Read Dimasa NUJAOYABA 7 Bible Online

NUJAOYABA 7 - Dimasa bible

NUJAOYABA 7

¹Eboni yaohon ha, phirthi grongbri ni sorgo degla bri song hi dongba khe ang nu ba, bonsi phirthi basao ha ja thing, sagor basao ha ja thing, bongphang basao ha ja thing, bar sipya mani khlai hi bar mabri khe bonsi remthao ba.

²Gibin sorgo ni degla, Madai gathang sin riyaba khe lang hi sainja gede ni phrang baigo phai ba khebo ang nu ba; ode hakhong jang sagor khe hamya khlai mane bonsi raothai ri hi, sorgo ni degla bri niha khurang bol jang,

³Jini Madai ni khusi dangyasarao khe bonsi ni bathain ha sin riblaiya si de, hakhong, sagor, ar bongphang buthu khebo hamya da khlai, thi hi bo jirikkhao ba.

⁴Bonsi sin riyaba saobisi ja kha thiba khe ang khna ba, Israel greng buthu khrip jadi ni subung lakh masi rjing jang bisagin rjingbri, bonsi olei sin ri kha:

⁵Juda jadi ni phrang rjing jhigin, Reuben jadi ni phrang rjing jhigin,

⁶Aser jadi ni phrang rjing jhigin, Napthali jadi ni phrang rjing jhigin, Manase jadi ni phrang rjing jhigin,

⁷Simeon jadi ni phrang rjing jhigin, Levi jadi ni phrang rjing jhigin, Issakar jadi ni phrang rjing jhigin,

⁸Jebulun jadi ni phrang rjing jhigin, Josef ni jadi ni phrang rjing jhigin, Benjamin jadi ni phrang rjing jhigin sosi sin ri lang kha.

⁹Eboni yaohon ha ang naiha ba de; subung bangba sainso phuya, khrip jadi ni bising ni subung, khrip bumu ni bising ni subung, khrip grao ni subung, gainsari guphu thu hi, saman bedep buthu khe lang hi, singhason ha ar Melmasa ni sagang ha songba khe ang nu ba.

¹⁰Bonsi khurang bol jang, Sogoma de singhason ha khamyaba, jini Madai jang Melmasa ni phrang se ja ba, thihi bonsi jirikkhao ba.

¹¹Boha khrip sorgo ni degla singhason jang khraorao ar hang gnang mih buthu bonsi songding ba. Singhason ni sagang ha ning blip pha hi, Madai khe khlim hi bonsi thi ba,

¹²Amen! suguyaba ja thing, muima ja thing, gyan ja thing, khajama ni grao thiyaba ja thing, raothai ja thing, bol ja thing, jini Madai niha ning thaoglao thaoglao jang dong thing! Amen!

¹³Odehe, khraorao ni bising ha saosi, “Ebo gainsari guphu thuyarao la sere, braha ni phrang phai ba?” thi hi bo ang khe singphai ba.

¹⁴Ang boni ha thi ba, “Gedema, ning ning mithima se thi.” Bo aniha thiphin ba, “Ebo buthu de gabang dukhu ni phrang baigo hi, bonsi ni gainsari buthu ragaosisi susa hi Melmasa ni thijao jang phu rijaoyarao se.

¹⁵Odebani, Madai ni singhason ni sagang ha bonsi dong hi, bikhoh ha ning sain jang hor jang boni khusi dangyaba ja hi, singhason ha khamyaba bonsi ni basao ha jar ni thambu khe dimding ba.

¹⁶Bonsi hukhri nang niya kha, bonsi dih bo gang nang niya kha. Bonsi sain nang nang niya kha, asaba khalibo dungyaba jang dukhu ja nang niya kha;

¹⁷Singhason ni gejer gejer ha dongyaba Melmasa bonsi ni Melma bubra ja lang la nang, bo ning hayu ni dikhor ha langsmai nang, Madai ning bonsi ni muthai ni phrang khrip mudi khe rusa rima se.”