Read Dimasa NUJAOYABA 11 Bible Online

NUJAOYABA 11 - Dimasa bible

NUJAOYABA 11

¹Odehe, nol belengyaba, suyaba goda lai bonsi anthane ri hi, ani ha thi ba, Bai ja, Madai ni bikhoh jang khapra khe su hi, boni bising ha Madai biyarao sainso lah,

²bikhoh ni barising ni hakhli gejer khede suya hi garbu lah, Jentailrao ni yao ha ri blai kha, bonsi se nogor gathar khe badain jang bisagin dain gin bising ha gasep ma.

³Odehe, ani grao khe mithi phayaba gini de, grao thida phu mani khlai hi ang raothai ri nang, ode rih miyao duduyaba khe phin hi basain jang rjing jhigin bisatham sosi bonsi grao sainthi ma se, thi hi bo a ne sainthi ba.

⁴Ebo buthu de, Oliv buphang phang gin ar thaophari dengthan boitho magin, phirthi ni Gabra ni sagang ha songyarao se.

⁵Bonsi khe sere dukhu rima bao du, bonsi ni bukhuh ni phrang wai baigo phai hi, bonsi ni sotrurao khebo saokhrip ma se. Sere bonsi khe dukhu rima baoba lai bao du, olei jasosi ning bonsi sthaijao ma se.

⁶Ebo grao buthu khe thi bani bising ha hadi haya mani khlai hi nokhasao khe phrao phuyaba raothai bonsi niha dong, thijao ja rima ni khlai hi dih ni basao habo raothai bonsi niha dong, bo asaba bubli habo nangjaoba lai phirthi ni basao ha yao sugu hi khrip jadi biyaba didao riphuyaba raothaibo bonsi niha dong.

⁷Bonsi grao khe mithipha ri blai ba jang hakhor khithu giriyaba ni phrang mih rege baigo phai hi, bonsi jang nanglai nang, bonsi khe de nang, ode bonsi khe sthai ma se.

⁸Odehe, bonsi ni manggathi buthu nogor gedeba ni daoglap ha galai hi dong nang. Bo nogor bese ni gede hade Sodom jang Egypt bonsi thi du, bonsi ni Gabra ni nogor ning.

⁹Khrip subung, khrip jadi, khrip grao, ode khrip sengphong ni subung buthu, manggathi khe nokha saintham gejer bonsi nai lai nang, mangkhlong ha bonsi phip ri nang niya.

¹⁰Ebo gorasali gini phirthi ha dongyarao ne khlai hi bonsi gabang dukhu riba ni bonsi thiyaba ni basao ha phirthi ha dongyarao khaja nang, khusi jang jinis riyaba buthu khe bonsi saosi jang saosi yaopha lai ma se.

¹¹Bedethikhala, saintham gejer ni yaohon ha Madai ni phrang hayu hang khe bonsi ni bising ha hapsing hi, bonsi jar ni igah jang bonsi songkhu kha, ode bokhe naiyarao hamsi ning khinlai kha.

¹²Odehe, nokhasao ni phrang khurang bol jang bonsi khna ba, Eraha phai lah, ode thiphai ba. Odebani, bonsi ni sotrurao nai hi dongba ha ning, jimi ha bonsi gakhu lang la kha.

¹³Odehe, boha ning banglama hamsi ning rao hi smao phai ba, odehe nogor hathan majhi saikho hi masi khe bo gubu ri ba; ode banglama maoba ha subung rjing sni thi dada, thang hi dongyarao hamsi ning khin hi sorgo ni Madai niha se ning bonsi muima yaopha kha.

¹⁴Bubain risi maginyaba lailang kha. Bubain risi mathamyaba srap sophai ma ja kha.

¹⁵Sorgo ni degla sniyaba jar ni bibul khe dam ba jang, sorgo ha bol jang jirik khaoyarao, Habsao raji ni raji de jini Gabra jang boni Krista Raja ni raji ja lang la kha. Bo se jug jug bisar khlai ma! odehe bonsi thi ba.

¹⁶Odehe, Madai ni sagang ha raja ni khamthan buthu ha khamyaba, khrao khonbri buthu blip pha hi, Madai khe bonsi khlim ba,

¹⁷Dongsaiyaba Gabra Madai khrip dangphuyaba, Nini raothai gedeba khe ning lakha bani, odehe, nini bisar khe jenkha bani nini ha khajama ni grao khe jing yaopha du.

¹⁸Jadi buthubo thamsi baigo kha, odehe, nini thamsibo sophai kha, subung githirao ni basao ha ning bisar khlai khali sophai kha, Nini dangyasa, gorasalirao, subung gatharrao, subung gedeba-khasiba, khrip nini bumu khe man khlaiyarao ne, yaosandi ning rima ni bubli ode, phirthi khe hamya khlaiyarao khe ning hamya khlai mani bubli sophai kha! bonsi odehe thi ba.

¹⁹Odehe, sorgo ni Madai ni bikhoh khe khru hi, bikhoh ni bising ha bo grao phayaba bokhoh khe ang nu kha. Odehe, nokhasao jablai jablai gurjli hi, khurang ni sar buthu baigo phai hi nokhasao grung grung grim hi, banglama smao phai dada, gidithai galai phai ba.