Read Diospa Simin Qelqa 1 CRÓNICAS 7 Bible Online

1 CRÓNICAS 7 - Diospa Simin Qelqa bible

1 CRÓNICAS 7

¹Isacarpa churinkunan tawa karqan: Tola, Fúa, Jasub, Simronpiwan.

²Tolaq churinkunan karqan: Uzi, Refaías, Jeriel, Jahmai, Jibsam, Semuelpiwan. Paykunaqa Tolaq ayllunkunaq umallinkunan karqan, allin qharikuna. Davidpa tiemponpin Tolaq miraynin qelqapi qelqasqa karqanku iskay chunka iskayniyoq waranqa soqta pachak allin maqanakuq qharikuna.

³Uziq churinmi karqan Israhías. Israhiaspa churinkunataq karqan: Micael, Obadías, Joel, Isiaspiwan, phisqantin umallikuna.

⁴Paykunan askha warmikunayoq wawakunayoq karqanku, chaymi mirayninkumanta kinsa chunka soqtayoq waranqa maqanakuypaq qharikuna karqan.

⁵Isacar aylluntinpin miraynin qelqapi qelqasqaman hina pusaq chunka qanchisniyoq waranqa, maqanakuypaq qharikuna karqan.

⁶Benjaminpa churinkunan kinsa karqan: Bela, Bequer, Jediaelpiwan.

⁷Belaq churinkunataq karqan: Ezbón, Uzi, Uziel, Jeremot, Iripiwan, phisqantin allin qhari umallikuna. Paykunan miraynin qelqapi qelqasqaman hina iskay chunka iskayniyoq waranqa kinsa chunka tawayoq maqanakuypaq qharikuna karqan.

⁸Bequerpa churinkunan karqan: Zemira, Joás, Eliezer, Elioenai, Omri, Jerimot, Abías, Anatot, Alametpiwan.

⁹Paykunaq miraynin qelqapi qelqasqan karqanku umallikunapiwan iskay chunka waranqa iskay pachak maqanakuypaq qharikunapiwan.

¹⁰Jediaelpa churinmi karqan: Bilhán, Bilhanpa churinkunataq karqan Jeús, Benjamín, Aod, Quenaana, Zetán, Tarsis, Ahisaharpiwan.

¹¹Paykunan karqan allin qhari ayllu umallikuna. Jediaelpa mirayninmantan karqan chunka qanchisniyoq waranqa iskay pachak maqanakuypaq qharikuna.

¹²Hirpa churinkunan karqan: Shupim, Hupimpiwan. Aherpa churintaq karqan Husim.

¹³Neftalipa churinkunan karqan: Jahzeel, Guni, Jezer, Salumpiwan. Paykunan karqan Bilhaq mirayninkuna.

¹⁴Manasesmi churiyarqan tiyaqmasin Siria warmipi Asrielta Galaadpa taytan Maquirtawan.

¹⁵Maquirpa iskaykaq churinmi karqan Zelofehad, panantaq karqan Maaca. Maquirmi Hupimpaq Shupimpaqwan warmita maskhapurqan. Zelofehadpaqa ususinkunallan karqan.

¹⁶Maquirpa warmin Maacan wachakurqan qhari wawata, suticharqankutaq Peresta, wawqenpa sutintaq Seres karqan. Serespa churinkunan karqan: Ulam, Requempiwan.

¹⁷Ulampa churintaq karqan Bedán. Chaykunan karqan Galaadpa churinkuna, Galaadqa Manasespa churin Maquirpa churinmi karqan.

¹⁸Maquirpa panan Hamolequet-taq wachakurqan Isodta, Abiezerta, Mahalaltawan.

¹⁹Semidaq churinkunataq karqan: Ahián, Shehem, Likhi, Aniampiwan.

²⁰Efrainmi churiyarqan Sutelata, Sutelataq churiyarqan Beredta, Beredtaq churiyarqan Tahat-ta, Tahat-taq churiyarqan Eladata, Eladataq churiyarqan Tahat-ta,

²¹Tahat-taq churiyarqan Zabadta, Zabadtaq churiyarqan Sutelata. Efrainpa wak iskay churinkunatataq Ezerta Eladtawan Gat llaqtapi naceq runakuna wañuchirqanku, uywankuta qechuq risqanku hawa.

²²Chaymi taytanku Efrainqa askha p'unchaykuna sinchita waqarqan, wawqenkunataq sonqochaq rirqanku.

²³Chay qhepatataq Efrainqa warminwan puñurqan, hinan payqa wiksallikuspa wachakurqan huk qhari wawata. Chaytan suticharqan Beriata,[4] wasinpi sinchi llakisqa kasqanrayku.

²⁴Ususintaq karqan Seera, paymi sayarichirqan Uray Bet-horonta Hanaq Bet-horontapas, hinallataq Uzen-seeratapas.

²⁵Berian churiyarqan Refata, Refataq churiyarqan Resefta, Reseftaq churiyarqan Telahta, Telahtaq churiyarqan Tahanta,

²⁶Tahantaq churiyarqan Laadanta, Laadantaq churiyarqan Amiudta, Amiudtaq churiyarqan Elisamata,

²⁷Elisamataq churiyarqan Nunta, Nuntaq churiyarqan Josueta.

²⁸Paykunaqmi llaqtankupas hallp'ankupas karqan Betel llaqta, muyuriq llaqtachankunapiwan, inti lloqsimuy ladopi Naarán, inti haykuy ladopitaq Gezer llaqta, muyuriq llaqtachankunapiwan, hinallataq Shehem llaqta, muyuriq llaqtachankunapiwan, Ayah llaqta, muyuriq llaqtachankunakama.

²⁹Manasespa mirayninkunataq hap'ikapurqanku Bet-seanta llaqtachakunantinta, Taanacta llaqtachakunantinta, Meguidota llaqtachakunantinta, Dortapas llaqtachakunantinta. Chay llaqtakunapin Israelpa churin Josepa mirayninkuna tiyarqanku.

³⁰Aserpa churinkunan karqan: Imna, Isúa, Isúi, Bería, ususin Serapiwan.

³¹Beriaq churinkunan karqan: Heber, Malquielpiwan. Malquielqa Birzavit llaqta sayarichiqmi karqan.

³²Heberpa churinkunan karqan: Jaflet, Somer, Hotam, ususin Shuapiwan.

³³Jafletpa churinkunan kinsa karqan: Pasac, Bimhal, Asvatpiwan.

³⁴Wawqen Semerpa churinkunan karqan: Rohga, Jehuba, Arampiwan.

³⁵Wawqen Hotampa churinkunan karqan: Zofa, Imna, Seles, Amalpiwan.

³⁶Zofaq churinkunan karqan: Súa, Harnefer, Sual, Beri, Imra,

³⁷Beser, Hod, Sama, Silsa, Itrán, Beerapiwan.

³⁸Jeterpa churinkunan karqan: Jefone, Pispa, Arapiwan.

³⁹Ulaq churinkunan karqan: Ara, Haniel, Reziapiwan.

⁴⁰Llapan chaykunan Aserpa miraynin karqan, ayllunkuq umallinkuna, akllasqa runakuna, allin maqanakuq qharikuna, qollanakuna ima. Miraynin qelqapi qelqasqaman hina iskay chunka soqtayoq waranqa maqanakuypaq qharikuna karqan.