Read Diospa Simin Qelqa 1 CRÓNICAS 6 Bible Online

1 CRÓNICAS 6 - Diospa Simin Qelqa bible

1 CRÓNICAS 6

¹Levipa churinkunan karqan: Gersón, Cohat, Meraripiwan.

²Cohatpa churinkunan karqan: Amram, Izhar, Hebrón, Uzielpiwan.

³Amrampa wawankunan karqan: Aarón, Moisés, Mariapiwan. Aaronpa churinkunan karqan: Nadab, Abiú, Eleazar, Itamarpiwan.

⁴Eleazarmi churiyarqan Fineesta, Fineestaq churiyarqan Abishuata,

⁵Abishuataq churiyarqan Buquita, Buquitaq churiyarqan Uzita,

⁶Uzitaq churiyarqan Zeraiasta, Zeraiastaq churiyarqan Meraiot-ta,

⁷Meraiot-taq churiyarqan Amariasta, Amariastaq churiyarqan Ahitobta,

⁸Ahitobtaq churiyarqan Sadocta, Sadoctaq churiyarqan Ahimaasta.

⁹Ahimaastaq churiyarqan Azariasta, Azariastaq churiyarqan Johananta,

¹⁰Johanantaq churiyarqan Azariasta. Azariasqa sacerdoten karqan Jerusalenpi Salomonpa sayarichisqan yupaychana wasipi.

¹¹Azariasmi churiyarqan Amariasta, Amariastaq churiyarqan Ahitobta,

¹²Ahitobtaq churiyarqan Sadocta, Sadoctaq churiyarqan Salumta,

¹³Salumtaq churiyarqan Hilciasta, Hilciastaq churiyarqan Azariasta,

¹⁴Azariastaq churiyarqan Seraiasta, Seraiastaq churiyarqan Josadacta.

¹⁵Josadactaqa kamachipaqmi apapurqanku Nabucodonosorwan Judá runakunata Jerusalén runakunatawan Señor Dios apachishaqtin.

¹⁶Levipa churinkunan karqan: Gersón, Cohat, Meraripiwan.

¹⁷Gersonpa churinkunan karqan: Libniwan Simeipiwan.

¹⁸Cohatpa churinkunan karqan: Amram, Izhar, Hebrón, Uzielpiwan.

¹⁹Merariq churinkunan karqan: Mahliwan Musipiwan. Kaykunan Levipa mirayninkuna karqan ñawpa taytankuman hina.

²⁰Gersonpa mirayninkuna: Gersonmi churiyarqan Libnita, Libnitaq churiyarqan Jahat-ta, Jahat-taq churiyarqan Zimata,

²¹Zimataq churiyarqan Joata, Joataq churiyarqan Iddota, Iddotaq churiyarqan Zerata, Zerataq churiyarqan Jeatraita.

²²Cohatpa mirayninkuna: Cohatmi churiyarqan Aminadabta, Aminadabtaq churiyarqan Coreta, Coretaq churiyarqan Asirta,

²³Asirtaq churiyarqan Elcanata, Elcanataq churiyarqan Ebiasafta, Ebiasaftaq churiyarqan Asirta,

²⁴Asirtaq churiyarqan Tahat-ta, Tahat-taq churiyarqan Urielta, Urieltaq churiyarqan Uziasta, Uziastaq churiyarqan Saulta.

²⁵Elcanan churiyarqan Amasaita Ahimot-tawan.

²⁶Ahimotmi churiyarqan Elcanata, Elcanataq churiyarqan Zofaita, Zofaitaq churiyarqan Nahat-ta.

²⁷Nahat-taq churiyarqan Eliabta, Eliabtaq churiyarqan Jerohamta, Jerohamtaq churiyarqan Elcanata, Elcanataq churiyarqan Samuelta.

²⁸Samuelpa churinkunan karqan: phiwi churin Joel, chayman qatiqtaq Abías.

²⁹Merariq mirayninkuna: Merarin churiyarqan Mahlita, Mahlitaq churiyarqan Libnita, Libnitaq churiyarqan Simeita, Simeitaq churiyarqan Uzata, Uzataq churiyarqan Simeata,

³⁰Simeataq churiyarqan Haguiata, Haguiataq churiyarqan Asiasta.

³¹Rimanakuy arca Señor Dioswan Tupana Karpapi churasqaña kaqtinmi, Davidqa takiqkunaq umallinkunata churarqan takiywan chaypi servinankupaq.

³²Paykunan Señor Dioswan Tupana Karpaq ñawpaqenpi takiywan servirqanku tupaqninkuman hina, Salomón Jerusalenpi Señor Diospaq wasita sayarichinankama.

³³Kaykunan takiqkuna karqan churintinkama. Cohatpa mirayninkuna: Joelpa churin takiq Hemanmi ñawpaqkaq t'aqa takiqkunaq umallin karqan. Paypa ñawpa taytankunan karqan: Samuel,

³⁴Elcana, Jeroham, Eliel, Toa,

³⁵Zuf, Elcana, Mahat, Amasai,

³⁶Elcana, Joel, Azarías, Sofonías,

³⁷Tahat, Asir, Ebiasaf, Coré,

³⁸Izhar, Cohat, Leví, Israelpiwan.

³⁹Hemanpa ayllumasin Berequiaspa churin Asafmi paña ladonpi kaq t'aqa takiqkunaq umallin karqan. Paypa ñawpa taytankunan karqan: Simea,

⁴⁰Micael, Baasías, Malquías,

⁴¹Etni, Zera, Adaía,

⁴²Etán, Zima, Simei,

⁴³Jahat, Gersón, Levipiwan.

