Read Diospa Simin Qelqa 1 CRÓNICAS 2 Bible Online

1 CRÓNICAS 2 - Diospa Simin Qelqa bible

1 CRÓNICAS 2

¹Israel sutichasqa Jacobpa churinkunan karqan: Rubén, Simeón, Leví, Judá, Isacar, Zabulón,

²Dan, José, Benjamín, Neftalí, Gad, Aserpiwan.

³Judapa churinkunan karqan: Er, Onán, Selapiwan. Chay kinsantintan Judaqa churiyarqan Canaanmanta Shuaq ususinpi. Phiwi churin Erqa manan Señor Diospa munayninman hinachu kawsarqan, chaymi Señor Diosqa wañuchipurqan.

⁴Judaqa qhachunin Tamarpin churiyarqan Faresta Zeratawan. Judapa llapan churinkunaqa phisqan karqan.

⁵Farespa churinkunan karqan: Hezrón Hamulpiwan.

⁶Zeraq phisqantin churinkunan karqan: Zimri, Etán, Hemán, Calcol, Darapiwan.

⁷Carmipa churinmi karqan: Ahán,[2] paymi Israelta waqllichirqan, Señor Diospa ñakasqan kawsaykunata hap'ikuspa.

⁸Azariasqa Etanpa churinmi karqan.

⁹Hezronpa churinkunan karqan: Jerameel, Ram, Calebpiwan.

¹⁰Rammi churiyarqan Aminadabta, Aminadabtaq churiyarqan Naasonta, paymi Judá runakunaq qollananku karqan.

¹¹Naasonmi churiyarqan Salmonta, Salmontaq churiyarqan Boozta.

¹²Boozmi churiyarqan Obedta, Obedtaq churiyarqan Isaita.

¹³Isaimi churiyarqan phiwin Eliabta, chay patamantaq Abinadabta, Simeata,

¹⁴Natanaelta, Radaita,

¹⁵Ozemta, Davidtawan.

¹⁶Panankutaq Sarviapiwan Abigailpiwan karqanku. Sarviaq churinkunan kinsa karqan: Abisai, Joab, Asaelpiwan.

¹⁷Abigailmi wachakurqan Amasata Ismael llaqtayoq Jeterpaq.

¹⁸Hezronpa churin Calebmi warmin Azubapi churiyarqan Jeserta, Sobabta, Ardontawan, hinallataq ususin Jeriot-tapas.

¹⁹Azuba wañukapuqtintaq Calebqa Efratawan casarakapurqan, chaymi Efrataqa wachakurqan Hurta.

²⁰Hurtaq churiyarqan Urita, Uritaq churiyarqan Bezaleelta.

²¹Chay qhepatataq Hezronqa soqta chunka watayoq kashaspa Galaadpa taytan Maquirpa ususinwan casarakuspa paywan puñurqan, hinan warmiqa wachakurqan Segubta.

²²Segubtaq churiyarqan Jairta, paymi Galaad suyupi iskay chunka kinsayoq llaqtakunata kamachirqan.

²³Ichaqa Gesur runakunan Aram runakunapiwan hap'ikapurqanku Jairpa llaqtankunata, Kenat llaqtatapas muyuriq llaqtachankunatawan, llapantaq karqan soqta chunka llaqtakuna. Llapan chay llaqtakunapi tiyaq runakunan karqan Galaadpa taytan Maquirpa mirayninkuna.

²⁴Hezrón wañukapuqtinmi Calebqa taytanpa viudan Efratawan casarakapurqan. Hinan Efrataqa wachakurqan Asurta, paymi Tecoa llaqta sayarichiq karqan.

²⁵Hezronpa phiwi churin Jerameelpa churinkunan karqan: phiwin Ram, qatiqninkunataq Buna, Oren, Ozem, Ahiaspiwan.

²⁶Hinallataq wak warmin Atarapipas Onamta churiyarqan.

²⁷Jerameelpa phiwi churin Rampa churinkunan karqan: Maaz, Jamín, Equerpiwan.

²⁸Onampa churinkunataq karqan: Samaipiwan Jadapiwan. Samaipa churinkunataq karqan: Nadabpiwan Abisurpiwan.

