Read Dimasa HEBRAIRAO 12 Bible Online

HEBRAIRAO 12 - Dimasa bible

HEBRAIRAO 12

¹Odebani, olei sakhi bang hi jimi phung ba lai, jini sersi giding gading hi dongba ha, jing khe dibin sibin khlaiyaba ode jini ha phap dongyaba khe dangkhlai hi, jini sagang gede khai ba badai laiyaba ha, tha, jing khaipha lang nang.

²Jisu, jini lonma slamyaba ode phura phlaiyaba khe nai hi ning donglai nang; bode boni sagang ha khajama deng bani laji khe musi baoya hi kross ha khah laohi dukhu phlai dada Madai ni khamthan ni yaoda gede bo kham hi kha.

³Nisi raoya hi gmang giji jaya mani khlai hi, olei subung phaphirao bo jang bonsi nanglai hi dukhu phlaiyaba khe bao lah.

⁴Phap jang nanglai hi thijao baigo si nisi nanglaiya kho.

⁵Basathu lai sibringyaba ni grao maniyaba khe nisi blao kha; Ani basa, Gabra ni sason grao khe haglai da bao lah; ar bo joba ha ning khah ha jajaoya da ja lah.

⁶Gabra de bo hamjaoyarao khe sason khlai re, Boni basa maniyaba si khe bo su re, thi du.

⁷Sason ni grao se bani khah laoma jang nisi blaiya si dukhu khlai ma nang du. Basathu ni basao ha nisi dangba lai, nisi ni basao ha bo dang du. Bupha basa khe sason khlaiya hi sere dong du?

⁸Khrip ni basa maiyaba sason khlaiyaba grao khe nisi maiya khade bo jar ni basa gibiyaba niya hi basa haglang se ja ma thi hi nisi mithiya.

⁹Bo jing khe sason khlai mani khlai hi subung ni gede buphabo jing mai hi, bonsi khe jing manbo khlai du. Jini hayu ni khlai hi Bese gede ni bupha ni hukhum bakhla ha jing ar hapma nangdao nang niya na somo?

¹⁰Bonsi de jar jar ni bujithai jang khaisa basain ni khlai hi jing khe bonsi sason khlai re, thikhabo bode jini lab ne khlai hi se dong ba. Bede thikhade jingbo boni gathar khe phantha mai ma se.

¹¹Sason ni dukhu bubli hade khajama nujaoya, dukhu nangba se nujao re. Thikhabo, dukhu ni yaohon ha se gong hi dongyarao ne khlai hi de dormo ni hamba bathai mai re.

¹²Odebani, yao galaiyaba khe sugu lah, ode yasgu raoyayaba khe nisi rao ri lah.

¹³Ode, igah khora de jar ni igah greya hi ham hi dong mani, nisi ni igah buthu ni khlai hi lama belengyaba buthu khe slam lah.

¹⁴Khrip subung jang milima ar gathar khe smai hi riksai lah, gathar jaya khade saosibo Gabra khe nu nang niya.

¹⁵Madai ni khasaoma khe saosi bo maiya hi dongya mane ode, gabang subung rege rege khlai phuyaba, ode gaso suso khlaiyaba ni basla ja hi yader suya mani khlai hi girik lah.

¹⁶Sere gaori jabai hi, Esau lai Madai khe baoyayaba subung jaya mani khlai hi girik lah. Bo de makham san si ji hi jar basa sagra jayaba khe phain jiba.

¹⁷Boni yaohon hade hamthai ni don phantha khe maima nangjao hi, mudi galai hi smai la khabo, khah phin mani hajora maiya kha bani, dangkhlai jaoba thi hi tharmai lah.

¹⁸Nisi sohiyaba hading khede, dopha phuya, wai hur hur jingyaba; jimi gisim jang andar jrim jrim ja hi dimphung hi baryung sipyaba,

¹⁹bibul ni khurang hoh jayaba jang grao thiyaba khurang ni sar khe baigoyaba lai de niya, bo khurang ni sar khnayarao de musibo gibin grao khe bonsi niha thiphinya mani khlai hi bonsi khainsu ba.

²⁰Mih sosibo hading khe dopha khade, longthai jang lemthai ma thi hi grao riyaba khe bonsi dukhu sui phuya kha;

²¹bonsi jinis nuyaba de khinthao thao se bani, Moses sosibo, the the mao ba thi hi bo thi ba.

²²Thikhabo, nisi de Zion hading niha, Madai gathang ni nogor, sorgo ni Jerusalem niha, sorgo ni degla sainso phuyayaba buthu niha,

²³sorgo ha bumu gakhuyaba basa sagra jayaba ni longjom niha, khrip subung ni bisar khlaiyaba bisardar niha, dormo subung phura khlaijao hi dongyarao ni bese buthu niha,

²⁴grao khayaba gadain ni graodiyahsa Jisu niha, thijao saiphrayaba, Abel ni thijao thabo hamdaoyaba grao sainthiyaba niha se nisi sohidao ba.

²⁵Girik lah, grao sainthiyaba khe nisi nangjaoya jajao nang. Phirthi ha bonsi niha grao sainthiyaba khe nangjaoya jayarao ning saja khe lailang phuya kha la, jing bo sorgo ni phrang jinthane grao sainthiyaba khe jing dangkhlai kha la jing braha lailang phu ma!

²⁶Odebani, bo bubli ha boni khurang jang phirthi khe bo smao ba, thikhabo duha bo ebo grao khe hanggai kha, Phin si phirthi khe se ning niya hi, nokhasao khebo ang smaophin ma se, thi du.

²⁷Phin si phin ang smao phin ma se thi dada smao jao hi dongyarao khe slamyaba jinis buthu lai disai hi bonsi dong mani grao ode, smao phuyayaba buthu khe se ning dongsong mani grao khe bo thi ba.

²⁸Odelei ning jing ebo raji smao phuyayaba khe mai kha bani, khaja hi jing dong lai nang, man jang bokhe khin hi, boni khajama jang Madai ni khusi khe jing dang lai nang;

²⁹bede thikhade, jini Madai de sao khripyaba wai se.