Madai, nini raji de jug jug dong ma se, Gibiyaba raji ni godabo, nini raji ni sason goda se.

⁹Dormo khe ning hamjao re dormo niyayaba khebo hamjaoya re; Odebani, Madai, nini Madai de Nini lugurao thabo, ning khe khajama ni thao hudao du.

¹⁰Ebo khebo bo thi ba, Hoi Gabra, jenba ha phirthi khe ning slam ba, sorgobo nini yao ni phrang baigoyaba se.

¹¹Bo buthu de jam lang nang, thikhabo ning de dongsong ginyaba se. Khrip bo buthu de gainsari lai gajam ja lang la ma,

¹²Rih khe thonba lai ning thon nang, gainsari lai gibin ja lang nang; Thikhabo, ning de nalai lai ning dong la ma se, Nini maithai buthubo jam nang niya.

¹³Sorgo deglarao ni bising ha sere ni ha ede thi ba? Ani yaoda gede kham lah, Nini sotrurao khe nini yapha bakhla ha ang dengya si de.

¹⁴Bonsi khrip khe khusi dangyaba bese buthu, sogolam ni somphothi phantha mai ginyarao ne khlai hi khusi dang mane bonsi haiha jaoyaba niya na?