Read Diospa Simin Qelqa JOB 23 Bible Online

JOB 23 - Diospa Simin Qelqa bible

JOB 23

¹Chaymi Jobqa kutichirqan:

²— Kunanpas nanasqa sonqoyoqraqmi Dios contra quejakuni, hinaña anchishani chaypas Diospa makinqa ñit'ishawanraqmi.

³¡Maytan munayman maypichus Diosta tariyta! ¡Maytan munayman Diospa tiyasqanman chayayta!

⁴Paypa qayllanpitaq imayna kasqayta rimariyman, hinapuni kasqayta sut'inchaspa willakuyman.

⁵Ñoqataq yachayman ima nispachus kutichiwasqanta, yachallaymantaq ima nispachus niwasqanta.

⁶Payri, ¿munayniyoq kaspachu contraypi sayarinman? Manan, aswanmi uyariwanman.

⁷Chaypin chanin runaqa tupapakuyta atinman, juezniypa ñawpaqenmantaqa mana huchachasqan ripuyman.

⁸Inti lloqsimuy ladopin maskhamuni Diosta, chaypiqa manan kanchu, inti haykuy ladopin maskhamuni Diosta, chaypipas manan tarinichu.

⁹Wichay ladopi Dios llank'ashaqtinqa manan rikunichu, uray ladoman kutipuqtapas manallataqmi huk ratopas rikunichu.

¹⁰Chaytukuywanpas payqa lliw purisqaytan yachan, ch'uyanchawaqtinqa qori hina ch'uyan kasaq.

¹¹Paypa sarusqantakaman ñoqaqa sarurqani, ñannintapas mana mayman q'ewirispan purirqani.

¹²Llapantan kamachikuy siminkunataqa hunt'arqani, siminkunatan sapa p'unchay mikhunaymantapas aswantaraq munarqani.

¹³Pay sapallanpunin Diosqa, ¿pitaq churanakunman? Payqa munasqantan ruwan.

¹⁴Ñoqawan ima ruway yuyaykusqantan ruwanqa, chay hina yuyaykusqanqa askhapunin.

¹⁵Chayraykun ñawpaqenpiqa manchakuni, llapan chaykunamanta yuyarispan payta manchakuni,

¹⁶Diosmi kallpayta chiriyachin, Tukuy-atiyniyoqmi q'aqchawan.

¹⁷Tutayaqpas manan ch'inyachiwanchu, laqhayaqpas manan upallachiwanchu.