Read Dimasa 1 JOHN 1 Bible Online

1 JOHN 1 - Dimasa bible

1 JOHN 1

¹Bo jenba ni phrang dongyaba khe, khmao jang jing khna kha, muthai jang jing nu kha, ode khah ri hi jing nai hi yao jang rem kha. Hayu ni balam ni grao khe jing bai du.

²Bo hayu nujaophai kha, ode jing nu kha, sakhibo jing ri du, odebani bupha niha dongyaba thaoglao ni hayu jini ha nujao phaiyaba khe nisi niha jing sainthi phai du.

³Nisi jang baosi jing dongpha lai phu mani khlai hi jing nuyaba jang khnayaba khe nisi ne jing sainthi du; odehe gibi jang jing dongpha laiba de, bupha jang basa Jisu Krista jang se dongpha lai ba.

⁴Jini khajama phura japhu mani khlai hi ebo grao buthu khe jing reb ba se.

⁵Graojma bo ni phrang jing khnayaba khe, nisi ne sainthiyaba de ebo ning ja kha: Madai jnama se, boni hade musibo andar giri.

⁶Andar ha dong hi ning, bo jang baosi jing dongpha lai ba thi khade mosol grao se jing thi ba, grao gibi khe jing maniya.

⁷Bo jnama ha dongba lai, jing bo jnama ha dong khade, jing dongpha lai hi, boni basa Jisu ni thijao jang khrip jini phap khe susa ri du.

⁸Ani ha phap giri, thihi jing thi khade, jar khe jing thokhi laba se, jini ha grao gibi giri.

⁹Jing jar ni phap buthu khe mani la kha de, jini phap buthu khe map khlai mane ode jini khrip dormo niyayaba ni phrang susa mani khlai hi, bode lonjaoma gnang gibiyaba se.

¹⁰Ang phap khusi dangya, thihi jing thikha de, bokhe jing mosol slam ba se, boni graobo jini ha giri.