Read Diospa Simin Qelqa NEHEMÍAS 11 Bible Online

NEHEMÍAS 11 - Diospa Simin Qelqa bible

NEHEMÍAS 11

¹Llaqta umalli runakunataq Jerusalenpi tiyarqanku. Wakin runakunan sortearqanku sapanka chunka familiamanta huk familiata akllanankupaq. Chay akllasqa familiakunan Jerusalén ch'uya llaqtapi tiyaq rinanku karqan, wakin runakunataq llaqtankupikama qhepakurqanku.

²Runakunan samincharqanku hayk'an kikinkumanta Jerusalenpi tiyanankupaq rimariqkunata.

³Wakin Israel runakunañataq, sacerdotekuna, Leví runakuna, Diospa wasinpi llank'aqkuna, Salomonpa kamachinkunaq mirayninkuna, Judapi tiyarqanku sapanka llaqtankupi hallp'ankupikama.

⁴Kaykunan Jerusalenpi tiyaq Judá ayllumanta, Benjamín ayllumanta umallikuna karqan: Judá ayllumanta: Uziaspa churin Ataías, paypa ñawpa taytankunan karqan Zacarías, Amarías, Sefatías, Mahalaleelpiwan, paykunan Farespa mirayninmanta karqanku.

⁵Barucpa churin Maasiaspa ñawpa taytankunan karqan: Colhoze, Hazarías, Adaías, Joiarib, Zacarías, Silonipiwan.

⁶Farespa mirayninmanta llapan Jerusalenpi tiyaqkunan tawa pachak soqta chunka pusaqniyoq allin qharikuna karqanku.

⁷Benjamín ayllumanta: Mesulampa churin Salupa ñawpa taytankunan karqan: Joed, Pedaías, Colaías, Maasías, Itiel, Jesaiaspiwan.

⁸Hinallataq Salupa wawqen Gabai, Salaipiwan, llapanku karqanku Benjamín ayllumanta isqon pachak iskay chunka pusaqniyoq.

⁹Umallinkutaq Zicriq churin Joel karqan, payman qatiq llaqta umallitaq Senuaq churin Judá karqan.

¹⁰Sacerdotekunamanta: Joiaribpa churin Jedaías, Jaquín,

¹¹Hilciaspa churin Seraiaspiwan. Seraiaspa ñawpa taytankunan karqan: Mesulam, Sadoc, Meraiot, Ahitobpiwan. Ahitobmi karqan Diospa wasinpi umalli sacerdote.

¹²Diospa wasinpi llank'aq-masinkunataq pusaq pachak iskay chunka iskayniyoq karqan. Jerohampa churin Adaiaspa, ñawpa taytankunan karqan: Pelaías, Amsi, Zacarías, Pasur, Malquiaspiwan.

¹³Adaiaspa ayllunkunaqa iskay pachak tawa chunka iskayniyoq umalli runakunan karqanku. Azarielpa churin Amasaipa ñawpa taytankunan karqan Azai, Mesilemot, Imerpiwan.

¹⁴Amasaipa ayllunmantan pachak iskay chunka pusaqniyoq allin maqanakuq qharikuna karqan. Umallinkutaq Gedolimpa churin Zabdiel karqan.

¹⁵Leví runakunamanta: Hasubpa churin Semaías, paypa ñawpa taytankunan karqan Azricam, Hasabías, Bunipiwan.

¹⁶Sabetaiwan Jozabadwanmi, Leví runakunaq umallinkuna karqanku, Diospa wasin qayllapi llank'anakunata llank'achiq.

¹⁷Mecaiaq churin Matanías, paypa ñawpa taytankunan karqan Zabdi, Asafpiwan. Mataniasqa Diospa wasinpi takiqkunata takichiqmi karqan, paykunan mañakuy horas yupaychayta gracias qoytawan takirqanku. Bacbuquiasmi wawqen Matanías yanapaq karqan. Samuaq churin Abda, paypa ñawpa taytankunan karqan Galal, Jedutunpiwan.

¹⁸Ch'uya llaqtapi tiyaq llapan Leví runakunan iskay pachak chunka tawayoq karqanku.

¹⁹Punku qhawaqkunamanta: Acub, Talmón, wawqenkunapiwan. Paykunan punkukunata qhawaq karqanku, pachak qanchis chunka iskayniyoq.

²⁰Wakin Israel runakuna, sacerdotekuna, Leví runakuna Judapi tiyarqanku sapanka llaqtankupi hallp'ankupikama.

²¹Diospa wasinpi llank'aqkunataq Ofel nisqa moqo qallariypi tiyarqanku, umallinkutaq Ziha, Gispapiwan karqan.

²²Jerusalenpi tiyaq Leví runakunaq umallintaq Baniq churin Uzi karqan. Ñawpa taytankunan karqan Hasabías, Matanías, Micaiaspiwan. Uziqa Asafpa mirayninmantan karqan, Asafpa mirayninkunan Diospa wasinpi takikunata takichiq karqanku.

²³Ñawpaqñan reyqa takiqkunapaq kamachikusqa t'aqankuman hina sapa p'unchay takichinankupaq.

²⁴Judá ayllu Zeraq mirayninmanta Mesezabeelpa churin Petaiastaq Israel runakunaq tukuy kawsayninmanta Persia reyman willaqpaq churasqa karqan.

²⁵Wakin Judá ayllu runakunataq tiyarqanku Quiriat-arba llaqtapi, Dibón llaqtapi, Jecabseel llaqtapi,

²⁶Jesúa llaqtapi, Molada llaqtapi, Bet-pelet llaqtapi,

²⁷Hazar-sual llaqtapi, Beerseba llaqtapi,

²⁸Siclag llaqtapi, Mecona llaqtapi,

²⁹En-rimón llaqtapi, Zora llaqtapi, Jarmut llaqtapi.

³⁰Zanoa llaqtapi, Adulam llaqtapi, Laquis llaqtapi, Azeca llaqtapiwan, sapanka ayllunkupi hallp'ankupikama. Ahinatan Beersebamanta Hinom Wayq'okama tiyarqanku.

³¹Benjamín ayllu runakunataq tiyarqanku Geba llaqtapi, Micmas llaqtapi, Aía llaqtapi, Betel llaqtapi ayllunkunapiwan,

³²Anatot llaqtapi, Nob llaqtapi, Ananías llaqtapi,

³³Hazor llaqtapi, Ramá llaqtapi, Gitaim llaqtapi,

³⁴Seboim llaqtapi, Nebalat llaqtapi,

³⁵Lod llaqtapi, Ono llaqtapi, Llank'aqkunaq Wayq'on nisqapiwan.

³⁶Judá ayllu hallp'api tiyaq Leví runakunaq wakin t'aqankunataq Benjamín aylluman tiyaq ripurqanku.