Read Dimasa HEBRAIRAO 13 Bible Online

HEBRAIRAO 13 - Dimasa bible

HEBRAIRAO 13

¹Daphlung jang nisi hamjao lai hi ning dong lah.

²Naorairao ni basao ha hamba phnu ma khe da blao lah. Olei dang hi sereba de mithiya hi sorgo ni deglarao khe noh mathao ri kha.

³Phatho ha dongyarao khe bonsi jang baosi nisi phatho dong phaba bao lah; dukhu rijao hi dongyaraobo, saomang ha jar dukhu jaba lai ning bao lah.

⁴Disingyaba khe khrip subung bakhan khlai thing, sisaigin ni thuyambo gusu khlaiya hi ragao ri la thing; khah nangyaba phap khusi dangyarao ode gaori jayarao khe Madai ning bonsi ni balam ha bisar khlai ma se.

⁵Rang harbaoyaba ni phrang degao lah, nisi jar jar niha jinis dongyaba ha ning khah khusi ja lah. Bo jar ning, Nisi khe asaba khalibo ang haiger nang niya, nisi khe dangkhlai hibo ang thang nang niya, thi hi bo thi du.

⁶Odebani jing de khitha raoma jang thi du: Gabra de ang khe juruyaba se Ang khin nang niya. Subung la ang khe snadi khlai phu ma?

⁷Nisi ni hojarao, Madai ni grao nisi ne sainthiyaba buthu khe wainso song hi, bonsi ni dongthai ha bathai thaiyaba buthu khe bao dada, bonsi ni lonthai khe nai hi sling lah.

⁸Jisu Krista de miya habo, dini habo, thaoglao habo nalai lai ning masi se.

⁹Slingrithai gibin gibin ode gmang thaosisiyaba buthu khe langla jao hi da dong lah. Khah khe khasaoma ha rao riba de hamba se, ji mani buthu ha rao riya hi, ji mani waimu nangyarao de khah jang muh jang mai nang niya.

¹⁰Jini hade eleiyaba khapra dong, oraha de thambu ha khusi dangyarao jang bonsi jipha thaoya.

¹¹Jonthai dedao thaoyaba phap ni bandai ne hathan gathar jadao thaoyaba, mih ni thijao lang hi hapsingyaba ni manggathi buthu khe nolei bakhla ha bonsi sao re.

¹²Odebani Jisu bo jar ni thijao jang ning subung buthu khe gathar khlaiphu mani khlai hi, nogor ni khorong daoglap baji ha bo dukhu khlai kha.

¹³Odebani, bokhe bonsi naijiyayaba khe lang hi, nolei ni baji gede jing thang la nang.

¹⁴Ebo nolei hade maithai jang dong mani, jini musi giri; nolei dong phaiginyaba khe jing jon nang.

¹⁵Odebani boni balam jang bakhan ni bandai khe Madai niha jing yaopha lai nang, bode boni bumu jang gabayaba bathai se.

¹⁶Hamba khusi dangyaba ode saosi jang saosi juruma da blao lah; oleiyaba bandai buthu khe Madai khaja ri du.

¹⁷Nisi ni hojarao ni grao khe mani lah, bonsi ni grao ni bakhla ha hap lah; nisi ni hayu buthu khe naisoyaba bonsi se; bonsi se Madai niha nisi ni graojma khe sainthi ma. Bonsi ni khusi khe khah waimu jang dangya hi, khaja dada bonsi khusi dangphu mani khlai hi bonsi ni grao khe mani lah. Khah waimu jang dang khade musibo nisi ne khlai hi lab ja nang niya.

¹⁸Anthane khlai hi bi ri lah, khrip jinis ha man jang jing dangma nangjao bani, hamba hamya tharmaiyaba gathar jini ha dong thi hi jing ragao sisi tharmai du.

¹⁹Nisi niha Madai ning srap ang khe haiphin ha mani khlai hi, anthane bi ri mani nisi khe ang ar khainsudao du.

²⁰Duha santi ni Madai, subung githi ni bising ni phrang jini Gabra Jisu phin khaikho hi lang smaiyaba, thaoglao grao khayaba thijao ni khlai hi melma bubra dedao thaoyaba de,

²¹boni muh ha boni khusi nisi ni gede dong hi, bo nangjaoba lai dang mani khrip hamba khusi jang Jisu Krista ni khlai hi nisi khe phura ja ri thing. Bo Jisu Krista niha ning thaoglao jang muima dong thing. Amen.

²²Daphlungrao, nisi khe jing sibringyaba grao khe nisi khna mane ang nisi khe khainsu du, nisi niha ang gijisa se ning ang reb ba.

²³Jini buphlung Timothe khe haiger kha thi hi nisi tharmai mane ang nangjao du; bo bubli ha bo phaisram kha de, nisi jang goron laima ni ang labu pha nang.

²⁴Khrip nisi ni hojarao jang subung gatharrao khripbo angkhe khlim ri la ha. Itali raji ni phrang phaiyarao nisi khe khlim ha du.

²⁵Nisi khrip ni basao ha khasaoma dong thing. Amen.