Read Dimasa JAKOB 3 Bible Online

JAKOB 3 - Dimasa bible

JAKOB 3

¹Ani daphlungrao, nisi ni bising ha subung gabang slingriyasa da ja, slingriyarao de gibin subung buthu thane gejebdao hi bisar khlai riyaba jama nang du thihi nisi tharmai lah.

²Jing khrip bo gabang dang gajaiyaba se. Asaba grao thiba ha gajai khlaiyayaba subung de subung phurayaba se, oleiyaba subung de jar ni saomang khebo naiso la phuyaba subung se.

³Jing grao manijao mani khlai hi gorai ni bukhuh ha ser pha kha ning, boni saomang khebo jing sikding phu du.

⁴Thikhala, rung gedeba buthu khebo nai lah: bo gabang ning de bani bokhe smao mane bar raoyaba sipma nang du; thikhabo, bokhe soleiyaba de bo soleiyaba baitha basasayaba khe yaowai hi bo nangjao ba lai lang phu du.

⁵Olei jasosi ning, slaibo ebo saomang ni bedeb basasa ja la khabo, gabang sangga phu du. Waiphri basa jang hagra gedeba khamba khe bao sang.

⁶Ode, slai bo wai lai se. Jini saomang ni bedep gibin gibin buthu ni bising ha hamyayaba habsao lai se, phura saomang khe rege rege khlai hi phura subung ni saomang khe bo saokhrip re, ode slaibo bo sajathan ni wai jang saokhrip re.

⁷Jing subung buthu khrip jadi mih, khrip jadi dao, hah ha sorbaiyaba khrip jadi, ode sagor ha dongyaba khrip jadi hang gnang buthu khe khrang phu du,

⁸thikhabo, slai khede saosi bo mathao phuya. Slai de hamya phirik phirik dongphuya, thihyaba ni bis jang gablai du.

⁹Ebo jang ning jini Gabra jang Bupha khe jing bakhan khlai re, bo jang ning Madai, jar ni saogari lai slamyaba subung buthu khe jing sari re.

¹⁰Bukhuh masi ni phrang bakhan jang sarithaibo baigo du. Ani daphlungrao, olei jama niya.

¹¹Dihmu masi ni phrang dih thaodao thaoyadao baigoya.

¹²Ani daphlungrao, thaikhrao phang ha Oliv bathai thaiya, ar grep biding ha thaikhrao bathaibo thaiya. Olei jasosi ning sem ni dikhor ha sem brabya hi baigo phuya.

¹³Nisi ni bising ha gyan ar bujima gnang sere dong? Bo khusi dangyaba buthu de gyan ni phrang baigoyaba, bo maigru gruyaba ar dangyaba khe dongthai hamba jang phnu la thing.

¹⁴Thikhabo, nisi ni khah buthu ha hingsa khayaba ode, jar khe jajao layaba dengkha de, nisi gyan khe lahi da sangga lah, ode gibi khe mosol da thi lah.

¹⁵Oleiyaba gyan de basao ni gede ni phrang galai phaiyaba niya, habsao jang saomang ni mijingma ode sogo sgain ni phrang baigoyaba se, bo bese niya.

¹⁶Hingsa ode jar khe jajaoyaba ni dongthan hade nam khormu jang hamya khusi dangyaba khrip jadi dong re.

¹⁷Thikhabo, basao gede ni phrang gyan galai phaiyaba de jenba ni phrang bo gathar se, boni yaohon ha milima nangjao du, boni dongthai gasain bi, sain lai thao bi, khasaoma jang hamba bathai gablai hi, naidao naiyadao jaya, bo girikbo giriklaiya.

¹⁸Ode, milima slamyarao de milima ni bumuh gaiyaba de dormo ni bathai thai re.