Read Dimasa HEBRAIRAO 6 Bible Online

HEBRAIRAO 6 - Dimasa bible

HEBRAIRAO 6

¹Odebani, Krista ni balam ha slingriyaba grao jenyaba buthu khe haiger hi khrao ni gede jing thanglai nang; grao jenyaba ha asa dengyaba, khah phinyaba grao ja thing, Madai ni gede lonma ni grao ja thing,

²baptisma ni grao buthu ja thing, subung githi thang phinyaba ni grao ja thing, yao dengyaba ni grao ja thing, ode thaoglao bisar ni grao khe gaiphinya hi,

³Madai nangjao kha de, bokhe ning jing dang ma se.

⁴Bede thikhade, phin si khah ha jnama khe mai hi, sorgo gede ni jinis jiyaba khe mai hi, Bese Gathar khebo mai kha.

⁵Ode, Madai ni hamba grao jang bubli sophai ginyaba ni raothai buthu khe bo mai blai kha.

⁶Ode jangbo galaiyarao de, bonsi khah phin mani phin gadain japhin ba du bi. Bede thikhade bonsi Madai ni basa khe jar ne khlai hi kross ha phin riphin hi jnama ha bonsi laji phnu phin du.

⁷Bede thikhade, bo phirthi ha hadi hayaba khe alang alang mai hi, boni bubra ne khlai hi sam lai bonlai gaiyaba de, bo Madai ni hamthai mai du.

⁸Sam busuh gnang buthu khe ode sam borma se jakha de, dangkhlai jao hi, sot rijao re, ode jamthaoba hade wai goron re.

⁹Hoi, ham daothaoyaba daphlungrao, olei jing thi la khabo, nisi niha de ham daoyaba buthu sogoma ha dongyaba jinis buthu khe dang nang thi hi jing lon du.

¹⁰Nisi khusi dang du, duha sosibo nisi dangsai du, boni bumu ni khlai hi hamjaoma nisi phnu riyaba ode, subung gatharrao ni khusi buthu nisi dang riyaba khe blao mani khlai hi Madai de subung dormo niyayaba niya.

¹¹Nisi ni asa khe gibi gibi nu mani khlai hi nisi ni bising ha khrip jadibo, jamthaoba sosi nalai khah muh riyaba khe nisi ri hi ning dong mani khlai hi nisi khe ang hamsi ning nangjao du.

¹²Odebani, nisi sele jaya hi, lonma ha khah lai phalang hi Madai grao hanggaiyaba buthu khe don ni phantha maiyarao ni daogari naijaoyarao nisi ja ma.

¹³Abraham niha Madai grao hanggai khali, jar thane dedaoyaba bumu lama ni boni ha saosibo giri bani, bo jar ning smai dang hi thi ba,

¹⁴Asaba dara jang ninthane ang hamthai ri nang, ode nini greng buthu khe gabang ang yer ri nang, thi hi thi ba.

¹⁵Odebani, Abraham de dukhu khah lao dada jon hi Madai jinis hanggaiyaba khe bo mai kha.

¹⁶Subung buthubo jar thane dedaoyaba ni bumu lahi bonsi smai dang re, bonsi khrip jadi grao bangalaiyaba habo, rao ri mani khlai hi smai dangyaba grao ha se bonsi grao mathao re.

¹⁷Olei jasosi ning, Madai bo jar grao hanggaiyaba slai phuyathai khe nisi ne phnu ri mani khlai hi grao hanggaiyaba ni don maiyarao niha jar ni bumu lahi phura gibi khlai ba.

¹⁸Bede thikhala, gibin slai phuyayaba ebo jinis magin grao hanggaiyaba ode smai dangyaba ni khlai hi Madai de mosol niya, odebani jingbo, boni ha khaiyarao go mane khlai hi jing sagang gede ni asa khe shanti jang rempha phu du.

¹⁹Bo asa de jini hayu ni ser khungkhai jini ha dongyaba, lonma gnang jang raothe theyaba se. Bo asa de, ridim phungyaba khe lailang hi, hathan gathar jadao thaoyaba ha bo hap kha.

²⁰Oraha se, jinthane khlai hi, jini sagang gede langsmai mane khlai hi, Jisu hapsing kha; ode Melkisedek Jonthaima jahi dongyaba ni bumu ha thaoglao ni Jonthai dedaothao bo ja kha.