Read Diospa Simin Qelqa NEHEMÍAS 7 Bible Online

NEHEMÍAS 7 - Diospa Simin Qelqa bible

NEHEMÍAS 7

¹Llaqta muyuriq perqa sayarichiyta tukuspan punkukunatapas churaspa punku qhawaqkunata, takiqkunata, Leví runakunata churarqayku.

²Hinan iskay qharikunata akllarqani Jerusalenpi kamachikunanpaq, wawqey Hananita, Jerusalén pukarapi kamachikuq Hananiastawan. Hananiasqa chanin runan karqan, hukkunamantapas Diosta aswan manchakuq.

³Paykunatataq nirqani: — Jerusalén punkukunaqa allin inti lloqsimuytañan kicharikunqa, allintataq p'utinkunawan wisq'akunqa manaraq inti chinkaykushaqtin, punku qhawaqkunapas chaypiraq kashaqtin. Hinallataq churaychis Jerusalenpi tiyaqkunamanta qhawaqkunata, wakinta llaqta qhawana cheqaspi, wakintataq wasinku chimpapi, nispa.

⁴Llaqtaqa hatunmi karqan campoyoqtaq, ichaqa pisillan runa karqan, wasikunapas pisillaraqmi karqan.

⁵Diosmi sonqoyman rimaykuwarqan oficialkunata, allichachaq runakunata, llapa runakunata huñuspa mirayninkuman hina yupanaypaq. Kamachi-kaymanta ñawpaq kutimpuq runakunaq yupachikusqanku qelqatan tarirqani, chaypin kay hina qelqasqa kasqa:

⁶Kaymi Judapi naceq Israel runakuna yupasqa qelqa. Paykunatan rey Nabucodonosorqa Babilonia suyuman presota apasqa. Chaymantañataq paykunaqa Jerusalenman Judapi huk cheqaskunamanwan kutimpusqaku, sapanka llaqtankumankama.

⁷Umallinkunataq kaykuna karqan: Zorobabel, Jesúa, Nehemías, Azarías, Raamías, Nahamani, Mardoqueo, Belsán, Misperet, Bigvai, Nehum, Baanapiwan.

⁸Parospa mirayninkuna: iskay waranqa pachak qanchis chunka iskayniyoq.

⁹Sefatiaspa mirayninkuna: kinsa pachak qanchis chunka iskayniyoq.

¹⁰Araq mirayninkuna: soqta pachak phisqa chunka iskayniyoq.

¹¹Pahat-moabpa miraynin Jesuaq Joabpapiwan ayllunkuna: iskay waranqa pusaq pachak chunka pusaqniyoq.

¹²Elampa mirayninkuna: waranqa iskay pachak phisqa chunka tawayoq.

¹³Zatuq mirayninkuna: pusaq pachak tawa chunka phisqayoq.

¹⁴Zacaipa mirayninkuna: qanchis pachak soqta chunka.

¹⁵Binuipa mirayninkuna: soqta pachak tawa chunka pusaqniyoq.

¹⁶Belbaipa mirayninkuna: soqta pachak iskay chunka pusaqniyoq.

¹⁷Azagadpa mirayninkuna: iskay waranqa kinsa pachak iskay chunka iskayniyoq.

¹⁸Adonicampa mirayninkuna: soqta pachak soqta chunka qanchisniyoq.

¹⁹Bigvaipa mirayninkuna: iskay waranqa soqta chunka qanchisniyoq.

²⁰Adinpa mirayninkuna: soqta pachak phisqa chunka phisqayoq.

²¹Aterpa miraynin, Ezequiaspa ayllun: isqon chunka pusaqniyoq.

²²Hasumpa mirayninkuna: kinsa pachak iskay chunka pusaqniyoq.

²³Bezaipa mirayninkuna: kinsa pachak iskay chunka tawayoq.

²⁴Harifpa mirayninkuna: pachak chunka iskayniyoq.

²⁵Gabaonpa mirayninkuna: isqon chunka phisqayoq.

²⁶Belén llaqta Netofa llaqta runakuna: pachak pusaq chunka pusaqniyoq.

²⁷Anatot llaqta runakuna: pachak iskay chunka pusaqniyoq.

²⁸Bet-azmavet llaqta runakuna: tawa chunka iskayniyoq.

²⁹Quiriat-jearim llaqta, Cafira llaqta, Beerot llaqta runakuna: qanchis pachak tawa chunka kinsayoq.

³⁰Geba llaqta, Ramá llaqta runakuna: soqta pachak iskay chunka hukniyoq.

³¹Micmas llaqta runakuna: pachak iskay chunka iskayniyoq.

³²Betel llaqta Hai llaqta runakuna: pachak iskay chunka kinsayoq.

³³Hukkaq Nebo llaqta runakuna: phisqa chunka iskayniyoq.

³⁴Hukkaq Elam llaqta runakuna: waranqa iskay pachak phisqa chunka tawayoq.

³⁵Harim llaqta runakuna: kinsa pachak iskay chunka.

³⁶Jericó llaqta runakuna: kinsa pachak tawa chunka phisqayoq.

³⁷Lod llaqta, Hadid llaqta, Ono llaqta runakuna: qanchis pachak iskay chunka hukniyoq.

³⁸Senaa llaqta runakuna: kinsa waranqa isqon pachak kinsa chunka.

³⁹Sacerdotekunamanta: Jesúa ayllumanta Jedaiaspa mirayninkuna: isqon pachak qanchis chunka kinsayoq.

⁴⁰Imerpa mirayninkuna: waranqa phisqa chunka iskayniyoq.

