Read Dimasa 1 PETER 3 Bible Online

1 PETER 3 - Dimasa bible

1 PETER 3

¹Olei jasosi ning nisi bihih rao, jar ni basairao ni grao ni bakhla ha dong lah, odese bonsi ni bising ha Madai ni grao khe bonsi maniya lakha bo, grao thimabo nangya hi, bonsi ni bihihrao ni dongthai jang de ma se,

²jar ning nisi ni dongthai gathar ode man dongyaba buthu khe bonsi nu ma se.

³Nisi sal khlaiyaba de, baji gede sal khlaiyaba, le le pha le khnai sapyaba, gajao ni lik gainyaba, hamba gainsari pha hi, sal khlaiyaba da ja thing,

⁴bo thanebo, nisi sal khlaiyaba de bising gede majangyaba, gasainma ode suima bese ni majangma srup thaoyayaba ja thing. Bode Madai ni muh ha gabang muilo gnang se.

⁵Olei jasosi ning, gada ha masainjik gathar, Madai niha asa dengyarao de, bonsi ni basairao ni grao maniyaba jang bo majang ri re.

⁶Sara de Abraham ni grao khe mani bani, Gabra thihi bo long ba lai ning, nisi hamba khusi danghi musi khebo nisi khinya hi dong khade, nisi Sara ni bisikthu ja ma se.

⁷Nisi basairao, olei jasosi ning, nisi sisaigin jayaba ha nisi ni bihih buthu khe hamsisi bujai lah, baiba laiyaba se bani ode, Madai ni khasaoma jinis riyaba hayu khe baosi phantha mai phayaba se thihi nalaibo wainso hi hamsisi man khlai lah. Odese, nisi biyaba buthu ha musibo dibin sibin jaya ma.

⁸Jamthaoba ha de, nisi khrip jang khah masi jahi, nisi saosi jang saosi maya nang hi, bada buphlung lai hamjao laihi, khasao laihi ode, gasain majang dong lah.

⁹Phap khe phap jang da suphin, odehe sarithai khe sarithai jang suphinya hi, hamthai se ri lah; hamthai mai mani khlai hi se Madai ning nisi khe longba se.

¹⁰Bede thikhade, Madai ni laisi hade, Jar ni hayu khe nangjao hi, hamba basain buthu khe naima nangjaoyaba de, Phap ni phrang jar ni slai khe hamsisi naiso la thing, Boni bukhuh habo thokhiyaba grao joya mani khlai hi naiso la thing.

¹¹Phap khe dangkhlai hi hamba khusi dang la thing, Milima khe smai hi riksai phalang thing.

¹²Gabra ni muthai dormo subung buthu ni basao ha muh galai re, bonsi biyaba gede boni khmao gainsong re, Thikhabo, hamya khusi dangyarao ni basao hade, Gabra ni mukhang khe bonsi naithai re.

¹³Hamba khusi dangyaba gede nisi khah ri kha la, sere nisi khe hamya khlai ma?

¹⁴Bede thikhala, gibi khusi khe dang bani, nisi dukhu jaba thikhade, khophal hambi bao lah. Bonsi khinyaba jinis buthu khe da khin lah, ode khah waimubo da nang lah.

¹⁵Bede thikhade, nisi ni khasu ha Krista khe man khlai hi Raja slam lah. Nisi ni asa ni balam ha sere nisi khe sing du, srap thiphla ri mani khlai hi salai hi ning dong lah.

¹⁶Bede thikhade, maigru gru jahi man jang dong lah. Nisi hamba hamya mithiyaba gathar khe nalaibo khah ha deng hi dong lah. Odese Krista ha nisi ni dongthai hamba khe sijiyarao laji nu thing.

¹⁷Hamya khusi dang bani dukhu ja ba thane, Madai ning olei nangjaoba se thikhade, hamba khusi dang bani dukhu jaba hamdao.

¹⁸Kristabo jing phaphirao ni khlai hi phin si thih hi, Madai niha nisi khe langphu mani, dormo subung dormo niyayaba subung buthu ni khlai hi bo thih ba se. Bo saomang ha sthai jao ba, thikhabo bese hade mathang jaoba se,

¹⁹bo se phatho ha bese dongyarao niha thanghi grao sainthi ba.

²⁰Bo buthu gada ha Noah rung dainba bubli ni bising ha Madai khah laoma jang bo jon khali bonsi lonya, rung ha subung gijisa, jai se ning dih ni phrang sogo jao ba.

²¹Bo lai jayaba baptisma, Jisu Krista baija phin bani khlai hi, duha nisi khe sogo du; baptisma de saomang ha rege rege dongyaba khe susayaba ning niya hi, hamba hamya mithiyaba gathar jang Madai niha grao hanggaiyaba se.

²²Jisu Krista sorgo ha thang la hi, Madai ni yaoda gede bo dong ba, ode sorgo ni deglarao hukhum gnangrao ode raothai buthu khe boni grao bakhla ha ning khrip ja kha.