Read Diospa Simin Qelqa NEHEMÍAS 10 Bible Online

NEHEMÍAS 10 - Diospa Simin Qelqa bible

NEHEMÍAS 10

¹Chay qelqata seq'espa selloykuqkunan karqanku: Hacaliaspa churin kamachikuq Nehemías, Sedequiaspiwan.

²Sacerdotekunamanta: Seraías, Azarías, Jeremías,

³Pasur, Amarías, Malquías,

⁴Hatús, Sebanías, Maluc,

⁵Harim, Meremot, Obadías,

⁶Daniel, Ginetón, Baruc,

⁷Mesulam, Abías, Mijamín,

⁸Maazías, Bilgai, Semaiaspiwan.

⁹Leví runakunamanta: Azaniaspa churin Jesúa, Henadadpa mirayninmanta Binúi, Cadmiel,

¹⁰paykunaq wawqenkuna Sebanías, Hodías, Kelita, Pelaías, Hanán,

¹¹Micaía, Rehob, Hasabías,

¹²Zacur, Serebías, Sebanías,

¹³Hodías, Bani, Beninupiwan.

¹⁴Llaqta umalli runakunamanta: Paros, Pahat-moab, Elam, Zatu, Bani,

¹⁵Buni, Azgad, Bebai,

¹⁶Adonías, Bigvai, Adín,

¹⁷Ater, Ezequías, Azur,

¹⁸Hodías, Hasum, Bezai,

¹⁹Harif, Anatot, Nebai,

²⁰Magpías, Mesulam, Hezir,

²¹Mesezabeel, Sadoc, Jadúa,

²²Pelatías, Hanán, Anaías,

²³Oseas, Hananías, Hasub,

²⁴Halohes, Pilha, Sobec,

²⁵Rehum, Hasabna, Maasías,

²⁶Ahías, Hanán, Anán,

²⁷Maluc, Harim, Baanapiwan.

²⁸Ñoqayku, sacerdotekuna, Leví runakuna, punku qhawaqkuna, takiqkuna, Diospa wasinpi llank'aqkuna, Diospa kamachikuy siminta hunt'anankupaq kay suyu runakunamanta t'aqakuqkuna, ñoqaykupas warmiykupas, churiykupas, ususiykupas yuyayniyoqña erqeykupas,

²⁹llapallaykun wawqeykupiwan umalliykupiwan huk-nisqalla juraspa kay hinata rimanakuyku: Ñoqaykun jurayku Moisespa willasqan Diospa kamachikuy siminman hina kawsanaykupaq, hinallataq Señor Diospa tukuy kamachikuyninta chaninchayninta, unanchaynintawan cheqaqta hunt'anaykupaq.

³⁰Chaymi yuyaykuyku manaña ususiykuta mana judío runakunawan casarachinaykupaq, manallataq churiykutapas ususinkuwan casarachinaykupaq.

³¹Hinallataq kay suyu runakuna samana p'unchaypipas Diospaq t'aqasqa p'unchaypipas qhatunankuta rurukunatapas vendenankupaq apamuqtinkuqa, manapunin rantisaqkuchu. Chakraykutapas qanchiskaq watapiqa manan llank'asaqkuchu, llapaykun manusqaykutapas pampachapusaqku.

³²Yuyaykullaykutaqmi sapa wata tawa gramo qolqeta Diosninchispa wasinpaq qonaykuta. Chay qolqen kaykunapaq kanqa:

³³Ch'uya Cheqaspi churana t'antapaq, sapa p'unchay ruru ofrendapaq, sapa p'unchay ruphachina sacrificiopaq, samana p'unchaykuna sacrificiopaq, mosoq killa rikhuriy p'unchaykuna sacrificiopaq, fiestakuna sacrificiopaq, Israel runakunaq huchan pampachay sacrificiopaq, hinallataq tukuy wakin ofrendakunapaq, Diosninchispa wasinpi tukuy yupaychaykunapaqpas.

³⁴Ñoqayku sacerdotekuna, Leví runakuna, llapa runakuna, sapa wata sorteasaqku mayqen aylluchus Diosninchispa wasinman llant'ata apanman chayta yachanaykupaq. Chay llant'aqa Diosninchis Señorpa altarninpi ruphachinapaqmi kanqa, kamachikuy simipi qelqasqaman hina.

³⁵Hinallataq Señor Diospa wasinman chakraykumantapas llapan fruta sach'aykumantapas ñawpaqkaq ruruta sapa wata apasaqku.

³⁶Ahinallataq Diospa wasinpi llank'ashaq sacerdotekunaman apasaqku phiwi churiykuta, ovejaykuq ñawpaq wachay uñanta, wakaykuq ñawpaq wachay uñanta, kamachikuy simipi qelqaman hina.

³⁷Sapa watan sacerdotekunapaq apallasaqkutaq Diosninchispa wasinpi taqekunaman hak'umanta, ruru ofrendamanta, tukuy sach'a rurumantawan, vinomantawan, aceitemantawan ñawinnintakama. Leví runakunamanpas apallasaqkutaq cosechaykumanta diezmoykuta, paykuna llapan llaqtaykupi diezmokunata chaskiq kasqankurayku.

³⁸Aaronpa miraynin huk sacerdotetaq puriysinqa diezmo chaskiq riq Leví runakunata, chay chaskisqanku diezmomantataq Leví runakuna diezmonkuta t'aqallanqakutaq, Diosninchispa wasin taqekunaman apanankupaq.

³⁹Leví runakunapas Israel runakunapas trigonkumanta, vinonkumanta, aceitenkumanta wakinta Diospaq t'aqaspanku, taqekunaman apanqaku. Chay taqe wasipin ch'uya serviciokuna kashan, chayllapitaq llank'aq sacerdotekunapas punku qhawaqkunapas takiqkunapas kashanku. Ahinatan prometekuyku Diospa wasinta maki qhawanaykupaq.