Read Dimasa NUJAOYABA 16 Bible Online

NUJAOYABA 16 - Dimasa bible

NUJAOYABA 16

¹Odehe, bikhoh ni phrang khurang baigo hi, sorgo ni degla sni niha thi ba, Thang dada, Madai ni thamsi masni buthu ni bokhoh khe phirthi ha lukhla lah! odehe bo thiba khe ang khna ba.

²Odebani, sagang thaoyaba degla thang hi bo bokhoh khe phirthi ha lukhla ba, ode mih rege ni sin layarao odehe boni saokhuli khe khlimyarao ni khlai hide, biyadi regeyaba jang bonsi gasa jalang la kha.

³Sorgo ni degla giniyaba boni bokhoh khe sagor ha lukhla kha, odebani, subung githi ni thijao lai dih ja lang la kha, sagor ni hang gnang mih khrip thih thar ba.

⁴Sorgo ni degla gathamyaba boni bokhoh khe dikhong buthu ha ode dihmuh buthu ha lukhla kha, odehe thijao ja thar kha.

⁵Boha dih ni degla thi ba, O ning dangsaiyaba dongblaiyaba subung gathar, ebo buthu ni balam ni grao hamsi ning bisar gibi ja kha dou!

⁶Subung gatharrao jang gorasalirao ni thijao khaikho bani, bonsi ling mani khlai hi ning thijao riyaba khe bonsi lingma ning nang ma se! thi hi thi ba khebo ang khna ba.

⁷Khapra ni phrang khurang baigo hi, Jadu dou, Gabra Madai khrip raothai gnang, nini bisar de gibiyaba ar dormo se! thi hi thiphin phaiba khebo ang khna ba.

⁸Sorgo ni degla briyaba boni bokhoh khe sain ha lukhlai ba, ode sain jang subung buthu khe hang ba.

⁹Odebani, subung buthu sain jang hangthai jao ba, bonsi khah phin hi, boni ha muima yaopha ba thane saja ni basao ha hukhum gnang Madai ni bumu khe se bonsi siji dao ba.

¹⁰Sorgo ni degla bowayaba boni bokhoh khe mih rege ni singhason ni basao ha bo lukhla ba. Odebani boni raji andar jathar ba; subung buthu hamsi ning dungjao kha bani bonsi slai wai ba.

¹¹Bonsi khusi dangyaba buthu hamdao ba thane bonsi ni jayaba buthu ar bonsi ni gasa buthu ni khlai hi sorgo ni Madai khe se bonsi siji dao ba.

¹²Sorgo ni degla dohyaba boni bokhoh khe Euphrates dikhongma ha lukhla ba. Sainja gede ni phrang Rajarao phai mani lama salai mani khlai hi dikhongma ni dih khe bo drit mathao kha.

¹³Odehe, Dragon ni bukhuh ni phrang ar mih rege ni bukhuh ni phrang ar mosol gorasali ni bukhuh ni phrang khaoroma lai jadi jadi bese regeyaba gatham baigo phai ba khebo ang nu ba.

¹⁴Bo buthu de bese sgain, gmang thaosisi dangyarao se. Madai khrip dangphuyaba raothai gnang, muima basain ni jbah ha gaba mani habsao bubim ni Rajarao khe bojom khlai mani bonsi baigo langyarao se.

¹⁵Khna lah, makhao lai ang phai du dou! Smao hi ning dong hi, sal khlai blai hi dongyaba ni khophal hambi, bo rih giri hi laji nang niya!

¹⁶Odehe, Rajarao khe hathan masi ha, Hebrai grao ha Armageddon thiyaba ha, bonsi bojom khlai kha.

¹⁷Odehe sorgo ni degla sniyaba boni bokhoh khe bar ha lukhla ba, ode bikhoh ni singhason ni phrang khurang bol jang baigo phai hi, Blai kha! thi hi thi ba.

¹⁸Odehe, nokhasao jablai jablai gurjli hi khurang baigao phai ba, odehe nokhasao grim hi, banglama hamsi ning rao hi smao ba, odehe phirthi ha subung dong jenba ni phrang olei sosi banglama rao ba giri.

¹⁹Odebani nogor gedeba khe phantha tham phi hi, jadi buthu ni nogor buthu gubu thar kha. Babulon nogor gedeba khe Madai tharmai hi ning bo thamsi jang grep bidih lingyaba ju ni bela ha bonsi ne ling ri kha.

²⁰Hahgojo khrip jamthar kha, hading buthu bo giri kha.

²¹Odehe, nokhasao ni phrang gidithai gede gedebo thai si thai si ha herdan lai risiyaba subung buthu ni basao ha galai ba, bo saja hamsi ning raokha bani gidithai ni khlai hi Madai khe bonsi sari ba.