Read Diospa Simin Qelqa GÉNESIS 36 Bible Online

GÉNESIS 36 - Diospa Simin Qelqa bible

GÉNESIS 36

¹Kaykunan Esaupa mirayninkuna, paymi Edom nisqallataq.

²Esauqa casarakurqan Canaán warmikunawanmi: Het runa Elonpa ususin Adawan, Hev runa Zibeonpa churin Anaq ususin Aholibamawan,

³Ismaelpa ususin Basematpiwan, payqa Nebaiotpa pananmi karqan.

⁴Adaqa Esaupaq wachakurqan Elifazta, Basemat-taq wachakurqan Reuelta,

⁵Aholibamataq wachakurqan Jeusta, Jaalamta, Coretawan. Chaykunan Esaupa churinkuna karqan, Canaán suyupi paypaq naceqkuna.

⁶Esauqa pusarikurqan warminkunata, wawankunata, wasinpi kaq llapa runatapas, hinallataq llapa uywankunatapas, Canaán suyupi lliw ima hayk'a tarisqantawan, hinaspanmi wak hallp'aman ripurqan wawqen Jacobmanta t'aqakuspa.

⁷Jacobwan Esauwanqa askha kaqniyoqmi karqanku, chaymi manaña kuska tiyayta atiqkuchu, tiyasqanku hallp'apas manaña aypaqchu uywankupaq.

⁸Chaymi Esauqa Seir orqo-orqopi tiyarqan. Esauqa Edom nisqallataqmi karqan.

⁹Kaykunan Edom runakunaq taytan Esaupa mirayninkuna, paykunan Seir orqo-orqopi tiyarqanku.

¹⁰Kaykunan Esaupa churinkunaq sutin: Esaupa warmin Adaq churin Elifaz. Hukkaq warmin Basematpa churintaq Reuel.

¹¹Elifazpa churinkunataq karqan: Temán, Omar, Zefo, Gatam, Cenazpiwan.

¹²Elifazpa tiyaqmasin Timnataq paypaq wachakurqan Amalecta. Paykunan Esaupa warmin Adaq nietonkuna karqan.

¹³Reuelpa churinkunataq karqan: Nahat, Zera, Sama, Mizapiwan. Paykunan Esaupa warmin Basematpa nietonkuna karqan.

¹⁴Zibeonpa churin Anaq ususin Aholibamataq Esaupaq wachakurqan Jeusta, Jaalamta, Coretawan.

¹⁵Kaykunan Esaupa ayllunkuna ukhupi kamachikuqkuna: Esaupa phiwin Elifazpa churinkuna: Temán, Omar, Zefo, Cenaz,

¹⁶Gatam, Amalecpiwan. Chaykunan karqan Adaq churinkuna, Edom suyupi Elifazpa ayllunpi kamachikuqkuna.

¹⁷Kaykunataq Esaupa churin Reuelpa churinkuna: Nahat, Zera, Sama, Mizapiwan. Chaykunan karqan Basematpa churinkuna, Edom suyupi Reuelpa ayllunpi kamachikuqkuna.

¹⁸Kaykunataq Esaupa warmin Aholibamaq churinkuna: Jeús, Jaalam, Corepiwan. Chay kamachikuqkunan nacerqanku Anaq ususin Aholibamanta.

¹⁹Chaykunan karqan Esaupa ayllunkuna, kamachikuqninkunapas. Payqa Edom nisqallataqmi karqan.

²⁰Kaykunan Hor runa Seirpa ayllunkuna, chay hallp'api tiyaqkuna: Lotán, Sobal, Zibeón, Aná,

²¹Disón, Ezer, Disanpiwan. Chaykunan Hor runakunaq kamachikuqninkuna, Edom suyupi Seirpa churinkuna.

²²Lotanpa churinkunan karqan: Horiwan Hemamwan, Timnataq Lotanpa panan karqan.

²³Sobalpa churinkunan karqan: Alván, Manahat, Ebal, Sefo, Onampiwan.

²⁴Zibeonpa churinkunataq karqan: Ajawan Anawan. Chay Anaqa taytanpa asnonkunata michishaspa ch'inneqpi ruphashaq pukyukunata tariqmi karqan.

²⁵Anaq churinmi karqan: Disón, ususin Aholibamapiwan.

²⁶Disonpa churinkunan karqan: Hemdán, Esbán, Itrán, Queranpiwan.

²⁷Ezerpa churinkunan karqan: Belhán, Zaaván, Ahanpiwan.

²⁸Disanpa churinkunan karqan: Uzwan Aranwan.

²⁹Hor ayllukunapi umallikunan karqan: Lotán, Sobal, Zibeón, Aná,

³⁰Disón, Ezer, Disanpiwan. Paykunan karqanku, Seir hallp'api Hor ayllupi kamachiqkuna.

³¹Israel runakuna ukhupi manaraq rey kamachikushaqtinmi, Edom suyupi kamachikuq reykunan kaykuna karqan:

³²Beorpa churin Belan kamachikurqan, llaqtanpa sutintaq Dinaba karqan.

³³Bela wañukapuqtintaq, rantinpi kamachikurqan Bosrapi tiyaq Zeraq churin Jobab.

³⁴Jobab wañukapuqtintaq, rantinpi kamachikurqan Temán hallp'api tiyaq Husam.

³⁵Husam wañukapuqtintaq, rantinpi kamachikurqan Bedadpa churin Hadad, Moab hallp'api Madianta atipaq, llaqtanpa sutintaq Avit karqan.

³⁶Hadad wañukapuqtintaq, rantinpi kamachikurqan Masrecapi tiyaq Samla.

³⁷Samla wañukapuqtintaq, rantinpi kamachikurqan Eufrates qaylla Rehobotpi tiyaq Saúl.

³⁸Saúl wañukapuqtintaq, rantinpi kamachikurqan Acborpa churin Baal-hanán.

³⁹Baal-hanán wañukapuqtintaq, rantinpi kamachikurqan Hadar, llaqtanpa sutintaq Pau karqan, warminpa sutintaq Mehetabel, Matredpa ususin, Mezaabpa nietan.

⁴⁰Esaupa kamachikuqninkunaq sutinkun karqan mirayninkuman hina, tiyanankuman hina kaykuna: Timna, Alva, Jetet,

⁴¹Aholibama, Ela, Pinón,

⁴²Cenaz, Temán, Mibzar,

⁴³Magdiel, Irampiwan. Chaykunan karqan Edompa kamachikuqninkuna, hap'ikapusqanku hallp'api tiyanankuman hina. Edomqa kikin Esaumi, paymi Edom runakunaq taytan.