Read Dimasa NUJAOYABA 14 Bible Online

NUJAOYABA 14 - Dimasa bible

NUJAOYABA 14

¹Odehe, ang naiha bade, Zion hading ha ning Melmasa song hi dong. Boni ha subung lakh masi rjing jang bisagin rjing bri, bonsi ni bathain buthu ha boni bumu jang bupha ni bumu reb jaoyarao dong ba.

²Odehe, sorgo ni phrang diyungma raoyaba ni sar lai ode nokhasao grimyaba ni sar lai ang khna ba. Bo sar khnayaba seranda damyarao bonsi seranda buthu khe damyaba ni sar lai se.

³Singhason ni sagang ha ode, jinis hang gnang buthu ni sagang ha ode khraorao ni sagang ha rajabthai gadain khe bonsi rajab ba. Ode phirthi ni phrang khoh jaoyarao, subung lakh masi rjing jang bisagin rjingbri buthu khe garhi saosibo bo rajabthai khe buji phuya.

⁴Bo buthu masainjik jang rege rege dongyaba niya hi gathar ha naiso layaba subung se. Melmasa thangyaba si ha bonsi rikpha du. Bonsi Madai jang Melmasa ne khlai hi bathai thai jenyarao jama ni, subung buthu ni bising ni phrang khojaoyaba se.

⁵Bonsi ni bukhuh hade hamya grao baigoya, bonsi gibin naiya.

⁶Odehe, sorgo ni degla gibin nokhasao ni gejer ha ang nu ba. Bo ning phirthi ha dongyarao khrip sengphong, khrip greng, khrip jadi grao, ode khrip subung niha thaoglao ni hamba graojma boni ha dong.

⁷Bo ning khurang bol jang, Madai khe khin hi, boni ha muima khe yaopha lah, boni bisar ni bubli sophai kha. Phirthi odehe sorgo, sagor odehe dihmuh buthu sangsaiyaba khe khlim lah! odehe bo thi ba.

⁸Sorgo ni degla giniyaba boni yaohon rikpha ba, Bo raoya kha, Babulon nogor gedeba, bo subung khe khah nang baiyaba bai si ni thamsi jang grep bidih ni ju khe khrip jadi ne ling riyaba raoya kha! bo odehe thiphai ba.

⁹Odehe, sorgo ni degla gibin, gathamyaba bonsi ni yaohon rikpha hi, khurang bol jang thi ba, Sere mih rege odehe boni saokhuli khe khlim hi, bonsi ni bathain ha ja thing, yao ha ja thing, sin dongyaba si khe,

¹⁰Madai ni thamsi ni grep bidih ni ju buphangma khe, bo thamsi ni bela ha gablai si bonsi ling nang, ode sorgo ni degla gatharrao jang Melmasa ni sagang ha waithai jang bo sasi hi dukhu rijao ma se.

¹¹Bo buthu saja riyaba waikhudi jug jug lung lung ja hi, mih rege jang boni saokhuli khe khlimyarao ode boni bumu jang sin layarao ni saja jamthaoya kha, thi hi bo jirik khao ba.

¹²Eraha Madai grao riyaba buthu khe mani hi, Jisu khe lonma ha remsongyaba subung gatharrao ne khlai hi dukhu suima nangthai khe phnu du.

¹³Ode, sorgo ni phrang khurang ang khna ba, Edehe reb lah: Duha ni phrang subung githi, Gabra ha thihyarao ni bonsi khophal hambi dou! thi hi bo thiphai ba. Bese de, Jadu dou! Dukhu jang khusi dangyarao lenggoma mai kha, bonsi khusi dangyaba buthu bonsi ni yaohon rikpha ma se, bo odehe thi ba.

¹⁴Odehe, ang naihaba de, jimi guphu khlai hi ang nu ba, jimi basao hade Marsi ni basa lai jasosi, gajao ni Raja khrothu thu hi, sunggi budaoyaba khe di hi kham dada dongba khe ang nu ba.

¹⁵Odehe, bikhoh ni phrang sorgo ni degla gibin saosi baigo lang hi, jimi basao ha khamyaba niha bol jang, Nini sunggi khe khaikho hi, mai ra lah, mai ra mani bubli ja kha, hogo phirthi ni mao rothar kha dou! bo ode thiba

¹⁶Odebani, jimi basao ha khamyaba jar ni sunggi khe khaikho hi, phirthi ni mai khe bo ra kha.

¹⁷Sorgo ni bikhoh ni phrang sorgo ni degla gibinbo baigo bu hi, bobo sunggi budao thaoyaba khe dipha ba.

¹⁸Odehe, sorgo ni degla gibin wai ni basao ha hukhum dongyaba, khapra ni phrang baigo bu hi, sunggi budao thaoyaba khe yaowai hi, “phirthi ni grep bathai ni bajab buthu khe hogo bojom khlai lah; hogo grep bathai buthu min thar kha”, thi ba.

¹⁹Odebani, sorgo ni degla jar ni sunggi khe phirthi ni basao ha bo haiding hi, phirthi ni grep bajab buthu khe bojom khlai hi, grep bathai sepyaba hakhor ha, Madai ni thamsi ni hakhorma ha bo dangsing kha.

²⁰Nogorma ni baji ha grep ni ju sepyaba hakhor ha grep buthu khe bo gasep kha; grep sepyaba hakhor ni phrang gorai ni khuh ha ser phayaba sosi thuba ode mel jang rja tham lai thijao riyen phai kha.