⁴⁴Paykunaq ayllumasin Merariq mirayninmanta Quisiq churin Etantaq lloq'e ladonpi kaq t'aqa takiqkunaq umallin karqan. Paypa ñawpa taytankunan karqan: Abdi, Maluc,

⁴⁵Hasabías, Amasías, Hilcías,

⁴⁶Amsi, Bani, Semer,

⁴⁷Mahli, Musi, Merari, Levipiwan.

⁴⁸Wawqenku Leví runakunataq Señor Dioswan Tupana Karpapi wakin ruwaykunata llank'aqpaq churasqa karqanku.

⁴⁹Aarontaq ichaqa churinkunapiwan ruphachina sacrificio altarpi sacrificiota haywarqanku, incienso q'apachina altarpipas inciensota q'apachirqanku. Ch'uyay-ch'uya Cheqaspi tukuy ruwaykunata ruwarqanku, hinallataq hucha pampachay sacrificiotapas Israel runakunamanta haywarqanku. Chaykunatan ruwarqanku Diospa kamachin Moisespa kamachikusqanman hina.

⁵⁰Aaronmi churiyarqan Eleazarta, Eleazartaq churiyarqan Fineesta, Fineestaq churiyarqan Abishuata,

⁵¹Abishuataq churiyarqan Buquita, Buquitaq churiyarqan Uzita, Uzitaq churiyarqan Zeraiasta,

⁵²Zeraiastaq churiyarqan Meraiot-ta, Meraiot-taq churiyarqan Amariasta, Amariastaq churiyarqan Ahitobta,

⁵³Ahitobtaq churiyarqan Sadocta, Sadoctaq churiyarqan Ahimaasta.

⁵⁴Suyuta t'aqaspankuqa ñawpaqta sortearqanku Cohatpa ayllun Aaronpa mirayninman qonankupaqmi. Kaykunan chay chaskisqanku hallp'akuna:

⁵⁵Paykunan chaskirqanku Judá hap'iypi Hebrón llaqtata muyuriqninpi pastontinta.

⁵⁶Hebronpa llaqtachankunata chakrankunatawanmi ichaqa Jefoneq churin Calebman qorqanku.

⁵⁷Aaronpa mirayninmanmi qorqanku pakakuna llaqta Hebronta, Libnata, Jatirta, Estemoata,

⁵⁸Hilenta, Deberta,

⁵⁹Asanta, Bet-semestawan. Sapanka chay llaqtakunaqa pastontinkaman karqan.

⁶⁰Benjamín ayllumantataq chaskirqanku Gebata, Alemet-ta, Anatot-tawan, chay llaqtakunapas pastontinkaman karqan. Ahinapin Aaronpa ayllunkunapaq karqan chunka kinsayoq llaqtakuna.

⁶¹Cohatpa wakin familianmanmi qorqanku sorteopi chunka llaqtakunata Jordán mayu inti haykuy ladopi kashaq Manasés kuskan ayllumanta.

⁶²Gersonpa mirayninmanmi qorqanku hayk'a familiachus kasqanman hina chunka kinsayoq llaqtakunata, Isacar ayllumanta, Aser ayllumanta, Neftalí ayllumanta, Basanpi Manasés ayllumantawan.

⁶³Merariq mirayninmantaq hayk'a familiachus kasqanman hina qorqanku sorteopi chunka iskayniyoq llaqtakunata Rubén ayllumanta, Gad ayllumanta, Zabulón ayllumantawan.

⁶⁴Ahinatan Israel runakunaqa Leví runakunaman qorqanku chay llaqtakunata pastontintakama.

⁶⁵Judá ayllumanta, Simeón ayllumanta, Benjamín ayllumantawan sorteopi qorqanku willasqaña kaq chay llaqtakunata.

⁶⁶Cohatpa wakin familiankunamanmi Efraín ayllumanta qorqanku

⁶⁷orqo-orqopi pakakuna llaqta Shehemta, Gezerta,

⁶⁸Jocmeamta, Bet-horonta,

⁶⁹Ajalonta, Gat-rimontawan, sapanka chay llaqtakunan pastontinkama karqan.

⁷⁰Jordán mayu inti haykuy ladopi kashaq Manasespa kuskan ayllunmantan paykunaman qorqanku Aner llaqtata, Bileam llaqtatawan pastontintakama.

⁷¹Gersonpa mirayninmanmi hayk'a familiachus kasqanman hina qorqanku Manasés kuskan ayllumanta Basanpi kashaq Golán llaqtata, Astarot llaqtatawan pastontintakama.

⁷²Isacar ayllumantan qorqanku Cedesta, Daberat-ta,

⁷³Ramot-ta, Anemtawan, sapanka chay llaqtakunan pastontinkama karqan.

⁷⁴Aser ayllumantan qorqanku Masalta, Abdonta,

⁷⁵Hucocta, Rehobtawan, sapanka chay llaqtakunan pastontinkama karqan.

⁷⁶Neftalí ayllumantan qorqanku Galileapi kaq Cedesta, Hamonta, Quiriataimtawan, sapanka chay llaqtakunan pastontinkama karqan.

⁷⁷Merariq wakin familiankunamanmi qorqanku Zabulón ayllumanta Rimón llaqtata Tabor llaqtatawan pastontintakama.

⁷⁸Jericó qhaway Jordán mayu inti lloqsimuy chimpapipas qollarqankutaq Rubén ayllumanta ch'inneqpi kaq Beserta, Jazata,

⁷⁹Cademot-ta, Mefaat-tawan, sapanka chay llaqtakunan pastontinkama karqan.

⁸⁰Gad ayllumantapas qorqanku Galaadpi kaq Ramot-ta, Mahanaimta,

⁸¹Hesbonta, Hazertawan, sapanka chay llaqtakunan pastontinkama karqan.