Read Diospa Simin Qelqa 1 CRÓNICAS 3 Bible Online

1 CRÓNICAS 3 - Diospa Simin Qelqa bible

1 CRÓNICAS 3

¹Hebrón llaqtapin Davidpaq kay wawankuna nacerqan: Phiwi churin Amnontan Jezreel llaqta warmi Ahinoam wachakurqan, iskaykaq churin Danieltan Carmel llaqta warmi Abigail wachakurqan,

²kinsakaq churin Absalontan Gesur rey Talmaipa ususin Maaca wachakurqan, tawakaq churin Adoniastan Haguit wachakurqan,

³phisqakaq churin Sefatiastan Abital wachakurqan, soqtakaq churin Itreamtataq warmin Egla wachakurqan.

⁴Qanchis wata soqta killa Hebronmanta David kamachikushaqtinmi, chaypi soqtantin churinkuna nacerqan. Jerusalenmantan kinsa chunka kinsayoq watata kamachikurqan.

⁵Kaykunataq Jerusalenpi naceqkuna karqan: Simea, Sobab, Natán, Salomonpiwan, chay tawantintan Amielpa ususin Betsabé wachakurqan.

⁶Kallarqantaq Ibhar, Elishúa, Elifelet,

⁷Noga, Nefeg, Jafía,

⁸Elisama, Eliada, Elifeletpiwan, chay isqonnintin.

⁹Llapan chaykunan Davidpa churinkuna karqan, kallarqantaq Tamar ususinpas. Tiyaqmasin warmikunapas wachakullarqantaq wawakunata.

¹⁰Salomonmi churiyarqan Roboamta, Roboamtaq churiyarqan Abiasta, Abiastaq churiyarqan Asata, Asataq churiyarqan Josafat-ta,

¹¹Josafat-taq churiyarqan Joramta, Joramtaq churiyarqan Ocoziasta, Ocoziastaq churiyarqan Joasta, Joastaq churiyarqan Amasiasta,

¹²Amasiastaq churiyarqan Azariasta, Azariastaq churiyarqan Jotamta,

¹³Jotamtaq churiyarqan Ahazta, Ahaztaq churiyarqan Ezequiasta, Ezequiastaq churiyarqan Manasesta,

¹⁴Manasestaq churiyarqan Amonta, Amontaq churiyarqan Josiasta.

¹⁵Josiaspa churinkunan karqan: phiwi churin Johanán, iskaykaq churin Joacim, kinsakaq churin Sedequías, tawakaq churintaq Salum.

¹⁶Joacimpa churinkunan karqan: Jeconías Sedequiaspiwan.

¹⁷Kamachipaq apasqa Jeconiaspa churinkunan karqan: Salatiel,

¹⁸Malquiram, Pedaías, Senazar, Jecamías, Hosama, Nedabiaspiwan.

¹⁹Pedaiaspa churinkunan karqan: Zorobabel Simeipiwan. Zorobabelpa churinkunan karqan: Mesulam, Hananías, pananku Selomitpiwan.

²⁰Kallarqantaq wakin phisqa churinkuna: Hasuba, Ohel, Berequías, Hasadías, Jusab-hesedpiwan.

²¹Hananiaspa mirayninkunan karqan: Pelatías, Jesaías, Jesaiaspa churin Refaías, Refaiaspa churin Arnán, Arnanpa churin Abdías, Abdiaspa churin Secanías.

²²Secaniaspa churinmi Semaías karqan. Semaiaspa churinkunan karqan: Hatús, Igal, Barías, Nearías, Safatpiwan, llapankutaq soqta karqanku.

²³Neariaspa churinkunan kinsa karqan: Elioenai, Ezequías, Azricampiwan.

²⁴Elioenaipa churinkunan qanchis karqan: Jodavías, Eliasib, Pelaías, Acub, Johanán, Dalaías, Ananipiwan.