⁴¹Pasurpa mirayninkuna: waranqa iskay pachak tawa chunka qanchisniyoq.

⁴²Harimpa mirayninkuna: waranqa chunka qanchisniyoq.

⁴³Leví runakunamanta: Hadaviaspa churinkunaq Jesuaq Cadmielpapiwan mirayninkuna: qanchis chunka tawayoq.

⁴⁴Takiqkunamanta: Asafpa mirayninkuna: pachak tawa chunka pusaqniyoq.

⁴⁵Punku qhawaqkunamanta: Salumpa, Aterpa, Talmonpa, Acubpa, Hatitaq, Sobaipa mirayninkuna: pachak kinsa chunka pusaqniyoq.

⁴⁶Diospa wasinpi llank'aqkunan karqan: Zihaq mirayninkuna, Hasufaq mirayninkuna, Tabaotpa mirayninkuna,

⁴⁷Querospa mirayninkuna, Siahaq mirayninkuna, Padonpa mirayninkuna,

⁴⁸Lebanaq mirayninkuna, Hagabaq mirayninkuna, Salmaipa mirayninkuna,

⁴⁹Hananpa mirayninkuna, Gidelpa mirayninkuna, Gaharpa mirayninkuna,

⁵⁰Reaiaq mirayninkuna, Rezinpa mirayninkuna, Necodaq mirayninkuna,

⁵¹Gazampa mirayninkuna, Uzaq mirayninkuna, Paseahpa mirayninkuna,

⁵²Besaipa mirayninkuna, Mehunimpa mirayninkuna, Nefisesimpa mirayninkuna,

⁵³Bacbucpa mirayninkuna, Hacufaq mirayninkuna, Harhurpa mirayninkuna,

⁵⁴Bazlutpa mirayninkuna, Mehidaq mirayninkuna, Harsaq mirayninkuna,

⁵⁵Barcospa mirayninkuna, Sisaraq mirayninkuna, Temaq mirayninkuna,

⁵⁶Neziaq mirayninkuna, Hatifaq mirayninkunapiwan.

⁵⁷Salomonpa kamachinkunaq mirayninkunan karqan: Sotaipa mirayninkuna, Soferetpa mirayninkuna, Peridaq mirayninkuna,

⁵⁸Jaalaq mirayninkuna, Darconpa mirayninkuna, Gidelpa mirayninkuna,

⁵⁹Sefatiaspa mirayninkuna, Hatilpa mirayninkuna, Poqueret-hazebaimpa mirayninkuna, Amonpa mirayninkunapiwan.

⁶⁰Diospa wasinpi llapan llank'aqkuna, Salomonpa kamachinkunaq mirayninkunapiwan karqan kinsa pachak isqon chunka iskayniyoq.

⁶¹Tel-mela llaqtamanta, Tal-harsa llaqtamanta, Querub llaqtamanta, Adón llaqtamanta, Imer llaqtamantawan wakin chayamuqkunan Israelpa miraynin kasqankuta mana sut'inchayta atirqankuchu.

⁶²Paykunan karqanku: Delaiaq, Tobiaspa, Necodaq mirayninkuna: soqta pachak tawa chunka iskayniyoq.

⁶³Hinallataq sacerdotekunaq mirayninkunamantapas: Habalaspa mirayninkuna, Cospa mirayninkuna, Barzilaipa mirayninkuna (chay runan Galaadmanta Barzilaipa ususinwan casarakuspa suegronpa sutinwan sutichakapusqa).

⁶⁴Chaykunan mirayninku qelqata maskhaspa sutinkuta mana tarirqankuchu, chaymi sacerdote-kayninkumanta wikch'usqa karqanku.

⁶⁵Hinallataq kamachikuqpas paykunata kamachirqan Diospaq t'aqasqa mikhunata mana mikhunankupaq, Diospa munaynin tapuna Urimwan Tumimwan tapuq sacerdoteq kanankama.

⁶⁶Llapa huñuykusqan tawa chunka iskayniyoq waranqa kinsa pachak soqta chunka karqanku.

⁶⁷Warmi kamachikunapas qhari kamachikunapas mana yupasqa kaqkunan, qanchis waranqa kinsa pachak kinsa chunka qanchisniyoq karqanku, hinallataq takiq warmikuna takiq qharikunapas iskay pachak tawa chunka phisqayoq karqanku.

⁶⁸Caballonkupas qanchis pachak kinsa chunka soqtayoq, mulankupas iskay pachak tawa chunka phisqayoq,

⁶⁹Camellonkupas tawa pachak kinsa chunka phisqayoq, asnonkupas soqta waranqa qanchis pachak iskay chunka karqan.

⁷⁰Wakin ayllu umalli runakunataq llank'anapaq ofrendankuta churarqanku. Kamachikuqmi tesoreroman qorqan pusaq kilo qorita, phisqa chunka puruñata, phisqa pachak kinsa chunka sacerdote p'achakunatawan.

⁷¹Wakin ayllu umalli runakunapas llank'anapaq tesoreroman qorqanku pachak soqta chunka kilo qorita, waranqa iskay pachak chunkayoq kilo qolqetawan.

⁷²Wakin runakunapas qollarqantaq pachak soqta chunka kilo qorita, waranqa pachak kilo qolqeta, soqta chunka qanchisniyoq sacerdote p'achakunatawan.

⁷³Hinan sacerdotekuna, Leví runakuna, punku qhawaqkuna, takiqkuna, wakin runakuna, Diospa wasinpi llank'aqkunapiwan llaqtankupi tiyapurqanku.