²⁹Abisurpa warminpa sutinmi Abihail karqan, paymi wachakurqan Ahbanta Molidtawan.

³⁰Nadabpa churinkunan karqan: Seledpiwan Apaimpiwan. Seledqa mana wawayoqmi wañukapurqan.

³¹Apaimmi churiyarqan Isita, Isitaq churiyarqan Sesanta, Sesantaq churiyarqan Ahlaita.

³²Samaipa wawqen Jadaq churinkunan karqan: Jeterpiwan Jonatanpiwan. Jeterqa mana wawayoqmi wañukapurqan.

³³Jonatanpa churinkunan karqan: Peletpiwan Zazapiwan. Chaykunan karqan Jerameelpa mirayninkuna.

³⁴Sesanpaqa manan churinkuna karqanchu, aswanpas ususinkunallan. Ichaqa Egiptomantan karqan huk kamachin Jarha sutiyoq.

³⁵Chay kamachinwanmi hukkaq ususinta casarachirqan, chaymi payqa churin Ataita wachakurqan.

³⁶Ataimi churiyarqan Natanta, Natantaq churiyarqan Zabadta.

³⁷Zabadtaq churiyarqan Eflalta, Eflaltaq churiyarqan Obedta.

³⁸Obedtaq churiyarqan Jehuta, Jehutaq churiyarqan Azariasta,

³⁹Azariastaq churiyarqan Helesta, Helestaq churiyarqan Elasata.

⁴⁰Elasataq churiyarqan Sismaita, Sismaitaq churiyarqan Salumta,

⁴¹Salumtaq churiyarqan Jecamiasta, Jecamiastaq churiyarqan Elisamata.

⁴²Jerameelpa wawqen Calebpa phiwi churinmi karqan: Mesa, paymi Zifpa taytan karqan. Mesaq sullk'antaq Maresa karqan, paymi Hebronpa taytan karqan.

⁴³Hebronpa churinkunan karqan: Coré, Tapúa, Requem, Semapiwan.

⁴⁴Seman churiyarqan Rahamta, paymi Jorcoampa taytan karqan. Requemtaq churiyarqan Samaita.

⁴⁵Samaitaq churiyarqan Maonta, paymi Bet-surpa taytan karqan.

⁴⁶Calebpa tiyaqmasin Efanmi wachakurqan Haranta, Mosata, Gazeztawan. Harantaq churiyarqan Gazezta.

⁴⁷Jahdaipa churinkunan karqan Regem, Jotam, Gesam, Pelet, Efa, Saafpiwan.

⁴⁸Calebpa tiyaqmasin Maacan wachakurqan Sebertawan Tirhanatawan,

⁴⁹hinallataq Madmana llaqta sayarichiq Saafta, Macbena llaqta Gibea llaqta sayarichiq Sevatawan. Calebpa ususinmi karqan Acsa.

⁵⁰Kaykunan Calebpa mirayninkuna karqan: Efrataq phiwi churin Hurpa churinkunan karqan: Quiriat-jearim llaqta sayarichiq Sobal,

⁵¹Belén llaqta sayarichiq Salma, Bet-gader llaqta sayarichiq Harefpiwan.

⁵²Quiriat-jearim llaqta sayarichiq Sobalpa mirayninkunan karqan: Haroe runakuna, Manahat runakunaq kuskannin,

⁵³Quiriat-jearimpi kaq Itri runakuna, Futi runakuna, Sumat runakuna, Misrai runakunapiwan. Paykunaq mirayninmi karqan Zorah runakuna, Estaol runakunapas.

⁵⁴Salmaq mirayninkunan karqan: Belén runakuna, Netofat runakuna, Atrot-bet-joab runakuna, Manahat runakunaq hukkaq kuskannin, Zorai runakunapiwan.

⁵⁵Jabespi tiyaq qelqaqkunaq ayllunkunan karqan: Tirat runakuna, Simeat runakuna, Sucat runakunapiwan. Paykunan Recab aylluq ñawpa taytan Hamatpa miraynin Cen runakuna karqan.