Read Diospa Simin Qelqa 1 CRÓNICAS 4 Bible Online

1 CRÓNICAS 4 - Diospa Simin Qelqa bible

1 CRÓNICAS 4

¹Judapa mirayninkunan karqan: Fares, Hezrón, Carmi, Hur, Sobalpiwan.

²Sobalpa churin Reaiasmi churiyarqan Jahat-ta, Jahat-taq churiyarqan Ahumaita Lahadtawan. Chaykunan Zorah ayllunkuna karqan.

³Etampa churinkunan karqan: Jezreel, Isma, Ibdaspiwan, panankutaq Haze-lel-poni karqan.

⁴Efrataq phiwi churin Hurpa mirayninkunan karqan: Belenpi tiyaq runakuna. Hurpa churinkunan karqan: Etam, Gedor llaqta sayarichiq Penuel, Husa llaqta sayarichiq Ezerpiwan.

⁵Tecoa llaqta sayarichiq Asurpan iskay warminkuna karqan: Helapiwan Naarapiwan.

⁶Naarataq wachakurqan Ahuzamta, Heferta, Temenata, Ahastaritawan.

⁷Helataq wachakurqan Zeret-ta, Jezoarta, Etnanta, Costawan.

⁸Cospa mirayninkunan karqan: Anub, Zobeba, Harumpa churin Aharhelpa ayllunkunapiwan.

⁹Jabesqa wawqenkunamanta aswan allin mentasqan karqan, paytan maman suticharqan Jabesta,[3] sinchi nanaywan wachakusqanrayku.

¹⁰Jabesqa Israelpa Diosninmantan mañakurqan: Diosnilláy, saminchaykuway, hallp'aytapas hatunyaykachiy, amataq ñoqamanta t'aqakuychu, mana allinmanta waqaychaway ama muchunaypaq, nispa. Hinan Señor Diosqa mañakusqanta qorqan.

¹¹Suhaq wawqen Quelubmi churiyarqan Mehirta, paymi Estonpa taytan karqan.

¹²Estontaq churiyarqan Bet-rafata, Paseahta, Nahas llaqta sayarichiq Tehinatawan. Chaykunan Reca llaqtamanta karqan.

¹³Quenazpa churinkunan karqan: Otoniel, Seraiaspiwan. Otonielpa churinkunan karqan: Hatat,

¹⁴Ofraq taytan Meonotaipiwan. Seraiasmi churiyarqan Joabta, paymi karqan Artesanokunaq Wayq'on nisqapi runakunata tiyayta qallarichiq, chay wayq'opi tiyaqkunaqa artesanokunan karqanku.

¹⁵Jefoneq churin Calebpa churinkunan karqan: Iru, Ela, Naampiwan. Elaq churintaq Quenaz karqan.

¹⁶Jehalelelpa churinkunan karqan: Zif, Zifa, Tirías, Asareelpiwan.

¹⁷Esdraspa churinkunan karqan: Jeter, Mered, Efer, Jalonpiwan. Meredmi casarakurqan rey Faraonpa ususin Bitiawan. Paymi wachakurqan Mariata, Samaita, Estemoa llaqta sayarichiq Isbatawan.

¹⁸Meredqa casarakullarqantaq Judá ayllu warmiwan, paymi wachakurqan Gedor llaqta sayarichiq Jeredta, Soco llaqta sayarichiq Heberta, Zanoa llaqta sayarichiq Jecutieltawan.

¹⁹Hodiasqa Nahampa pananwanmi casarakurqan, mirayninkunataq karqan: Keilapi tiyaq Garmi ayllu, Estemoapi tiyaq Maaca ayllupiwan.

²⁰Simonpa churinkunan karqan: Amnón, Rina, Ben-hanán, Tilonpiwan. Isiq churinkunan karqan: Zohet, Ben-zohetpiwan.

