Read Dimasa 1 JOHN 3 Bible Online

1 JOHN 3 - Dimasa bible

1 JOHN 3

¹Nai lah, Bupha Madai jingkhe bo hamjaoyaba bislei de du, Madai ni basathu jing khe slam kha! Olei ning jing ja kha. Odebani se habsao jing khe tharmaiya, bokhe tharmaiya bani.

²Hamjao daothaoyarao, duha jing Madai ni basathu ja kha; bedehe jing dongma thi hi jing tharmaiya. Bo nujao phaiba ha bo lai ning jing dong ma nangma se thihi mithi du, bokhe boni dongthai ning jing nu ma se.

³Sere boniha asa dengyaba side bo gathar ja ba lai ning bonsi gathar khlai re.

⁴Sere phap khusi dang du, bo dara khe hamya khlai ba se; phap dara khe hamya khlaiyaba se.

⁵Bode phap buthu dangkhlai mani khlai hi se bo nujao phaiba thihi nisi tharmai du, boni hade phap giri.

⁶Sere boni ha ning dong du, bo phap khusi dang phuya. Sere phap khusi dang du, bokhe bo nuya, mithibabo bo mithiya.

⁷Ansarao, saosi khebo da thokhi thing! Bode subung gibi lai ning jahi, gibi khusi dangyaba si de gibi subung se.

⁸Sere phap khusi dang du, bo soithan ni phrang baigoyaba se. Soithan de jenba ni phrang phap khusi dangyaba se. Madai ni basa nujao phaiba ni balambo soithan khusi dangyaba buthu khe sjam mani khlai hi se bo phai ba.

⁹Sere Madai ha hajai du, Madai ni bumu boni ha dong kha bani bo phap khusi khe dangphuya kha; bede thikhade Madai ha bo hajai kha bani phaphi japhuya kha.

¹⁰Madai ni basathu jang soithan ni basathu khe mithi phuyaba de ebo ning ja kha: sere gibi khusi khe dangya, bo Madai ni phrang baigoyaba niya. Jar ni daphlung khe khasaoyayaba de Madai ni phrang baigoyaba niya.

¹¹Bo jenba ni phrang nisi ne grao khna riyaba ebo se: nisi saosi jang saosi hamjao lai lah.

¹²Subung phaphi ni phrang baigoyaba Kaina, jar ni buphlung khe sthaiyaba lai jing ja ma niya. Sumjabani bo khe sthai ba? Bo khusi dangyaba buthu phaphi se, jar ni buphlung khusi dangyaba buthu gibi bani.

¹³Daphlungrao, habsao nisi khe jajaoya ja la khabo, nisi da gmang.

¹⁴Daphlungrao khe hamjao bani jing de thihyaba ni phrang baigo hi, hayu ha hap kha thi hi tharmai kha. Sere niha hamjaoma giri, thihyaba ha ning bo dong kho.

¹⁵Sere jar ni daphlung khe jajaoya jadu bode sthaibaiyaba se. Sere sthaibai du, boni ha thaoglao ni hayu giri thihi nisi tharmai lah.

¹⁶Bo jar ning jinthane hayu riyaba ha ning hamjaoma la snadi thihi jing tharmai kha. Odebani daphlungrao ne khlai hi jini hayu khe jing rima nang du.

¹⁷Sere habsao ha gnang jahi jar ni daphlung musi giriyaba nuhi, bokhe khasaoya thikhade, boni ha Madai ni hamjaoma bede dong phu ma?

¹⁸Ansarao, grao jang se ning ode khuh jang se ning hamjaoba niya hi, gibi grao jang khusi dang hi ja thing.

¹⁹Boha se grao gibi ni phrang jing baigo ba thi hi jing jar khe tharmai la nang, ode boni sagang ha jini khah bo khitha raohi jing dong ma,

²⁰jini khah ha hatho hatho jing khe gajai ja ri la khabo, Madai de jini khah thanebo dedaoyaba se, bode khrip jamthar si tharmai thar du.

²¹Hamjao daothaoyarao, jini khah habo jingkhe gajai ja riya khade Madai ni sagang ha jing khitha raoma mai hi,

²²boni hukhum khe mani dada, bo khajathai khe jing dang bani, boniha jing sainyaba si khe mai ma se.

²³Bo grao riyaba ebo se: boni basa Jisu Krista ni bumu khe jing lon hi, bo jinthane grao riba lai jing jar jang jar nisi hamjao lai lah.

²⁴Bo grao riyaba khe maniyarao boni ha ning dongsong du, bonsi niha ning bobo dongsong ma se. Odehe, eraha ning bo jinthane Bese riyaba dong thi hi jing tharmai du.