Read Dimasa HEBRAIRAO 4 Bible Online

HEBRAIRAO 4 - Dimasa bible

HEBRAIRAO 4

¹Odebani bo lenggoyaba ha hap phuyaba ni grao hanggaiyaba dong bani bising ha ning girikma jang jing dong lai nang, ode niyakhade nisi ni bising ha asaba habo lenggoyaba ha sophuyayaba lai nisi thaojao nang.

²Hamba graojma de bonsi niha so ba lai jasosi ning jini habo sophai ba se; thikhabo, grao khnayaba hamba grao buthu ode lonma ha bonsi maniya bani, bonsi grao khnayaba de bonsi ni khlai hi lab jaya.

³Jing bokhe lonyarao ni khlai hi de, bo lenggoyayaba ha jing hap du; bo ode thidu, Ang thamsi jang smai dangba lai ning, Ani lenggoyaba ha bonsi hap nang niya! Habsao sangsai jenyaba khusi buthu khe bo dang blai khabo, ebo grao khe bo nalaibo thi du.

⁴Bede thikhala, brabai hade basain sain sni grao ni balam ha bo elei thi du, Bo basain sain sni basain hade Madaibo khusi dangyaba khrip habo lenggo kha.

⁵Ebo hathan hade: Ang lenggoyaba ha hap phu nang niya, ode bo thiphin ba.

⁶Sereba sereba de bo lenggoyaba ha hap mani grao dong bani, ode sagang ha hamba graojma maiyarao de maniya bani khlai hi bonsi hap phuya kha bani,

⁷Budu glao ni yaohon ha, David sainthima ri hi, Dini ha thi hi bislei bo basain bo saikho phin ba: Dini ha boni khurang khe nisi khna khade Nisi ni khah buthu khe da rao ri lah, thi hi bo sainthi ba lai.

⁸Joshua bo lenggoyaba ha subung buthu khe labu khade, boni nolei bijing ha Madai de lenggoyaba gibin basain ni grao khe bo thi nang niya mu.

⁹Bede thikhala, Madai ni subung buthu ne khlai hi, Madai jar ni khusi ni phrang lenggo ba lai, lenggo basain ha lenggo ma nang du.

¹⁰Sere Madai ni lenggoyaba ha hap du, Madai ning jar khusi dangyaba buthu ha bo lenggoba lai bobo jar khusi dangyaba ni phrang lenggo du.

¹¹Odebani, grao maniya bani bonsi galaiba lai, saosibo jing galaiya mani khlai hi bo lenggoyaba ha hap mane blaiba lai lai jing ripha lai nang.

¹²Madai ni grao de gathang se bani, khusi bo dangphu du. Seng bu daothaoyaba thanebo bode budaoyaba se, ode hayu jang bese masi jayaba ode begreng raoyaba gibin gibin khlai hi masi jayaba khe bo berkhao thar ri phu du, ode khah bising ha baothai gibin gibin buthu khebo bo hamsisi mithi phu du.

¹³Jinis sangsaiyaba boni muh ha nujaoyayaba musibo giri. Jini graojma soginyaba ni muh hade jamthar si langtha ode khuru hi ning dong.

¹⁴Odebani, sorgo jahi lailangyaba Jonthai dedaothao, muima jadao thaoyaba Jisu, Madai ni basa khe, jing mai kha bani, lonyaba grao buthu khe bol jang jing remsong lai nang.

¹⁵Jing raoyayaba buthu ha jing jang baosi dukhu khlai phuyayaba Jonthai gedeba khe jing maiba niya, jing lai ning khrip jadi ni naigrik bo goron kha, thikhabo phap khusi dangyayaba khe se jing mai ba.

¹⁶Odebani, jing khasao jaomani ode bubli ha jing jurujaoma nangba ha juru jao mani khlai hi khasaoma ni Raja ni khamthan gede khitha rao hi jing sampha lai nang.