²¹Judapa churin Selaq mirayninkunan karqan: Leca llaqta sayarichiq Er, Maresa llaqta sayarichiq Laada, Bet-asbeapi tiyaq linota awaq runakuna,

²²Joacim, Cozebapi tiyaqkuna, Joás, Sarafpiwan. Paykunas Moab warmikunawan casarakuspa Belenman kutipusqaku, ñawpa qelqakunaq nisqanman hina.

²³Chaykunan manka ruwaq karqanku, reypa kamachinta ruwaspankutaq tiyasqaku Netaim llaqtapi, Gedera llaqtapiwan.

²⁴Simeonpa churinkunan karqan: Nemuel, Jamín, Jarib, Zera, Saulpiwan.

²⁵Saulmi churiyarqan Salumta, Salumtaq churiyarqan Mibsamta, Mibsamtaq churiyarqan Mismata.

²⁶Misman churiyarqan Hamuelta, Hamueltaq churiyarqan Zacurta, Zacurtaq churiyarqan Simeita.

²⁷Simeipa churinkunan karqan chunka soqtayoq, ususinkunataq soqta. Wawqenkunaqa manan askha wawayoqchu karqanku, chaymi Simeón aylluqa mana Judá ayllu hinachu mirarqan.

²⁸Paykunan tiyarqanku Beersebapi, Moladapi, Hazar-sualpi,

²⁹Bilhapi, Ezempi, Toladpi,

³⁰Betuelpi, Hormapi, Siclagpi,

³¹Bet-marcabotpi, Hazar-susimpi, Bet-biraipi, Saaraimpiwan. Chay llaqtakunapin tiyarqanku David kamachikunankama.

³²Tiyallarqankutaq kay phisqa llaqtakunapi: Etampi, Ainpi, Remonpi, Toquenpi, Asanpiwan,

³³chay llaqtakunaq muyuriqninpi kashaq llapan llaqtachakunapiwan Baalatkama. Chaykunan karqan miraynin qelqakuna, tiyasqanku cheqas qelqakunapas.

³⁴Kaykunan karqan ayllunkuq umallinkuna: Mesobab, Jamlec, Amasiaspa churin Josías,

³⁵Joel, Josibiaspa churin Jehú (Josibiaspa taytanmi karqan Seraías, ñawpa taytantaq Asiel),

³⁶Elioenay, Jaacoba, Jesohaía, Asaías, Adiel, Jesimiel, Benaías,

³⁷Sifiq churin Zizapiwan. Sifiqa Alonpa churinmi karqan, ñawpa taytankunataq karqan: Jedaías, Simri, Semaiaspiwan.

³⁸Tukuy chay runakunan, ayllunkupi kamachikuqkuna karqanku. Ayllunkuqa anchatapunin mirarqan,

³⁹hinan rirqanku Gerar llaqtaq wayq'on inti lloqsimuy cheqaskama, uywankupaq pastota maskhaspanku.

⁴⁰Chay cheqasqa karqan hatun campoyoqmi, allin pastoyoqtaq sumaq thak-nisqa hallp'a. Ñawpa tiempoqa Campa mirayninkunan chaypi tiyarqan.

⁴¹Sutin qelqasqa kashan chay runakunaqa Judá rey Ezequiaspa tiemponpin Gerarman rirqanku, chaypi tiyaq Cam runakunatataq karpantinta Meún runakunatapas lliwta ch'usaqyachirqanku. Hinaspan paykuna chay runakunaq rantinpi tiyapurqanku, uywankupaq allin pasto chaypi kasqanrayku.

⁴²Simeonpa wakin mirayninmantataq phisqa pachak qharikuna Seir orqo-orqoman ripurqanku, umallinkutaq karqan Isiq churinkuna: Pelatías, Nearías, Refaías, Uzielpiwan.

⁴³Paykunan puchuq Amalec runakunata ch'usaqyachirqanku, hinaspa chaypi tiyapurqanku.